Glock 17

Glock 17
Tapança
Tipi	özüdolan tapança
Ölkə	Avstriya
İstismar tarixçəsi
İstismar illəri	1982 – indiyədək
İstismara başlanması	1980
İstismar edənlər	Azərbaycan 1, Avstriya, Almaniya, İsveçrə, Norveç, Hollandiya, Nyu-york polisi, Şimali İrlandiya polisi, Tazmaniya polisi.
İstehsal tarixçəsi
Konstruktor	Qaston Qlok (ing. Gaston Glock)
Konstruksiya tarixi	1982
İstehsalçı	Glock GmbH
İstehsal illəri	1982 – indiyədək
Xüsusiyyətləri
Ağırlığı	625
Məsafə	50 m
Uzunluğu	186
Lülənin uzunluğu	114
Eni	33
Hündürlüyü	138
Kalibr	9
Effektiv məsafə	50 m
Nişangah	çıxarıla bilən, açıq
Vikianbarda əlaqəli mediafayllar

Glock 17 (Qlok 17) — Glock şirkəti tərəfindən Avstriya ordusu üçün hazırlanmış tapançadır. Cari model həmin şirkət tərəfindən istehsal edilən ilk tapançadır. Əldə edilmiş məhsul uğurlu və rahat olduğu üçün P80 adı ilə Avstriya ordusunun istifadəsinə verilmişdir. Döyüş keyfiyyəti və etibarlılığına görə mülki müdafiə silahı kimi geniş şəkildə istifadə olunur. Fərqli seçimlərdə fərqli güllələr üçün istehsal olunur. 9×19 mm Parabellum, .40 S&W, 10 mm Auto, .357 SIG, .45 ACP və .45 GAP.

Tapançanın əsas xüsusiyyəti təhlükəsizlik fitilinin olmamasıdır. Tapançanın əsas hissəsi möhkəm istiyə dözən 200 °C plastikdən hazırlanmışdır. Buna görə də Glock 17 yüngüldür və olduğca möhkəmdir. Glock 17 “götür və atəş aç” prinsipi ilə işləyir, ancaq atəş açmaq üçün tətiyi tam basmaq lazımdır. Cəmi 33 hissədən ibarətdir və ber neçə saniyə ərzində sökülüb yığıla bilər.

Yaranma tarixi

İkinci dünya müharibəsinin bitməsindən sonra Avstriya silahlı qüvvələri Kolt M1911 və Walther P38 istifadə edirdilər. Avstriya polisi isə Mühəribədən öncə və sonra Fransanın lisenziyasına əsasən hazırlanmış Walther PP və Walther PP] istifadə edirdilər. Yaranmış problemi aradan qaldırmaq məqsədi ilə 1980ci ildə Avstriya polisi və ordusunun istifadəsi üçün yeni tapançanın hazırlanması məqsədi ilə müsabiqə keçirmək qərara alındı.

Müsabiqəçilərə tələblər aşağıda göstərilmişdir:

• güllənin tipi: 9×19 mm Parabellum;
• minimal tutum: 8 güllə;
• silahın sol və sağ əllə istifadə etmə bacarığı;
• sürətli şəkildə döyüş vəziyyətinə gətirilmə (qoruyucu fitilin olmaması);
• xüsusi avadanlığdan istifadə etmədən söküb yığa bilmə, cəmi detalların sayının 58dən çox olmaması;
• müvafiq dəyişikliklər olunmadan bütün hissələrin dəyişilməsi bacarığı;
• 10 000 atışa cəmi 20 dəfə gecikmənin olması;
• xarici faktorlar və temperaturun təsiri altında maksimal dərəcədə bütövlüyünü qorumaq;
• istifadəçi üçün maksimal dərəcədə təhlükəsiz olması, 2 metrə yüksəklikdən yerə düşdüyü təqdirdə atış etməməsi.

Müsabiqədə müxtəlif silah hazırlayıcı şirkətlər iştirak edirdi. Onların arasında az tanınan Vena şəhərinin yaxınlığında yerləşən Doç Vaqram şəhərində yaranmış kiçik Glock şirkəti də var idi. Həmin zaman Glock şirkəti avstriya ordusu üçün minaxtaran kürəyi, hərbi bıcaq, kəmər və müxtəlif sursatlar hazırlayırdı. Hələ 1970ci illərin ortalarında Qaston Qlok mühəndislərinə sadə, effektiv və etibarlı tapança hazırlamağı tapşırmışdı.

Tapançanın əsas yeniliyi onda polimer materialının istifadə edilməsi idi. 1982ci ildə orduda keçirilmiş sınağlardan sonra Glock 17 P80 adıyla Avstriya Ordusuna istifadəyə verildi. Glock şirkətinə 25 000 tapança sifariş verilmişdi. Şirkətin istehsal gücü zəif olduğundan həmin an üçün subpodratçı şirkətlər cəlb edilmişdi. İstifadəyə verildikdən sonra tapançanın uğurlu olması onun yeni tapançalar yaratmasına səbəb oldu, lakin ilkin layihə dəyişilməz olaraq qaldı.

Konstruksiya

Tapançanın layihəsi çox sadədir və xüsusi qurğu olmadan yığılıb, sökülən konstruksiyaya malikdir. Detalların cəmi sayı 33dür.

Kolt-Branuninq sisteminin işləmə prinsipi (Brauning Cam)