Heysaku Kosava
| Heysaku Kosava | |
|---|---|
| yap. 古沢平作 | |
| Doğum tarixi | 17 iyul 1897 |
| Doğum yeri |
|
| Vəfat tarixi | 5 oktyabr 1968 (71 yaşında) |
| Vəfat yeri | |
| İş yeri | |
| Təhsili | |
Heysaku Kosava (古沢平作, Kosava Heysaku?, 17 iyul 1897, Atsuqi[d], Kanaqava prefekturası – 5 oktyabr 1968, Tokio[d]) – Yaponiya psixiatrı və psixoanalitiki. Yaponiyada psixoanalizin əsasını qoymuşdur.[1]
Həyatı
Heysaku Kosava 17 iyul 1897-ci ildə Yaponiyanın Kanaqava prefekturasının Atsuqi şəhərində doğulmuşdur.[1] 1926-cı ildə Tohoku Universitetinin Tibb Məktəbindən məzun olmuş, burada professor Kiyoyasu Maruinin tələbəsi olmuşdur.[1] 1931-ci ildə Tohoku Universitetindəki psixiatriya professoru olmuşdur.[1]
1932–1933-cü illərdə Vyana Psixoanaliz İnstitutunda təhsil almış, burada Rixard Şterba və Paul Federnin tələbəsi olmuşdur.[1] Vyanada yaşayarkən Ziqmund Freydin evini ziyarət etmiş və ona alman dilində yazdığı "Günahkarlıq hissinin iki növü" adlı məqaləsini təqdim etmişdir.[1] Bu məqalədə onun tərəfindən irəli sürülmüş Acase kompleksindən bəhs etmişdir.[1] O, Visbaden şəhərində baş tutmuş XX Beynəlxalq Psixoanaliz Assosiasiya konqresində iştirak etmiş ilk yapon olmuşdur.[1] Burada Haynts Hartman və Karl Mennincerlə tanış olmuş, onlarla dostlaşmışdır.[1] 1934-cü ildə Yaponiyaya qayıtdıqdan sonra Tokioda şəxsi klinikasını açmışdır.[1] O, uzun müddət psixoanaliz ilə məşğul olan yeganə yapon olmuşdur.[1]
Kosava 1950-ci illərdə yapon psixiatrlar və psixoloqlar üçün psixoanaliz təlimləri keçməyə başlamışdır.[1] 1955-ci ildə Yaponiya Psixoanaliz Cəmiyyətini yaratmış və 1957-ci ilə qədər prezidenti olmuşdur.[1]
Elmi fəaliyyəti
Kosava ABŞ və Avropa pasiyentlərinə nəzərən Yaponiya pasiyentlərinin ana-uşaq münasibətinə daha asan gerilədiklərini müşahidə etmiş, bu cür münasibətlərdə tez-tez müşahidə olunan fundamental konfliktin uşağın anaya qarşı olan qərarsızlığı olduğunu düşünmüşdür.[1] Bu düşüncələri əsasən Freydin Edip kompleksi ilə təzadlıq təşkil edən Acase kompleksi nəzəriyyəsini inkişaf etdirmişdir.[1]
Kosava psixoanalizi təlimlərlə yaymağa üstünlük verdiyi üçün elmi işləri azdır.[1] Lakin onun bir çox tələbəsi Yaponiyada psixoanaliz, dinamik psixiatriya, klinik psixologiya və psixosomatik tibbin yayılmasında əhəmiyyətli rol oynamışdır.[1]
İstinadlar
Ədəbiyyat
- Mijolla, Allan de. International Dictionary of Pychoanalysis (ingiliscə). Thomson Gale. 921–922. ISBN 0-02-865994-5. İstifadə tarixi: 13 dekabr 2022.
- 17 iyulda doğulanlar
- 1897-ci ildə doğulanlar
- Kanaqava prefekturasında doğulanlar
- 5 oktyabrda vəfat edənlər
- 1968-ci ildə vəfat edənlər
- 71 yaşında vəfat edənlər
- Tokioda vəfat edənlər
- Tohoku Universitetinin müəllimləri
- Tohoku Universitetinin məzunları
- Əlifba sırasına görə alimlər
- Yaponiya psixiatrları
- Yaponiya psixoanalitikləri