Adəm Umalatov (27 avqust 1975, Xattuni[d], Çeçen-İnquş MSSR – 5 noyabr 2001) — Çeçen İçkeriya Respublikası Silahlı Qüvvələrinin briqada generalı, Çeçenistan Respublikasında Birinci və İkinci müharibələrin və 1999-cu ildə çeçen mücahidlərinin Dağıstana təcavüzünün fəal iştirakçısı. İslam Batalyonu Əmirinin müavini (1994-1995), İslam Taburu Əmiri (1996), Cundullah İslam Briqadasının Hərbi Əmiri (1998-2001). Şamil Basayevin qərargahında kəşfiyyat və təxribat işlərindən məsuldur olan şəxs.
Adəm Umalatov | |
---|---|
Doğum tarixi | 27 avqust 1975 |
Doğum yeri |
|
Vəfat tarixi | 5 noyabr 2001 (26 yaşında) |
Adəm Umalatov 27 avqust 1975-ci ildə Çeçen-İnquş Muxtar Sovet Sosialist Respublikasının Vedeno rayonunun Xattuni kəndində anadan olmuşdur[1]. Milliyətinə görə çeçendir.
Qafqazda silahlı toqquşmaların fəal iştirakçısı olur. Çeçen İçkeriya Respublikası Silahlı Qüvvələrinin briqada generalı rütbəsinə qədər yüksəlir[2][3]. "Tehran" və "Əmir Adəm" təxəllüsləri ilə tanınır[4][5].
1992-1993-cü illərdə Umalatov uşaqlıq dostu Şamil Basayevlə birlikdə Qafqaz dağ xalqları konfederasiyasının tərkibində gürcü-abxaz münaqişəsində iştirak edir.
Abxaziyadan vətənə qayıdan Adam Umalatov 1994-1996-cı illərdə Birinci Çeçenistan müharibəsində fəal iştirak edir. 1994-1995-ci illərdə İslam batalyonu komandirinin müavini vəzifəsində çalışır. Adəm Umalatov Çeçen İçkeriya Respublikasının ali ordeni olan “Millət şərəfi” ordeni ilə təltif olunmuşdur.
1996-cı ildə Birinci Çeçenistan müharibəsinin sonlarına doğru İslam batalyonuna rəhbərlik etmiş, Qroznı uğrunda döyüşlərin və çeçen separatçılarının Çeçenistanda rus qoşunlarına qarşı ən iri hərbi əməliyyatlarının iştirakçısı olmuşdur.
1998-ci ildə Birinci Çeçenistan müharibəsi bitdikdən sonra Umalatov Cundullah İslam Briqadasına rəhbərlik edir.
1999-cu ildə Umalatov "Cundullah İslam briqadası" ilə çeçen mücahidlərinin Dağıstana hücumunda fəal şəkildə iştirak edir. Rusiya hakimiyyəti onu Şimali Qafqazda hərbçilərə və polislərə qarşı təxribat, terror hücumlarında, girov alverində günahlandırır[6].
5 noyabr 2001-ci ildə İkinci Çeçenistan müharibəsi zamanı öldürülür[7][8][9][10][11]. Onun öldürülməsi zamanı daha iki ərəb əsilli döyüşçüdə öldürülmüşdür. Ölümündən sonra məşhur komandir Supyan Abdulayev Cundullah İslam Briqadasının hərbi əmiri vəzifəsini alır[5][12].