Dağıntı Axınından Dağılmış Evlərin Memorial Parkı

Vikipediya, azad ensiklopediya
Naviqasiyaya keç Axtarışa keç
Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.
Dağıntı Axınından Dağılmış Evlərin Memorial Parkı
Xəritə
Əsası qoyulub 1999
Ölkə
Yerləşir Minamişimabara[d]
32°44′20″ şm. e. 130°22′04″ ş. u.

Dağıntı Axınından Dağılmış Evlərin Memorial Parkı (土石流被災家屋保存公園, Dosekiryu Hisay Kaoku Hozen Koen?) – Yaponiyanın Naqasaki prefekturasının Minamişimabara şəhərində yerləşən memorial park. 1991-ci ildə Unzen vulkanının püskürməsi hadisəsinə həsr olunmuşdur.[1]

Tarixi

1991-ci ilin iyununda Minamişimabara şəhərinin yaxınlığında yerləşən Unzen vulkanı püskürmüş və piroklastik axına səbəb olmuşdur. Nəticədə, 43 nəfər ölmüş və şəhərdəki bir çox tikili dağıntıların altında qalmışdır.[1]

Faciəni yad etmək üçün dağıntıların altında qalmış bəzi evlər qorunub saxlanmasına və memorial parkın yaradılmasına qərar verilmişdir. Parkın yaradılması barədə qərar 24 mart 1999-cu ildə verilmiş və park 1 aprel 1999-cu ildə yaradılmışdır.[2]

Xüsusiyyətlər

Memorial park açılanda oraya 11 tikili daxil idi (3-ü çadır strukturunun içərisində, qalanları çöldə).[2] Lakin həmin tikililərdən 2-si istismar müddətini keçib ziyarətçilər üçün potensial təhlükə yaratdığı üçün 2021-ci ilin dekabrında sökülmüşdür.[3] Parkdakı evlərdən ancaq birinin yeri əvvəlki yerindən fərqlidir.[2] Evlər orta hesabla yerin 2,7 metr dərinliyinə batmışdır.[1] Parkın ümumi sahəsi 6187,44 m2, çadır strukturunun sahəsi isə 1207,27 m2 təşkil edir. Parkın məqsədi ziyarətçilərə vulkan püskürmələrinin dəhşətini və fəsadlarını çatdırmaqdır.[2]

İstinadlar

  1. ↑ 1 2 3 "Memorial Park of Houses Destroyed by Debris Flows". Atlas Obscura (ingiliscə). 10 oktyabr 2023. 16 oktyabr 2023 tarixində arxivləşdirilib. İstifadə tarixi: 16 oktyabr 2023.
  2. ↑ 1 2 3 4 "事業評価調書〔途中評価〕（平成29年度）" (PDF). Naqasaki prefekturasının rəsmi saytı (yaponca). 6 mart 2022 tarixində arxivləşdirilib (PDF). İstifadə tarixi: 17 oktyabr 2023.
  3. ↑ "普賢岳災害の遺構 屋外展示2棟を解体へ 南島原・土石流被災家屋保存公園". Nagasaki Shimbun (yaponca). 24 dekabr 2021. 24 noyabr 2022 tarixində arxivləşdirilib. İstifadə tarixi: 17 oktyabr 2023.

Xarici keçidlər

Mənbə — "https://az.wikipedia.org/w/index.php?title=Dağıntı_Axınından_Dağılmış_Evlərin_Memorial_Parkı&oldid=7276578"