İsmayıl Məmmədov (tarixçi)

İsmayıl Məhəmməd oğlu Məmmədov (25 aprel 1950, Qaravəlli, Zərdab rayonu) — tarixçi, tarix elmləri doktoru, professor.^[1]

İsmayıl Məmmədov
İsmayıl Məhəmməd oğlu Məmmədov
Doğum tarixi	25 aprel 1950(1950-04-25) (74 yaş)
Doğum yeri	Qaravəlli, Zərdab rayonu, Azərbaycan SSR, SSRİ
Vətəndaşlığı	SSRİ→ Azərbaycan
Elm sahəsi	tarix
Elmi dərəcələri	tarix elmləri doktoru, elmlər doktoru (1992)
Elmi adı	professor
İş yeri	BDU Türk xalqları tarixi kafedrası
Alma-mater	BDU Tarix fakültəsi
Mükafatları

1950-ci il aprelin 25-də Zərdab rayonu, Qaravəlli kəndində anadan olub. Orta məktəbi həmin kənddə bitirib. 1969–1974-cü illərdə Azərbaycan Dövlət Universitetinin tarix fakültəsində təhsil alıb. 1976–1979-cu illərdə aspiranturada oxumuşdur. 1983-cü ildə "Azərbaycan zəhmətkeşlərinin Ümumittifaq Lenin iməcliklərində iştirakı (1969–1976)" adlı namizədlik disertasiyasını müdafiə edib. 1992-ci ildə "Azərbaycan fəhlə sinfinin mədəni-texniki səviyyəsinin yüksəlməsi (70–80-ci illər)" adlı doktorluq dissertasiyasını müdafiə edib.

1980-ci ildən Tarix fakültəsində müəllim vəzifəsində çalışır. Hazırda "Türk və Qafqaz xalqları tarixi" kafedrasının professorudur. Təhsilin bakalavr pilləsində "Türk xalqlaırı tarixi" fənnini tədris edir. Magistratura pilləsində "Türk dünyasi tarixi" ixtisası üzrə "Hunlar" mövzusunda dərs aparır. 1 monoqrafiyanın, 1 dərsliyin, 1 dərs vəsaitinin, 3 metodik vəsaitin, 70-dən çox məqalənin müəllifidir. Türkiyədə Dumlupinar Universitetinin təşkil etdiyi Beynəlxalq Konfransda iştirak etmişdir (Türkiyə, Kütahiya şəhəri. Bakı, 2006).

Qədim dövrdə və orta əsrlərdə türk xalqlarının dövlətçilik tarixi.

• Müasir dövrdə Azərbaycan-Türkiyə münasibətləri. Beynəlxalq Konfransda məruzə. Türkiyə Dumlupinar Universiteti, 2006-cı il.
• H. Əliyev və türk dünyası // Azərbaycan Beynəlxalq Universitetinin xəbərləri, 2008-ci il, № 1.

• Azərbaycan fəhlə sinfinin mədəni-texniki səviyyəsi (1970–1980-ci illər). Bakı, 1991. Monoqrafiya.
• "Hunlar". Dərs vəsaiti. Bakı universitetinin nəşriyyatı. Bakı, 1998.
• Hökmdarlardan… Filosoflaradək. Bakı, "Azər" nəşriyyat. 2002.
• Azərbaycan tarixi (Ali məktəblər üçün dərslik). Bakı: "Adiloğlu" nəşriyyatı, 2005, 486 s.
• Azərbaycan Tarixi (rus dildə) Bakı, 2009 il
• Türk Kafkasında siyasi və etnik yapı. Eski çağlardan günümüzə. Azərbaycan Tarixi. İstanbul. 2009 il.
• History of Azerbaijan/ London, 2014 (inglis dildə)

• İsmayıl Məmmədov — zerdab.com