Nahamar deysiya
Nahamar deysiya | ||||||||||
---|---|---|---|---|---|---|---|---|---|---|
Elmi təsnifat | ||||||||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Triba: Cins: ???: Nahamar deysiya |
||||||||||
Beynəlxalq elmi adı | ||||||||||
|
||||||||||
|
Nahamar deysiya (lat. Deutzia scabra) — hortenziyakimilər fəsiləsinin deysiya cinsinə aid bitki növü.
Təbii yayılması[redaktə | mənbəni redaktə et]
Yaponiyada və ya Çində yabanı halda bitir. Nahamar, xırda, ulduzlu tükcüklərlə örtülmüş yarpaqlarına görə belə adlandırılmışdır.
Botaniki təsviri[redaktə | mənbəni redaktə et]
Hündürlüyü 2,5 m olan koldur. Zoğlarının qabığı qırmızı və ya boz-qonur rəngli, sonradan tökülür. Yarpaqları sadə, yumurtavari, neştər formasında və ya uzunsov-yumurtavari, kənarları xırda dişli, tüklü, nadir hallarda çılpaq olub, qarşılıqlı düzülmüşdür. Natamam lələkvari damarlıdır. Yarpaqaltıqları yoxdur. Saplaqları 1 sm uzunluqdadır. İyul-avqust aylarında çiçəkləyir. Çiçəkləri ağ və ya açıq çəhrayı, düz dayanan, uzunluğu 12 sm-ə qədər olan ensiz salxımlara yığılmışdır. Çiçəkyanlığı tez töküləndir. Tumurcuqları xırda, 1-2 mm uzunluqda çılpaq pulcuqlarla örtülmüşdür. Meyvəsi şarşəkilli, təpədən çatlayan qutucuqdur, oktyabrın ortalarında yetişir. Toxumları xırda, 1 mm uzunluqdadır. Toxumlarla, oduncaqlaşmış qələmlərlə, kolun bölünməsi ilə çoxalır.
Ekologiyası[redaktə | mənbəni redaktə et]
İşıqsevən olub, torpağa az tələbkardır. Soyuğa davamlı deyildir, ziyanvericilərlə az zədələnir. Küləkdən qorunan yerlərdə əkilməsi və cavan bitkilərin qışda üstünün örtülməsi məsləhətdir.
Azərbaycanda yayılması[redaktə | mənbəni redaktə et]
Böyük Qafqazda çay kənarlarında rast gəlinir.
İstifadəsi[redaktə | mənbəni redaktə et]
Tək və qrup əkinlərində istifadə olunur.
Ədəbiyyat[redaktə | mənbəni redaktə et]
- Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.