Yusif Rüstəmov

Yusif İman oğlu Rüstəmov - Fəlsəfə elmləri doktoru, professor, Azərbaycan Universitetinin prorektoru (2000-2003), Azərbaycan Milli Elmlər Akademiyasının Fəlsəfə və Siyasi-Hüquqi Tədqiqatlar İnstitutunun direktoru, Fəlsəfə Dissertasiya Şurasının sədri, Fəlsəfə, politologiya və sosialogiya elmləri üzrə Respublika Problem Şurasının sədri, öz təşəbbüsü ilə təsis etdiyi Fəlsəfə Cəmiyyətinin prezidenti, "Fəlsəfə", "Elmi əsərlər", "Qərb-Şərq sivilizasiyalarının dialoqu" jurnallarının baş redaktoru.

Yusif İman oğlu Rüstəmov 1932-ci il dekabrın 29-da Qazax şəhərində doğulmuşdur.1954-cü ildə Azərbaycan Dövlət Universitetinin tarix fakültəsinin fəlsəfə şöbəsini fəlsəfə ixtisası üzrə bitirmişdir. (1964-cü ildən 1974-cü ilədək) Azərbaycan SSR Elmlər Akademiyasının Fəlsəfə və Hüquq İnstitutunda çalışmışdır. Y.Rüstəmov 1973-cü ildə doktorluq dissertasiyası müdafiə edərək fəlsəfə elmləri doktoru alimlik dərəcəsini, 1977-ci ildə isə professor elmi rütbəsini almışdır. Y.Rüstəmov 1974-2003-cü illərdə M.F.Axundov adına Azərbaycan Pedaqoji Rus Dili və Ədəbiyyatı İnstitutunda (hazırda Bakı Slavyan Universiteti) kafedra müdiri vəzifəsində çalışmışdır. Eyni zamanda da 2000-2003-cü illərdə özəl əsaslarla fəaliyyət göstərən Azərbaycan Universitetinin prorektoru vəzifəsində fəaliyyət göstərmişdir. Professor Y.Rüstəmov 2003-cü ilin fevral ayında Azərbaycan Milli Elmlər Akademiyasının Fəlsəfə və Siyasi-Hüquqi Tədqiqatlar İnstitutunun direktoru təyin edilmişdir.^[1].

Elmi əsərlərindən özünəməxsus diqqətəlayiq yer tutan kitablarından biri 2005-ci ildə nəşr etdirdiyi "Türk fikir tarixi haqqında mülahizələr"dir. Kitab müəllifin müxtəlif illərdə qələmə aldığı və ayrı-ayrı kitab və jurnallarda dərc olunan yazıları əsasında tərtib edilmişdir.

15 il Dissertasiya Şurasının üzvü, 3 il isə həmin şuranın sədri olmuşdur. 10 il AAK-ık Ekspert Şurasının üzvü kimi fəaliyyət göstərmişdir. Fəlsəfə, politologiya və sosialogiya elmləri üzrə Respublika Problem Şurasının sədri olmuşdur. Filosof eyni zamanda bir sıra elmi şuraların üzvü olmuşdur.

Yüsif Rüstəmov 20-dən çox elmi monoqrafiyanın elmi redaktoru olmuş, onlara rəy vermişdir. "Fəlsəfə", "Elmi əsərlər", "Qərb-Şərq sivilizasiyalarının dialoqu" jurnallarının baş redaktoru, ölkəmizdə öz təşəbbüsü ilə təsis etdiyi Fəlsəfə Cəmiyyətinin prezidenti olmuşdur. Azərbaycan Milli Ensiklopediyasının redaksiya şurasının üzvü olmuşdur. Y.Rüstəmovun rəhbərlik etdiyi Filosoflar Cəmiyyəti YUNESKO-nun Beynəlxalq Fəlsəfə Cəmiyyətinə üzv qəbul edilmişdir.^[1].

Fəlsəfə sahəsi

-İslam və müasir Türkiyənin ictimai fikri.(rus dilində) 1980.
- Karl Marks -inqilabi fikir dühası. 1988
- Fəlsəfə tarixi (dərs vəsaiti ,rus dilində) 1994
- Fəlsəfə (mühazirə kursu,rus dilində) 1998
- Türkiyənin sosial-siyasi və fəlsəfi fikirinin bəzi problemləri.2005
- Türk fikir tarixi haqqında mülahizələr. 2005
- Mövlanə Cəlaləddin Ruminin sufilik fəlsəfəsi.2002. Təkrar nəşr.2006.
-Fəlsəfənin əsasları (azərbaycan və rus dilində) 2004. Təkrar nəşr 2007.
-Əbu Nəfs Ömər Suhrəverdinin təssəvür fəlsəfəsi.2005
-Sədi Nursinin dünyagörüşü. 2006 
 

Hüquq sahəsi

- Siyasi-Hüquqi təlimlər tarixi.2000. 
- Sosial-siyasi və Hüquqi təlimlər tarixi.2007

Sosial-siyasi elmlər sahəsi

-Müasir Türk burjua sosialogiyası.1967
-Beynəlxalq münasibətlər sistemində ABŞ-nin rolu(azərbaycan və rus dilində,2005)
- Tarix-zaman daxilində insan reallığıdır. 2005.
-Sivilizasiyanın qarışılıqlı münasibəti. 2007.
-Tarix lokal svilizasiyaların qarışılıqlı münasibət kimi. 2008
-Svilizasiyaların qarışılıqlı münasibət konteksində Amerika milli identikliyi.2009
- Acropa və ümümdünya tarixi.2015
-ABŞ və qlobal liderlik.
-Tarix-vahid ardıcıl təkamül prosesləri kimi. 2015