Ş-213

Ş-213 (rus. Щ-213; ing. Shch-213) — İkinci dünya müharibəsində SSRİ tərəfindən Qara dənizdə istifadə edilən X tipli^[1] sualtı qayıq. Sualtı qayıq Ukrayna SSR-nın Mikolayev şəhərində hazırlanmış və 1938-ci ilin oktyabrında istifadəyə verilmişdir.

Ş-213
Щ-213
Ölkə	SSRİ
Mənşə ölkə	SSRİ
Təşkilat	SSRİ Dəniz Donanması
Salınma tarixi	4 dekabr 1934
Batma tarixi	14 oktyabr 1942
İstehsalçı	SSRİ
Tipi	sualtı qayıq
Növü	döyüş
İştirak etdiyi döyüşlər	Struma gəmisinin batırılması MV Çankaya gəmisinin batırılması
Dor ağacı	6,2
Uzunluğu	57
Su sıxışdırması	3,96 m
Tərsanə nömrəsi	1037

1942-ci ildə Ş-213 dəniz minası ilə toqquşaraq bütün heyəti ilə batmışdır.

Ş-213-ə verilən gizli əmrə görə sualtı qayıq Qara dənizdə nasistlərə potensial silah-sürsat və material daşıyan bütün tərəfsiz və düşmən gəmiləri vurmalı idi. 23 fevral 1942-ci ildə Bosfor boğazının şimal-qərbində Türkiyənin "MV Çankaya" gəmisini batırmışdır.

Əsas məqalə: Struma faciəsi

12 dekabr 1941-ci ildə Rumıniyadan yola düşən və nasistlərin əlindən qaçan yəhudiləri aparan "Struma" gəmisi nasazlıq nəticəsində İstanbul yaxınlığında dayanmağa məcbur olmuşdur. Lakin Türkiyə hökümətinin tərəfsizliyinə görə gəmidəkilər sahilə çıxa bilməmişdirlər. 24 fevral 1942-ci ildə gəmi axıntıya düşmüş və Ş-213 tərəfindən vurulmuşdur. Hadisə nəticəsində 768 nəfər ölmüş, ancaq bir nəfər qurtula bilmişdir.

Ş-213 2 mart 1942-ci ildə bir tacir gəmisini Bosfor boğazının şimal-şərqində vurmağa çalışmış, amma torpedo yan keçmişdir. Növbəti gün Bosfor boğazının şimal-şərqində bir Türkiyə gəmisi olan "Adana"nı vurmaq istəsə də, hədəfini qaçırmışdır.

1942-ci ilin 14 oktyabrında mina ilə toqquşaraq batmışdır.^[2]

Ş-213 tərəfindən batırılmış gəmilər^[3]

Tarix	Gəmi	Bayraq	Tonaj	Qeydlər
23 fevral 1942	MV Çankaya		464	atəşlə
24 fevral 1942	Struma		169	torpedo ilə
Cəmi:			633

15 noyabr 2008-ci ildə 1 holland və 2 rumın dalğıc tərəfindən Konstant yaxınlığında sualtı qayığın qalıqları aşkarlanmışdır və eyniləşdirməsi 2010-cu ilin 23 avqustunda elan olunmuşdur.