İvana Miloş

İvana Miloş — karyerasını AGİL Novarada davam etdirən xorvatiyalı blokçu.

İvana Miloş
Şəxsi məlumatlar
Doğum tarixi 7 mart 1986(1986-03-07) (38 yaş)
Doğum yeri
Vətəndaşlığı xorvatiyalı
Voleybolçu məlumatları
Boyu 1.87 m
Çəkisi 70 kq
Zərbəsi 315 sm
Bloku 307 sm
Mövqeyi Blokçu
Karyerası
Komandası İtaliya AGİL Novara
Nömrəsi 10
Klub karyerası
2001–2010
2010–2011
2011–2012
2012–2013
2013–		 Xorvatiya ZOK Riyeka
Azərbaycan İqtisadçı
Azərbaycan Lokomotiv Bakı
İtaliya Volley 2002 Forli
İtaliya AGİL Novara
Milli komanda karyerası
2011– Xorvatiya Xorvatiya
Vikianbarın loqosu Vikianbarda əlaqəli mediafayllar

Karyerası

[redaktə | mənbəni redaktə et]

İvana Miloş peşəkar karyerasına 2001-ci ildə öz ölkəsinin voleybol komandası olan Riyekada başlamışdır. Onun bu klubda çıxış etməsində bir sıra səbələr var idi. Başlıca amil isə doğma şəhərində oynamaq istəyi idi. Öz komandasına bağlılığı ilə seçilən Miloş doqquz il bu klubda voleybol oynamışdır. Bu müddət ərzində o, 4 dəfə Xorvatiya çempionluğuna, 5 dəfə isə kubokuna yiyələnmişdi.

2009-cu ildə Xorvatiya milli voleybol komandası ilə birlikdə Peskara şəhərində keçirilən Aralıq dənizi oyunlarında bürünc medal qazanaraq yığma komandadakı ən böyük uğurunu qazanmışdı.

2010–11 mövsümündə karyerasını Azərbaycanda davam etdirən voleybolçu bunun onun arzusu olduğunu söyləmişdi.[1] O, sözügedən mövsümdə İqtisadçı ilə Azərbaycan Superliqasının bürünc medallarına yiyələnmişdi.

2011-ci ildə Azərbaycanın digər bir voleybol klubu olan Lokomotivə transfer olunan İvana burada Avropa Qadınlar CEV Çağırış Kubokunu qazanaraq ilk belə uğuruna imza atmışdı.[2]

Növbəti mövsüm Lokomotivdən ayrılaraq Türkiyə klubu Eczacibaşı ilə anlaşan Miloş[3] bu klubda bir oyun belə oynamadan geri dönmüşdü. Daha sonra Volley 2002 Forlinin isti təklifini qəbul edərək legioner həyatını İtaliyada davam etdirmişdi.[4]

2013–14 mövsümündə voleybolçu A1 Seriyasında keçmiş günlərini axtaran adlı-sanlı AGİL Novara komandasından gələn təklifi qəbul edərək Novara şəhərinə yollandı.[5]

İstinadlar

[redaktə | mənbəni redaktə et]
  1. ↑ İvana Miloş: "İstənilən voleybolçu Azərbaycanda oynamağı arzulayır" [ölü keçid]  (az.)
  2. ↑ Lokomotivin Çağırış kuboku üçün heyəti Arxivləşdirilib 2016-03-04 at the Wayback Machine  (az.)
  3. ↑ İvana Milos karyerasını Türkiyədə davam etdirəcək Arxivləşdirilib 2016-03-04 at the Wayback Machine  (az.)
  4. ↑ Volley A1, I’Idea vincente di Ivana Milos Arxivləşdirilib 2016-04-22 at the Wayback Machine  (ital.)
  5. ↑ 2013–14 Sezonu Transferleri Arxivləşdirilib 2020-01-22 at the Wayback Machine  (türk.)