İlhan Aşkın

İlhan Aşkın (1965, İğdır), Niderland Azərbaycan-Türk Mədəniyyət Dərnəyinin rəhbəridir.[1]

İlhan Aşkın
Doğum tarixi
Doğum yeri Türkiyə, İğdır
Vətəndaşlığı Türkiyə, Niderland
Milliyyəti Türk
İxtisası [
Fəaliyyəti Diaspor
Fəaliyyət illəri 1986-cı ildən
Tanınır Diaspor
Mükafatları Azərbaycan Respublikasının "Tərəqqi" medalı

Həyatı[redaktə | mənbəni redaktə et]

İlhan Aşkın, 1965-ci ildə İğdırda anadan olsa da, ailəsi əslən Qərbi Azərbaycanlıdır. İbtidai və orta təhsilini İğdır vilayətinin Kacərdoğanşanlıda almışdır.[1] Orta məktəbi Kütahya, Tavşanlıda bitirən İlhan Aşkın, işləmək üçün 1986-cı ildə Niderlanda köçmüşdür.[1]

Diaspor fəaliyyəti[redaktə | mənbəni redaktə et]

Xocalı soyqırımına həsr olunmuş abidə

Hal-hazırda Niderlanddakı ən böyük Azərbaycan diaspor təşkilatı olan Niderland Azərbaycan-Türk Mədəniyyət Dərnəyinin rəhbəridir. İlhan Aşkının səyləri və maddi dəstəyi nəticəsində,Lahey şəhərində Xocalı soyqırımına aid abidə qoyulmuşdur.[1] Abidənin açılmasında Avropada bəzi vətənpərvər soydaşlarımızın maddi dəstəyi olmuşdur.

Məhkəməyə verilməsi[redaktə | mənbəni redaktə et]

2014-cü ildə, Hollandiyanın Almelo şəhərində təşkil edilmiş minitnqdə çıxışı zamanı İlhan Aşkın, "Qarabağ erməniyə məzar olacaq" şüarı səsləndirdiyinə görə erməni diasporu tərəfindən məhkəməyə verildi.[2][3] 3 mart, 2017-ci ildə keçirilən məhhkəmədə dövlət ittihamçısının İlhan Aşkının 80 saat ictimai iş cəzası və 2 il müddətində bu hadisə təkrarlanarsa 2 həftə həbs cəzasına məhkum edilməsini istəsə də, 17 martda keçirilən məhkəmədə cəzalar iki qatına çıxarıldı.[2] Belə ki, İlhan Aşkın 120 saat ictimai iş cəzası aldı, bu hadisəni təkrarlayacağı halda isə 4 həftəlik həbs edilə bilər.[2] Qeyd edək ki, Almelo şəhərinin daxil olduğu Overeysel vilayət məhkəməsinin sədri milliyyətcə erməni olan Takvor Avedisyandır.[2][3]

Ailəsi[redaktə | mənbəni redaktə et]

Ailəlidir, 3 övladı var.[4]

Mükafatları[redaktə | mənbəni redaktə et]

İlhan Aşkın, Azərbaycan diasporunun inkişafındakı xidmətlərinə görə, 2016-cı ilin iyun ayında Azərbaycan Respublikası prezidentinin sərəncamı ilə "Tərəqqi" medalına layiq görülmüşdür.[5]

İstinadlar[redaktə | mənbəni redaktə et]

  1. ↑ 1 2 3 4 "İLHAN AŞKIN KİMDİR". 2017-03-08 tarixində orijinalından arxivləşdirilib. İstifadə tarixi: 2018-03-28.
  2. ↑ 1 2 3 4 "ERMENİ DİASPORASI İSTEDİ, AŞKIN'IN DAVASI İKİYE KATLANDI". 2017-03-21 tarixində orijinalından arxivləşdirilib. İstifadə tarixi: 2018-03-28.
  3. ↑ 1 2 ""Overeysel vilayət məhkəməsi ermənilərdən üzr istəməyimi tələb edir"". 2017-04-28 tarixində arxivləşdirilib. İstifadə tarixi: 2018-03-28.
  4. ↑ "HOLLANDA TÜRKMENLERİ KERKÜK'ÜN KURTULUŞUNU KUTLADI". 2017-09-30 tarixində orijinalından arxivləşdirilib. İstifadə tarixi: 2018-03-28.
  5. ↑ Azərbaycan diasporunun inkişafındakı xidmətlərinə görə bir qrup şəxsə orden, medal və fəxri adlar verildi