Lokomotiv Bakı QVK

Lokomotiv (Bakı) — Azərbaycanda mübarizə aparan qadınlardan ibarət voleybol klubu. Azərbaycan Dəmir Yolları Qapalı Səhmdar Cəmiyyətinin voleybol klubuna böyük töhfələr vermişdir. 2002-ci ildən etibarən Voleybol üzrə Azərbaycan Superliqasında mübarizə aparır. Komandanın sponsoru "Acıbadem" şirkətidir.^[1]

Lokomotiv
Ölkə	Azərbaycan
Şəhər	Bakı
Ləqəb(lər)	Dəmiryolçular
Rəng(lər)	açıq göy
Yaranma tarixi	1998
Meydança	Azərbaycan Voleybol Mərkəzi
Tutumu	2000
Prezidenti	Rəşad Abbasov
Baş məşqçisi	Klaudio Kuello
Liqa	Azərbaycan Superliqası
2013-2014	5
Ev Səfər
Rəsmi saytı
Vikianbarda əlaqəli mediafayllar

"Lokomotiv" Voleybol Klubu, 2008-ci ildə təsis edilmişdir^[2]. Bu komandanın əsası isə 1998-ci ilə qədər gedib çıxır.

Komanda 2009–2010-cu illər mövsümündə, Azərbaycan Superliqası yarışlarında 2-ci yerə layiq görülmüş və Çağırış Kuboku turnirində çıxış etmək üçün haqq qazanmışdır. 2009–2010 cu illər mövsümündə sözügedən Avropa Çempionatının ilk mərhələsində İsrailin "Raanana" komandasını hər iki oyunun nəticəsinə görə mübarizədən kənarlaşdıran "Lokomotiv", növbəti mərhələdə daha təcrübəli rəqib sayılan, Polşanın "Gvardia Vroclav" Voleybol Komandası ilə başabaş və əzimkar mübarizə aparmağına baxmayaraq, bu dəfə sevinən tərəf Polşa təmsilçisi olmuşdur.

Qarşısına daha böyük məqsədlər qoyan "Lokomotiv", növbəti, 2010–2011-ci illər mövsümündə heyətini Kristin Riçards, Nikol Deyvis, Nansi Metkalf (hər üçü ABŞ) Kremena Kamenova, Mariya Filipova (hər ikisi Bolqarıstan) kimi voleybolçular ilə gücləndirməklə yanaşı, komandaya baş məşqçi qismində, sloveniyalı təcrübəli mütəxəssis Dragutin Baltiçi dəvət etmişdir. Klub rəhbərliyinin apardığı uğurlu transfer siyasəti öz müsbət nəticələrini vermiş, belə ki, 2010–2011-ci illər mövsümündə, Lokomotiv Voleybol Klubu Azərbaycan Çempionatının Super Liqa yarışlarının bürünc mükafatçısı olmaqla yanaşı, həm də, Avropa Çağırış Kubokunda uğurlu çıxışı ilə yadda qalmışdır. Belə ki, sözügedən mövsümdə, Lokomotiv Voleybol Klubu Challange Cup beynəlxalq turnirində Rusiya təmsilçisi Omiçka, Avstriya təmsilçisi Askö Linz Steg, Kipr təmsilçisi Apollon Limassol, və Azərbaycanın güclü voleybol klublarından sayılan İqdisadçı voleybol komandalarını mübarizədən kənarlaşdıraraq, Challange Cup turnirinin final mərhələsinə adlamış, yalnız finalda Azərreylə yenilən "Lokomotiv", sözügedən mötəbər turnirin gümüş medalına layiq görülmüşdür.

2011–2012-ci illər mövsümünü isə "Lokomotiv" Voleybol Klubu sözün əsl mənasında, Avropanın və Dünyanın voleybol aləminə böyük əks-səda salmışdır. Belə ki, komanda, Azərbaycan Çempionatının Super Liqa yarışlarının gümüş medallarına layiq görülməklə yanaşı, həm də, Avropa Çağırış Kuboku (CEV Challange Cup) beynəlxalq turnirində, Xorvatiyanın "ZOK Split", Belçikanın "Gent", Serbiyanın "OK Vizura Beograd", Macarıstanın "Vaşaş Budapeşt", Çexiyanın "VK KP Kralovo Pole Brno" voleybol komandalarını mübarizədənb kənarlaşdıran "Lokomotiv", final mərhələsində Azərbaycan təmsilçisi "Bakı" voleybol klubunu da üstələyərək, sözügedən türnirin qızıl medallarına layiq görülmüş və tarixində ilk dəfə olaraq, Avropa Çağırış Kubokunu başı üzərinə qaldırmışdır. Sonda turnirin Ən Dəyərli Oyunçusu da Dəmiryolçulardan olmuşdu. Komandanın kapitanı Nansi Metkalf göstərdiyi möhtəşəm oyunla layiqli şəklidə bu ada sahib olmuşdu.^[3]

2012–2013-cü illər mövsümündə isə, "Lokomotiov" Voleybol Klubu, Avropanın daha mötəbər turniri sayılan və komandaların güc səviyyəsinə görə daha çox fərqlənən CEV Qadınlar Çempionlar Liqası turnirində ilk debütünü etmişdir. Stardaca Lokomotiv uğurlu çıxış edə bilmişdir. Belə ki, Avropanın klublararası çempionatının ən mötəbər yarışması olan CEV Çempionlar Liqasında debüt edən Lokomotiv, qrup mərhələsində Rusiyanın Dinamo Moskva, Polşanın Bank BPS Fakro Muszyna və Serbiyanın Srvena Zvezda kimi güclü klubları arxada qoyaraq, qrup mərhələsini 1-ci yerdə tamamlamış və pley-off mərhələsinə yüksəlmişdir. Yalnız bu mərhələdə avrokuboklarda qəniminə çevrilən Azərreylə məğlub olmuşdu.

Lokomotiv 2013–14 mövsümündə böyük enişə keçmişdi. Belə ki, bu mövsümdə CEV Kubokunda son səkkizə qala bilməyən komanda^[4] Azərbaycan Superliqasında da ilk dördə girənməmiş və pleyoffa da vəsiqə qazana bilməmişdi.^[5]

"Lokomotiv " Voleybol Klubu uşaq voleyboluna da böyük diqqət ayırır. Klubun Biləcəri qəsəbəsində yerləşən təlim-məşq bazasında müxtəlif yaş qruplarına bölünmüş, 40-dan çox uşaq və yeniyetmələr voleybolun sirrlərini öyrənir və gələcəkdə yerli idmançıların aşkarlanmasında təcrübəli mütəxəssislər "Lokomotiv" təlim-məşq bazasında gərgin iş aparırlar. Təbii ki, məqsəd təkcə "Lokomotiv" Voleybol Klubuna yerli idmançıları cəlb etmək deyil, həm də Azərbaycan milli komandasına daha çox yerli voleybolçuların cəlb edilməsidir.^[6]

2013–14 mövsümü üçün^[7]

• Baş məşqçi : Klaudio Kuello
• Köməkçi məşqçi : Xanlar Ələkbərov

Nömrə	Oyunçunun adı	Mövqeyi	Doğum tarixi	Ölkəsi
1	Gizem Giraygil	Ötürücü	1986	Türkiyə
2	Ariel Vilson	Blokçu	1989	ABŞ
3	Mariya Filipova	Libero	1982	Bolqarıstan
4	Sa-Nee Kim	Toppaylayıcı	1981	Cənubi Koreya
5	Viera Klimoviç	Blokçu	1988	Belarus
7	Valdone Petrauskaite	Diaqonal	1984	Litva
8	Aleksis Krimes	Blokçu	1986	ABŞ
9	Lauren Qibbemeyer	Blokçu	1988	ABŞ
11	Kassidi Liçtman	Hücumçu	1989	ABŞ
13	Katarina Barun	Diaqonal	1989	Xorvatiya
14	Prisilla Rivera	Hücumçu	1984	Dominikan Respublikası
16	Aleksandra Samoylova	Hücumçu	1987	Rusiya
17	Anna Qrbaç	Toppaylayıcı	1988	Xorvatiya
18	Suzana Cebiç	Libero	1985	Serbiya

• Azərbaycan Superliqası
  • İkincilik (3): 2002–03, 2009–10, 2011–12
  • Üçüncülük (4): 2003–04, 2004–05, 2007–08, 2008–09

• Çempionlar Liqası
  • Pleyoffçu (1): 2011–12
• Çağırış Kuboku
  • Çempionluq (1): 2011–12
  • Finalçı (1): 2010–11

Mövsüm	Turnir	Mərhələ	Rəqib	I oyun	II oyun	Qızıl set	Nəticə
2009/2010	Çağırış kuboku	I mər	Raanana VBC	(s)3:2	(e)3:0		2–0
		II mər	Impel Gwardia	(s)1:3	(e)3:2		1–1
2010/2011	Çağırış kuboku	II mər	Omiçka Omsk	(s)2:3	(e)3:0		2–0
		1/16 final	Linz-Steg	(s)3:0	(e)3:0		2–0
		1/8 final	Apollon Limassol	(e)3:0	(s)3:0		2–0
		1/4 final	Schweriner SC	(e)3:0	(s)3:2		2–0
		1/2 final	Igtisadchi Baku	(s)3:0	(e)2:3		1–1
		Final	Azerrail Baku	(e)1:3	(s)1:3		0–2
2011/2012	Çağırış kuboku	II mər	Vaşaş Budapeşt	(s)3:0	(e)3:0		2–0
		1/16 final	Split	(s)3:0	(e)3:0		2–0
		1/8 final	Vizura Belqrad	(e)3:1	(s)3:0		2–0
		1/4 final	Kralove Pole Brno	(s)2:3	(e)3:0		1–1
		1/2 final	Gent Dames	(s)3:0	(e)3:0		2–0
		Final	Azəryol Bakı	(s)3:2	(e)2:3	(e)1:0	2–1
2012/2013	CEV Çempionlar Liqası	Qrup mər	Srvena Zvezda	(s)3:2	(e)3:0		2–0
		Qrup mər	Dinamo Moskva	(e)3:0	(s)2:3		1–1
		Qrup mər	Fakro Muszyna	(s)3:1	(e)3:2		2–0
		1/6 final	Azərreyl	(s)0:3	(e)0:3		0–2
2013/2014	CEV Kuboku	1/16 final	Kralovo Pole	(e)3:0	(s)3:0		2–0
		1/8 final	Hapoel Kfar Saba	(e)3:0	(s)3:0		2–0
		1/4 final	Muszyna	(s)0:3	(e)2:3		0–2
2014/2015	CEV Kuboku	1/16 final	Rote Raben	(s)3:0	(e)3:1		2–0
		1/8 final	Srvena Zvezda	(s)3:0	(e)3:1		2–0
		1/4 final	Dinamo Krasnodar	(e)3:0	(s)0:3	(s)0:1	1–2
2015/2016	CEV Çempionlar Liqası	Qrup mər	Dinamo Kazan	(s)1:3	(e)3:0		1–1
		Qrup mər	Azərreyl	(e)3:1	(s)3:1		2–0
		Qrup mər	Allianz Stuttgart	(e)3:0	(s)1:3		1–1
		1/6 final	Voléro Zürichl	(e)3:2	(s)1:3		1–1

• Azərbaycan Dəmir Yolları Qapalı Səhmdar Cəmiyyəti

• "Lokomotiv" Rəsmi Sayt Arxivləşdirilib 2014-02-09 at the Wayback Machine  (az.)
• "Lokomotiv" Rəsmi Twitter Səhifəsi  (az.),  (rus.)