Çalıquşu (roman)

Çalıquşu — Rəşad Nuri Güntəkinin romanı. İlk dəfə 1922-ci ildə nəşr olunmuşdur.

Çalıquşu
türk. Çalıkuşu
Romanın 2017-ci il azərbaycanca 2-ci nəşrinin üz qabığı
Müəllif	Rəşad Nuri Güntəkin
Janrlar	Macəra, məhəbbət, faciə
Orijinalın dili	Türk dili
Ölkələr	Türkiyə
Orijinalın nəşr ili	1922
Tərcüməçi	1929: Xalid Səid 1959: Mikayıl Rzaquluzadə
Nəşriyyat	1929: Azərnəşr 1959: Uşaqgəncnəşr 1987: İşıq 2006: Şərq-Qərb 2014: Bakı Kitab Klubu
Nəşr	Yumşaq
Səhifə	1959: 416 2006: 376 2014: 400
Növ	Roman
Tiraj	2017: 50
ISBN	2006: ISBN 978-9952-34-037-2 2014: ISBN 978-9952-8245-4-4
Vikianbarda əlaqəli mediafayllar

Romanda əsərin qəhrəmanı Fəridənin — Çalıquşu simasında çətin və məşəqqətli həyat tərzinə baxmayaraq, öz məhəbbətinə sədaqət hissini qoruyub saxlayan əsil türk qızının obrazı bədii ustalıqla qələmə alınmışdır. Roman müəllifin demək olar ki, ədəbi taleyini həll edir. Orta fransız dini məktəbini yenicə bitirmiş bir qızın dilindən, gündəliyi şəklində verilmiş bu roman Azərbaycanda ən çox sevilən əsərlərdən biridir.

Roman Azərbaycan dilinə Xalid Səid tərəfindən tərcümə edilərək, 1929-cu ildə Bakıda qısaldılmış versiya ilə Azərnəşrdə çap olunmuşdur. Romanın ən geniş yayılmış tərcüməsi isə yazıçı Mikayıl Rzaquluzadəyə aiddir. M. Rzaquludanənin tərcüməsi Uşaqgəncnəşr tərəfindən 1959-cu ildə 416 səhifədə, İşıq nəşriyyatı tərəfindən 1987-ci ildə, Şərq-Qərb nəşriyyatı tərəfindən 2006-cı ildə 376 səhifədə^[1], Bakı Kitab Klubu tərəfindən 2014^[2] və 2017-ci illərdə Bakıda 400 səhifədə 50 tirajla çap edilmişdir.^[3]

• 1966. Çalıquşu (film, 1966) — Fəridə — Türkan Şoray
• 1986. Çalıquşu (teleserial, 1986) — Fəridə — Aydan Şənər
• 2013. Çalıquşu (teleserial, 2013) — Fəridə — Fəxriyyə Evcən

• Rəşad Nuri Güntəkin. Çalıquşu Mətn: [roman] /R. N. Güntəkin; tərcümə edən və ön sözün müəllifi: M. Rzaquluzadə.- B.: Şərq-Qərb, 2006.- 376 s.
• Bakı Kitab Klubu. "Çalıquşu" ( (az.)). kitabklubu.org. 2017. 2018-02-17 tarixində arxivləşdirilib. İstifadə tarixi: 2018-02-17.