Ədalət Abdinov
 | Bu, tənha məqalədir, çünki hansısa məqalədən bu məqaləyə verilmiş keçid yoxdur. |
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
 | Bu məqalənin ensiklopedik tələblərə cavab vermədiyinə dair şübhələr var. |
Ədalət İdris oğlu Abdinov (16 oktyabr 1958, Bədəlan, Masallı rayonu) — Azərbaycan Sosialist Hərəkatının sədri, jurnalist.
| Ədalət Abdinov | |
|---|---|
| Şəxsi məlumatlar | |
| Doğum tarixi | 16 oktyabr 1958 (66 yaş) |
| Doğum yeri | |
| Partiya | |
| Təhsili | |
| Fəaliyyəti | jurnalist |
Həyatı
[redaktə | mənbəni redaktə et]Ədalət Abdinov 1958-ci il oktyabrın 16-da Masallı rayonunun Bədəlan kəndində anadan olmuşdur. 1976-cı ildə Bədəlan kənd orta məktəbini bitirmiş və həmin kənddəki çay fabrikində fəhlə işləmişdir.
1976–1978-ci illərdə Sovet Ordusu sıralarında həqiqi hərbi xidmətdə olmuş və həmin müddət ərzində o zamankı Almaniya Demokratik Respublikası ərazisində yerləşmiş sovet ordusu hərbi komedantlıqlarından birində mütərcimlik etmişdir. 1978–1979-cu illərdə Bədəlan çay fabrikində əmək fəaliyyətini davam etdirmişdir.
21 fevral 1979-cu ildə SSRİ Həmkarlar İttifaqına üzv olmuşdur.
1979-cu ildə S.M.Kirov adına Azərbaycan Dövlət Universitetinin (indiki Bakı Dövlət Universiteti) dövlət ödənişli hazırlıq şöbəsinə qəbul olunmuş, 1985-ci ildə həmin universiteti kitabxanaşünaslıq və biblioqrafiya ixtisası üzrə fərqlənmə diplomu ilə bitirmişdir. S.M.Kirov adına Azərbaycan Dövlət Universiteti rektorluğu, partiya, komsomol və həmkarlar komitəsinin orqanı olan "Lenin tərbiyəsi uğrunda" qəzeti redaksiyasının göndərişi ilə 1983–1985-ci tədris illərində Azərbaycan Jurnalistlər İttifaqının Jurnalist Sənətkarlığı İnstitutunu bitirmişdir.
İctimai fəaliyyəti
[redaktə | mənbəni redaktə et]- 17 fevral 1984-cü ildə SSRİ Jurnalistlər İttifaqına üzv qəbul olunmuşdur.
- 29 oktyabr 1985-ci ildən 7 fevral 1986-cı ildə Azərbaycan Respublikası Təhsil Nazirliyinin elmi-pedaqoji kitabxanasinda redaktor işləmiışdir. 17 may 1986–18 iyul 1987-ci illərdə Bakı Plan-Ucot Texnikumunda kitabxana müdiri işləmişdir.
- 20 iyul 1987-ci ildən Abşeron Rayon Partiya Komitəsinin orqanı olan "Abşeron" qəzeti redaksiyasında ədəbi işci- müxbir, 7 iyul 1989-cu ildən kənd təsərrüfatı şöbəsinin müdiri, 15 fevral 1991-ci ildən məsul katib vəzifəsində işləmişdir.
- 14 mart 1991-cü ildə Azərbaycan Həmkarlar İttifaqları Konfedrasiyasının orqanı olan "Ülfət" qəzeti redaksiyasına xüsusi müxbir təyin edilmiş və həmin qəzetin ilk nömrəsinin nəşrində iştirak etmişdir.
- 3 iyun 1991-ci ildən Azəraycan Respublikası Təhsil Nazirliyinin orqanı olan "Gənc fəhlə" jurnalı redaksiyasında redaksiya heyətinin mütəxəsisi, 26 iyul 1991-ci ildən məsul katib vəzifəsində işləmişdir.
- 15 iyun 1992-ci ildən Azərbaycan Respublikasi Nazirlər Kabinetinin orqanı olan "İqtisadiyyat və həyat" jurnalı redaksiyasına xüsusi müxbir, 1 iyul 1992-ci ildən şöbə redaktoru vəzifəsində calışmşdır.
- 26 yanvar 1994-cü ildən 2013-cü ilədək "Tribuna" ictimai-siyasi qəzetinin təsisçisi və baş redaktoru vəzifəsində işləmişdir.
- Marksizm — Leninizm Universitetinin fəaliyyətini bərpa etmiş və ona rəhbərlik edir.
- "Kommunist" onlayn qəzetini yaratmış və onun baş redaktorudur
- "Zamanın sınağında", "Yanar zəka", Xoş günlər naminə" kitablarının müəllifidir.
Siyasi fəaliyyəti
[redaktə | mənbəni redaktə et]Sentyabr 1975-ci ildə Ümumittifaq Lenin Kommunist Gənclər İttifaqına üzv seçilmişdir. 1990-cı ilin may ayında Sovet İttifaqı Kommunist Partiyasının sıralarına daxil olmuşdur. 30 mart 2014-cü ildə Azərbaycan Kommunist Partiyası Mərkəzi Komitəsinin ideoloji məsələlər üzrə katibi seçilmişdir. O, partiyanın Telman Nurullayevin rəhbərlik etdiyi qolunda fəaliyyət göstərir.
23 iyul 2023-cü ildə Azərbaycan Sosialist Hərəkatın İdarə Heyətinin sədri seçilmişdir.
Mükafatları
[redaktə | mənbəni redaktə et]- Stalin ordeni
- "Slava, doblest i çest" medalı