Zülqədər Cahangirov
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Zülqədər Həsən oğlu Cahangirov (1 may 1907, Tuğ, Şuşa qəzası – 14 sentyabr 1974, Tuğ, Hadrut rayonu) — iqtisad elmləri doktoru, professor.
| Zülqədər Cahangirov | |
|---|---|
| Zülqədər Həsən oğlu Cahangirov | |
 | |
| Doğum tarixi | 1 may 1907 |
| Doğum yeri | |
| Vəfat tarixi | 14 sentyabr 1974 (67 yaşında) |
| Vəfat yeri | |
| Dəfn yeri | |
| Həyat yoldaşı | Qeys Cahangirova |
| Uşaqları |
Azər Cahangirov Feyruz Cahangirov Nazim Cahangirov |
| Atası | Həsən Cahangirov |
| Anası | Bənövşə Cahangirova |
| Elmi dərəcəsi | iqtisad elmləri doktoru |
| İş yeri | |
| Təhsili |
|
| Mükafatları |
 |
Həyatı
[redaktə | mənbəni redaktə et]Zülqədər Cahangirov 1 may 1907-ci il Tuğ kəndində anadan olmuşdur. 20-ci illərin əvvəllərində Tuğ orta məktəbini bitirdikdən sonra təhsilini Bakı və Daşkənd şəhərlərində davam etdirərək ali təhsil almışdır.1932-ci ildə Daşkənd şəhərində Orta Asiya Kənd Təsərrüfatı İnstitutunun plan-iqtisad fakültəsini bitirmişdir.[1]
1944-cü ildə iqtisad elmləri namizədi alimlik dərəcəsi almaq üçün dissertasiya müdafiə etmişdir.
Müxtəlif illərdə Ali Kənd Təsərrüfat məktəbində iqtisad kafedrasının müdiri, keçmiş Lenin adına APİ-un İqtisadiyyat kafedrasının müdiri, Azərbaycan Elmlər Akademiyasının iqtisad bölməsinin rəhbəri və Azərbaycan Kommunist Partiyası Mərkəzi Komitəsində iqtisadiyyat bölməsinin rəhbəri vəzifələrində calışmışdir.
Görkəmli alim, respublikanın əməkdar iqtisadçısı Z.H Cahangirov 14 sentyabr 1974-cü ildə Tuğda vəfat etmiş və öz vəsiyyəti ilə Tuğ kəndinfə dəfn edilmişdir.
İctimai fəaliyyəti
[redaktə | mənbəni redaktə et]Azərbaycan ilk iqtisadçı alimlərindən biri olmuş, 1969-cu ildə respublikanın əməkdar elm xadimi adına layiq görülmüşdür.
Zülqədər Cahangirov xidmətlərinə görə bir sıra orden və medallarla təltif olunmuşdur.
Elmi-pedaqoji fealiyyəti dövründə siyasi iqtisad və kənd təsərrüfatı iqtisadiyyatına dair 60-dan çox elmi işi dərc olunmuşdur. Onun rəhbərliyi altında 15 namizədlik dissertasiyası müdafiə olunmuşdur. Professor Z.H Cahangirov SSRİ-nün müxtəlif ali məktəblərin elmi şuralarında namizədlik və doktorluq dissertasiyaların müdafiəsində opponent kimi çıxış etmişdir.
1948-ci ildən Azərbaycan SSR E.A-nın İqtisadiyyat bölməsinə rəhbərlik etmişdir.
1944-1973-cü illərdə Azərbaycan Dövlət Pedaqoji İnistitunun Siyasi iqtisad Kafedrasına rəhbərlik etmişdir.
1964-cü ildə Siyasi iqtisadçı professor adına layiq görülmüşdür.
1973-cü ildə müəllim kadrların hazırlanmasında, pedaqoji elmlərin inkişafında xidmətlərinə görə ona əməkdar iqtisadçı fəxri adı verilmişdir.
Daimə öz elindən, doğma kəndindən aralanmayan Zülqədər Cahangirovun həmkəndliləri qarşısında böyük xidmətləri olmuşdur.
Bələ ki, Tuğ kəndindən əlavə olaraq həmçinin bütün Qarabağdan Bakıya müxtəlif məsələlərlə əlaqədər gələn adamlar məhz Zülqədər Cahangirov-un köməyinə əsaslanırdılar.
60-cı illərin sonunda Tuğ kəndinə çəkilən su kəməri məhz professor Zülqədər Cahangirovun təşəbbüsü və köməyi nəticəsində həyata keçmişdir.
Z.H Cahangirovun 3 övladı vardır: Azər, Feyruz və Nazim.[2]
İstinadlar
[redaktə | mənbəni redaktə et]- ↑ Mustafayev, Rəfael. "Xocavəndin 125 yaşlı Tuğ məktəbi". Xalq qəzeti. 2010-04-07. İstifadə tarixi: 2024-09-11.
- ↑ Böyük İqtisadi Ensiklopediya. V. Bakı: Letterpress. 2012. 429. ISBN 978-9952-452-31-0.