12 əsr sonra

12 əsr sonra qısametrajlı sənədli televiziya filminin müəllifi Ramal Məmişovdur. Film rejissor Fərhad Zamanbəyov tərəfindən 2014-cü ildə çəkilmişdir. Film Naxçıvan televiziyasında istehsal edilmişdir. Film Babək rayonunun təşkil olunması tarixindən, onun dünənindən və bu günündən ətraflı bəhs edir.

12 əsr sonra
Janr sənədli
qısametrajlı
tarixi
Rejissor Fərhad Zamanbəyov
Əsərin müəllifi Ramal Məmişov
Ssenari müəllifi Ramal Məmişov
Operator İlham Vəliyev
İstehsalçı Naxçıvan televiziyası
Kanal Naxçıvan Televiziyası
İlk baxış tarixi 2014
Filmin növü qısametrajlı sənədli televiziya filmi
Müddət 35 dəq.
Ölkə Azərbaycan Azərbaycan
Dil azərbaycanca
İl 2014
Rəng rəngli
Çəkiliş yeri Babək Rayonu

Məzmun

[redaktə | mənbəni redaktə et]

Film Babək rayonunun təşkil olunması tarixindən, onun dünənindən və bu günündən ətraflı bəhs edir. 1978-ci il oktyabrın 23-də təşkil olunmuş yeni rayona mərkəzi hakimiyyətin iradəsinin əksinə olaraq Babək adının verilməsi Heydər Əliyevin qətiyyətinin nəticəsi idi.[1]

Babək rayonunun ərazisi tarixi arxeoloji abidələrlə zəngindir. Buranın təbii coğrafi mövqeyi rayonda əkinçi-maldar tayfaların qədim dövrlərdən məskunlaşmasına və uzun müddət yaşamasına şərait yaratmışdır. I Kültəpə və II Kültəpə kimi dünya miqyaslı abidələr Babək rayonu ərazisindədir.[2]

Babək rayonunda Elektrik şəbəkəsi, Yol Təmir istismar sahəsi, Rabitə idarəsi kimi dövlət müəssisələri, sutkada 25 min kərpic (tuğla) istehsal gücünə malik Kərpic zavodu, Sirab mineral sular zavodu, Uzlük plitələr zavodu, "Şərab-2" Üzüm Emalı Səhmdar Cəmiyyəti, Qoşadizə, Hacıvar və Cəhri dəyirmanları fəaliyyət göstərir.[2]

Filmi Babək rayonuna və onun tarixinə səyahət də adlandırmaq olar.

Filmin üzərində işləyənlər

[redaktə | mənbəni redaktə et]

Müəllif: Ramal Məmişov
Rejissor: Fərhad Zamanbəyov
Operator: İlham Vəliyev

İstinadlar

[redaktə | mənbəni redaktə et]
  1. ↑ "Babək rayonunun təşkil olunmasının 30 illiyi haqqında". 2018-02-20 tarixində orijinalından arxivləşdirilib. İstifadə tarixi: 2017-05-17.
  2. ↑ 1 2 "Babək rayonu". 2022-03-19 tarixində arxivləşdirilib. İstifadə tarixi: 2017-08-01.

Həmçinin bax

[redaktə | mənbəni redaktə et]

Azərbaycan filmlərinin siyahısı
2014-cü ilin Azərbaycan filmləri
2010-cu illər Azərbaycan filmlərinin siyahısı