Ərhan Afyoncu (türk. Erhan Afyoncu 1967[1], Tokat) — Türk tarixçisi, yazıçı, akademik, televiziya proqramçısı və köşə yazarı, Milli Müdafiə Universitetinin rektoru.[2]
| Ərhan Afyoncu | |
|---|---|
Milli Müdafiə Universiteti rektoru | |
Vəzifədədir | |
| 4 oktyabr 2016-cı ildən | |
| Əvvəlki | vəzifə təsis edildi. |
| Şəxsi məlumatlar | |
| Doğum tarixi | 1967[1] |
| Doğum yeri | |
| Təhsili | |
| Fəaliyyəti | tarixçi |
| Dini | islam |
Ərhan Afyoncu ibtidai və orta təhsilini doğulduğu yer olan Tokatda almışdır. Qazi Osman Paşa Liseyini bitirdikdən sonra 1984-cü ildə Mərmərə Universiteti Atatürk Pedaqoji fakültəsi Sosial Araşdırmalar Təhsil şöbəsinə daxil olmuş, 1988-ci ildə məzun olduqdan bir il sonra isə həmin şöbədə elmi işçi vəzifəsində işləməyə başlamışdır.[3] Magistratura pilləsini Necati Əfəndi Krımın tarixi (Rus Sefaratname) tezisi ilə, Doktoranturanı isə 1997-ci ildə Osmanlı Dövlət Təşkilatında dəftərxana əmiri (XVI–XVIII əsrlər) tezisi ilə bitirmişdir. 2000-ci ildə köməkçi dosent, 2008-ci ildə dosent, 2014-cü ildə isə professora qədər yüksəlmişdir.[4]
2007-ci ildə 24 televeziya kanalında həftədə 1 dəfə verilən "Keçmiş zaman olur ki" adlı proqrama qatılan Ərhan Afyoncu daha sonra Xəbərtürk televeziyasında Murat Bardakçı və Pelin Batu ilə birlikdə "Tarixin arxa otağı" adlı tarix haqqında proqram hazırladı. Həmçinin ilk nömrəsi 30 may 2010-cu ildə çıxan və 2011-ci ilin 22 may tarixində yayımı dayandırılan "Xəbərtürk tarix" jurnalında köşə yazarı kimi fəaliyyət göstərmiş, eyni zamanda jurnalın akademik vəzifəsini icra etmişdir. 2011-ci ildə Show TV-də yayımlanan "Muhteşem Yüzyıl" ın ilk mövsümündə tarix məsləhətçisi vəzifəsində çalışsa da, serialın ikinci mövsümündə vəzifəsini tərk etmişdi. 11 noyabr 2012-ci ildə Türkiyənin o dövrki prezidenti Abdullah Gül tərəfindən Atatürk Mədəniyyət, Dil və Tarix Yüksək Qurumu idarə heyətinin üzvü olaraq gətirilmişdir.[5]
"Bu gün" qəzetində 2008-ci ildən 2014-cü ilin aprel ayına qədər köşə yazıları yazan Ərhan Afyoncu 17–25 dekabr hadisələrindən sonra bu qəzetdən istefa etdi və 2016-cı ildə "Sabah" qəzetində köşə yazarlığına başladı.[6]
4 oktyabr 2016-cı ildə Ərhan Afyoncu prezident Rəcəb Tayyib Ərdoğan tərəfindən Türkiyə Konstitusiyasının 130 və 669 saylı Qanununun 5-ci maddəsinə uyğun olaraq Milli Müdafiə Naziri Fikri İşıq və Baş nazir Binəli Yıldırım təklifi ilə Milli Müdafiə Universitetinin rektoru təyin edildi.[7]
Özü kimi tarixçi olan Fatma Afyoncu ilə evlənmiş, bu nikahdan 3 övladı dünyaya gəlmişdir.
2011-ci ilin fevral ayında nəşr olunan Sultan Süleyman və Hürrəm Sultanın həyatını izah edən bu bioqrafiyanın baş redaktorluğuu Mustafa Qaragüllüoğluna, üz dizaynı isə Sercan Arslana aiddir.[9]
Yazıçının 2009-cu ilin may ayında nəşr olunan tarixi araşdırma kitabıdır. Kitabda Fateh Sultan Mehmetin Troya sivilizasiyası ilə əlaqəsi, onun şəxsiyyəti və İstanbulun Fəthi ilə əlaqədar bilinməyənlər haqqında maraqlı məlumatlar öz əksini tapmışdır.[10]