Quliyev Ziya Yelmar oğlu (29 iyul 1973, Yeni Daşkənd, Bərdə rayonu – güm. 2 aprel 1993, Kəlbəcər rayonu) — Qarabağ müharibəsi şəhidi.[1][2]
Ziya Quliyev | |
---|---|
Ziya Yelmar оğlu Quliyev | |
Şəxsi məlumatlar | |
Doğum tarixi | 29 iyul 1973 |
Doğum yeri | |
Vəfat tarixi | güm. 2 aprel 1993 (19 yaşında) |
Vəfat yeri | |
Milliyyəti | azərbaycanlı |
Atası | Yelmar Quliyev |
Təhsili |
|
Hərbi fəaliyyəti | |
Döyüşlər |
Quliyev Ziya Yelmar oğlu 29 iyul 1973-cü ildə Bərdə rayonunun Yeni Daşkənd kəndində doğulmuşdur. 1980–1990-cı illərdə Yeni Daşkənd kənd orta məktəbində oxumuşdur.[3]
Bərdə RHK-ya müraciət edərək Milli Orduya könüllü getmişdir. N saylı hərbi hissənin atıcısı olmuşdur. İki aylıq təlimlərdən sonra döyüşlərdə iştirak etməyə başlamışdır. Laçın, Kəlbəcər bölgələrində, Qamışlı-Yanşaq istiqamətində gedən döyüşlərdə iştirak etmişdir. Sıravi əsgər Ziya Quliyev 2 aprel 1993-cü ildə Kəlbəcər rayonunda bud nahiyəsindən ağır yaralanmış, döyüş bölgəsindən çıxa bilməmiş və şəhid olmuşdur. Şəhidin meyitini götürmək mümkün olmamışdır. Məzarının yeri məlum deyil.[4]
Subay idi.
EL TV "Əsgər" verilişinin 2018-ci il tarixli "Şəhidlər" rubrikasında Ziya Quliyevin həyatı və döyüş yolu haqqında sənədli film yayımlamışdır.