Adıgözəl Xəlil oğlu Gözəlov (1907 – 29 may 1966) — Azərbaycan-sovet partiya və dövlət xadimi, Naxçıvan MSSR Xalq Komissarları Sovetinin sədri (1943–1946), Azərbaycan SSR balıq sənayesi naziri (1954–1957).
Adıgözəl Gözəlov | |
---|---|
19 may 1954 – 6 iyun 1957 | |
Əvvəlki | nazirlik yaradılıb |
Sonrakı | nazirlik ləğv edilib |
28 may 1952 – 17 aprel 1953 | |
Sədr | Sadıq Rəhimov |
1943 – 1946 | |
Əvvəlki | İshaq Gülməmmədov |
Sonrakı | Balamet Balametov (Nazirlər Sovetinin sədri kimi) |
Şəxsi məlumatlar | |
Doğum tarixi | 1907 |
Vəfat tarixi | 29 may 1966 |
Partiya |
|
Təhsili | |
|
|
Təltifləri |
Adıgözəl Gözəlov 1907-ci ildə anadan olmuşdur. İlk təhsilini başa vurduqdan sonra Azərbaycan Pedaqoji İnstitutunu bitirmişdir. Əvvəlcə Lənkəran MTS-də siyasi şöbənin qəzet redaksiyasında redaktor, "Kommunist" qəzeti redaksiyasında şöbə müdiri, sonralar redaktor, "Kommunist maarifi" qəzetinin və işçi-kəndli müxbiri mətbəəsinin redaktoru olmuşdur.[1]
Adıgözəl Gözəlov 1939-cu ilədək Azərbaycan KP MK təşviqat və təşkilat şöbəsinin müdiri olmuş, 1939–1941-ci illərdə Mərkəzi Komitənin kadrlar üzrə katibi, 1941–1943-cü illərdə Mərkəzi Komitənin yeyinti və balıq sənayesi üzrə katibi vəzifələrində işləmişdir.[2]
1943-cü ildə Adıgözəl Gözəlov Naxçıvan MSSR Xalq Komissarları Sovetinin sədri vəzifəsinə irəli çəkilmiş[1] və bu vəzifədə 1946-cı ilədək çalışmışdır. 1954–1957-ci illərdə Azərbaycan SSR balıq sənayesi naziri, 1957–1958-ci illərdə isə Azərbaycan Xalq Təsərrüfatı Şurasının Balıqçılıq Təsərrüfatı Baş İdarəsinin rəisi olmuşdur.[2]
Adıgözəl Gözəlov 29 may 1966-cı ildə 59 yaşında vəfat etmişdir.[3]