Aşıq Bəhmən Göyçəli

Vikipediyada bu adlı digər şəxslər haqqında da məqalələr var; bax: Aşıq Bəhmən.

Aşıq Bəhmən Göyçəli (tam adı: Bəhmən İbrahim oğlu Qarayev; 1 may 1901, Göyçə mahalı, Basarkeçər rayonu, Nərimanlı kəndi — 13 noyabr 1976) — ustad aşıq, şair.

Aşıq Bəhmən Göyçəli
Doğum adı Bəhmən İbrahim oğlu Qarayev
Doğum tarixi
Doğum yeri Nərimanlı, Basarkeçər rayonu, Göyçə mahalı
Vəfat tarixi (75 yaşında)
Vəfat yeri
Dəfn yeri

Həyatı

[redaktə | mənbəni redaktə et]

Aşıq Bəhmən Göyçəli 1 may 1901-ci ildə Göyçə mahalının Basarkeçər rayonunun Hüseynquluağalı (Nərimanlı) kəndində anadan olub.[1]. Uşaq yaşlarından atasını itirən Bəhmən Göyçəli ağır güzəran keçirmişdir.[2] İbtidai təhsilini mollaxanada almış, sonralar savadsızlığı ləğv etmə kurslarında oxumuşdur. Doğma kəndində sovet sədri, kolxozda briqadir, sıravi kolxozçu olmuşdur.[3]

Gənclik dövründən el arasında aşıq-şair kimi tanınmış, toy-düyünlərə dəvət olunmuşdur. Gəraylı, qoşma, müxəmməs, qəzəl, divani, dodaqdəyməz, cığalı, təcnis və digər janrlarda yaratdığı şeirləri dillər əzbəri olmuşdur. "Kirpi", "Sovet Ermənistanı", "Azərbaycan gəncləri" və s. dövri mətbuat səhifələrində qoşmaları çap edilmişdir. Bir çox aşıq havası və dastan yaratsa da zəngin ədəbi irsi dərindən öyrənilməmişdir. Ədəbiyyat tarixində həm şair, həm də ustad aşıq kimi tanınan Bəhmən Göyçəlinin işıq üzü görən "Vətən, küsmə məndən" kitabında zəngin irsindən yalnız 25 qoşması, 7 gəraylısı, 9 təcnisi, 18 divanisi, 14 müxtəlif şeiri, Aşıq Alının, Xəstə Qasımın, Növrəs İmanın qıfılbəndlərini açması, 17 deyişməsi, 1 meracnaməsi, "Əfqan və Tufan", "Bəhmən və Humay" dastanları toplanıb çap olunmuşdur.[3]

1996-cı ildə Bakıda anadan olmasının 95 illiyi qeyd edilmişdir.

Vəfatı

[redaktə | mənbəni redaktə et]

1976-cı il noyabrın 13-də vəfat etmiş, Nərimanlı kənd qəbiristanlığında dəfn olunmuşdur.

Kitabları

[redaktə | mənbəni redaktə et]
  • "Vətən, küsmə məndən" (şeirlər, təcnislər, gəraylılar, dəyişmələr, dastanlar). tərt. ed. və topl. Q. Bəhmən oğlu. Bakı: Elm, 1994, 130 s.

İstinadlar

[redaktə | mənbəni redaktə et]
  1. ↑ "Sazlı-sözlü Göyçə (II kitab)" (PDF) (az.). Elm və təhsil. 2018. 2018-06-01 tarixində arxivləşdirilib (PDF). İstifadə tarixi: 2018-06-01.
  2. ↑ Qədir Aslan. "El sənətkarları: Saz, söz sərrafı" (Azərbaycan). anl.az. 20-5-2021 tarixində arxivləşdirilib.
  3. ↑ 1 2 Ziyəddin Məhərrəmov. İrəvanda məktəbdarlıq və maarifçilik. Bakı: Nurlan, 2010.

Xarici keçidlər

[redaktə | mənbəni redaktə et]