İrəli, Hindistan (film, 2007)

"İrəli, Hindistan" (hind. चक दे इंडिया) — rejissor Şimit Aminin filmi.

İrəli, Hindistan
hind. चक दे इंडिया Chak De! India
Janr	komediya-dram, idman filmi, dram filmi, komediya filmi
Rejissor	Şimit Amin
Prodüserlər	Aditya Çopra Yaş Çopra
Baş rolda	Şahrux Xan
Operator	Sudip Çatterci
İstehsalçı	Yash Raj Films
Distribütor	Netflix
İlk baxış tarixi	10 avqust 2007[1][2][…]
Filmin növü	bədii film
Müddət	153 dəqiqə
Ölkə	Hindistan
Dillər	hind dili ingilis dili
İl	2007
Rəng	rəngli
Çəkiliş yeri	Avstraliya
IMDb	ID0871510

Bu film Hindistanın Dehli şəhərində keçirilən Hokkey üzrə Dünya Kuboku yarışının son dəqiqələri ilə başlayır. Oyun Pakistan və Hindistanın kişilərdən ibarət hokkey üzrə komandaları arasında aparılır. Belə ki, Pakistan 1:0 hesabı ilə irəlidədir. Elə bu zaman oyunda qayda pozuntusu baş verir və penalti təyin edilir. Penaltini yerinə yetirməyi Hindistan komandasının kapitanı, hokkey üzrə super ulduz Kəbir Xan öz üzərinə götürür. İş elə gətirir ki, Kəbirin zərbəsi nəticəsində top qapının azacıq üstündən keçir və bunun nəticəsində Hindistan yığma komandası məğlub olur. Tezliklə Hindistanın bütün mediyası bunu başqa cür qələmə verir. Onların sözlərinə görə, Kəbir topu son anda bilə-bilə qapının üstündən vurmuşdur ki, məhz Pakistanın yığma komandası qalib gəlsin. Hindistanda hər kəs Kəbiri vətən xaini hesab etməyə başlayır. Hətta iş o yerə gəlib çatır ki, Kəbirin qonşuları onu və birgə yaşadığı anasını həmin məhəllədən qovurlar.

Bu hadisələrin üstündən 7 il keçir. Artıq Hindistanda zəif də olsa qadınlardan ibarət hokkey üzrə yığma komanda var. Lakin bu komandanın məşqçisi yoxdur. Kəbir Xan 7 ildən sonra olsa da "vətən xaini" olmadığını sübut eləmək məqsədilə həmin komandanın məşqçisi olmağa razılıq verir. Kəbirin məqsədi nəyin bahasına olursa olsun, Hindistanın qadınlardan ibarət hokkey komandasına Dünya Kubokunu qazandırmaqdır.

Kəbir Xan bu çətin işin öhdəsindən gələrək kuboku öz ölkəsinə – Hindistana gətirir. Filmin sonunda bir vaxtlar onu anası ilə birlikdə məhəllədən qovan qonşular Kəbiri yenə də anası ilə birlikdə qəhrəman kimi qarşılayırlar.

Ssenari müəllifləri : Caydip Sahni

Rejissor : Şimit Amin

Operator : Sudip Çatterci

Prodüserlər : Aditya Çopra, Yaş Çopra

Bəstəkarlar : Səlim Merçant, Süleyman Merçant

Şahrux Xan – Kəbir Xan

Vidya Malvade

Saqarika Qatge

Çitraşi Rauat

Şilpa Şukla

Tanya Abrol

Anaita Nair

Şubhi Mehta

Sima Əzmi

Nişa Nair

Arya Menon

Sandiya Furtado

1. ↑ https://web.archive.org/web/20160303185151/http://www.in.com/tv/movies/sony-entertainment-tv-78/chak-de-india-6722.html?nxt=1394870400.
2. ↑ http://www.in.com/tv/movies/sony-entertainment-tv-78/chak-de-india-6722.html?nxt=1398511800.