Mancuriya alması

Mancuriya alması
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Alma Növ: Mancuriya alması
Beynəlxalq elmi adı
Malus mandshurica Kom., 1925
Şəkil axtarışı ITIS   565975 NCBI   106559 EOL   2508061

Mancuriya alması (lat. Malus mandshurica) — bitkilər aləminin gülçiçəklilər dəstəsinin gülçiçəyikimilər fəsiləsinin alma cinsinə aid bitki növü.

Təbii yayılması

Primorski, Uzaq Şərq, Çin və Yaponiyada təbii halda yayılmışdır.

Botaniki təsviri

Hündürlüyü 10 m, gövdəsinin diametri 45 sm-ə çatan, yumru çətirli ağacdır. Qabığı tünd qonur, bəzən qara, yarıqlı, budaqları çubuqvari, qırmızı-sarıdır. Tumurcuqları yumurtavari, qırmızımtıl-qonurdur. Yarpaqları enli-yumurtavari və ya əks–yumurtavari, bünövrəsi yumru, ucu ensiz, yuxarı hissəsi xırda dişli, tükcüklüdür. Çiçək qrupu çətirvari 4-8 ağ rəngdədir, iri ətirli çiçəklərin diametri 2-4 sm-dir. Mayda çiçəkləyir. Meyvələri şarşəkilli, diametri 1 sm-ə çatır, sarı qırmızımtıl çalarlı, turş- acıdır. Sentyabrda yetişir və bütün qışı ağacda qalır. Toxum yuvaları bərk qabıqlıdır.

Ekologiyası

İşıqsevən, şaxtaya, quraqlığa davamlı, torpağa tələbkar deyildir.

Azərbaycanda yayılması

Azərbaycanda bəzi rayonlarda mədəni şəraitdə becərilir.

İstifadəsi

Bu dekorativ bitkidən yaşıllaşdırılmada istifadə edilə bilər, budamanı yaxşı keçirir və canlı hasarlar üçün yararlıdır.