Ələkbər Əliyev (aktyor, 1975)

Vikipediyada bu ad-soyadlı digər şəxslər haqqında da məqalələr var; bax: Ələkbər Əliyev.

Ələkbər Əliyev (tam adı: Ələkbər Hüseynbala oğlu Əliyev; 29 dekabr 1975, Bakı) — Azərbaycanlı komediya aktyoru, rejissor, ssenarist, "Parni iz Baku" KVN komandasının və "Planet Parni iz Baku" KVN teatrının iştirakçısı və ssenari müəllifi.

Ələkbər Əliyev
Ələkbər Hüseynbala oğlu Əliyev
Doğum tarixi (48 yaş)
Doğum yeri Bakı, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ
Azərbaycan Azərbaycan
Fəaliyyəti ssenarist
aktyor
rejissor
Fəaliyyət illəri 1994-cü ildən indiyə kimi
Tanınma səbəbi Parni iz Baku KVN komandasının üzvü kimi
Teatr Planet Parni iz Baku KVN
Bakı Bələdiyyə Teatrı (2016-cı ildən)
Mükafatları "Tərəqqi" medalı
IMDb ID8701144

Həyatı

[redaktə | mənbəni redaktə et]

Ələkbər Hüseynbala oğlu Əliyev 29 dekabr 1975-ci ildə Bakı şəhərində anadan olmuşdur. 1981–1991-ci illərdə Mikayıl Müşfiq adına 18 nömrəli orta məktəbdə təhsil almışdır.

1994-cü ildən, Şən və Hazırcavablar Klubunun bir çox komandalarında iştirakçı olmuşdur. Aktyor və ssenarist kimi çempionluqların sayına görə Azərbaycanın rekord sahibidir. 1998-ci ilin KVN üzrə Azərbaycan çempionudur. Həmin ildə "Parni iz Baku" KVN komandasına dəvət almışdır. 2000-ci ildə "Parni iz Baku" KVN komandasının tərkibində "XX əsrin 10 ən güclü KVN komandaları" turnirinin qalibi olmuşdur.[1] "Parni iz Baku" KVN komandasının ənənəvi aprel konsertlərinin ssenari müəllifidir.[2]

Yaradıcılığı

[redaktə | mənbəni redaktə et]

Ələkbər Əliyev 2000-ci ildən, aktyor və ssenarist kimi "Oqni Baku" KVN komandasının yaradıcılarından olub.[1] KVN Birinci Liqasının finalçısı (2000) və Ukrayna Liqasının yarıfinalçısıdır (2001).

2007-ci ildən "Planet Parni iz Baku" KVN teatrının ssenari müəllifi və aktyorudur. Kollektivin bütün layihələrində fəal iştirak edir. O, cümlədən onlarla konsertlərdə, bədii filmlərdə, seriallarda, televiziya verilişlərində ssenari müəllifi, aktyor və icraçı prodüser kimi çalışıb.

Ələkbər Əliyev 2016-cı ildən Bakı Bələdiyyə Teatrının aktyorudur.

"Ər və arvad" serialını, "Ölülər XXI əsr" və "Ağanatiq" filmlərində maraqlı aktyor ifası ilə yadda qalmışdır. Ələkbər Əliyev ümumilikdə aktyor kimi 10-dan artıq filmdə rol almışdır.

Ələkbər Əliyev Azərbaycan və Rusiya televiziya kanallarının müxtəlif layihələrində də çalışmışdır.[2]

Filmoqrafiya

[redaktə | mənbəni redaktə et]
  1. Cin Dəyirmanovlarda (film, 2008) (bədii serial) (ssenari müəllifi və rol)
  2. Hörümçək toru (film, 2011) (bədii serial) (rol)
  3. Bir kəndin sevinci (film, 2012) (bədii serial) (ssenari müəllifi)
  4. "Ясмин" (сериал, 2013) Первый канал Россия (актёр, режиссёр)
  5. Восьмидесятые (сериал, 2012) СТС Россия (актёр)
  6. Ər və arvad (serial, 2016) (bədii serial) (ssenari müəllifi)
  7. Ölülər XXI əsr (film, 2016) (tammetrajlı bədii film) (ssenari müəllifi; kütləvi səhnələr üzrə rejissor; rol)[3]
  8. Ağanatiq (film, 2017) (tammetrajlı bədii film) (quruluşçu rejissor)[4]
  9. Yoxdu belə söhbət (film, 2017) (tammetrajlı bədii film) (rol)

İstinadlar

[redaktə | mənbəni redaktə et]
  1. ↑ 1 2 "KVN-in ssenaristi: "Bu, satqınlıqdan başqa bir şey deyil..." - Müsahibə". 2021-04-24 tarixində arxivləşdirilib. İstifadə tarixi: 2021-04-21.
  2. ↑ 1 2 ""18 yaşıma qədər iki dəfə zarafatım olub, ya olmayıb"". 2021-04-21 tarixində arxivləşdirilib. İstifadə tarixi: 2021-04-21.
  3. ↑ ""Ölülər XXI əsr" komediyasının premyerası keçirilib". 2020-11-26 tarixində arxivləşdirilib. İstifadə tarixi: 2017-08-06.
  4. ↑ ""Ağanatiq" Park Cinema Masallıda sevənləri ilə görüşüb". 2017-06-01 tarixində arxivləşdirilib. İstifadə tarixi: 2017-08-06.

Xarici keçidlər

[redaktə | mənbəni redaktə et]