Adil Osmanov

Adil Osmanov (2 iyul 2000[1], Moskva[2]) — Azərbaycan əsilli Moldova cüdoçusu, Moldova cüdo komandasının üzvü, 2024-cü il Yay Olimpiya Oyunlarının bürünc mükafatçısı, Böyük Dəbilqə turnirinin (2024), Qran Prinin (2024) və Avropa kubokunun qalibi (2021).

Adil Osmanov
Şəxsi məlumatlar
Tam adı Adil Osmanov
Vətəndaşlığı
Doğum tarixi 2 iyul 2000(2000-07-02)[1] (24 yaş)
Doğum yeri
Boyu 173 sm[3]
İdman növü cüdo
Ağırlıq dərəcəsi 73
Medallar

Olimpiya Oyunları
Bürünc 2024 Paris 73 Kq
U-23 Cüdo üzrə Avropa Çempionatı
Bürünc 2022 Sarayevo 73 kq
Bürünc 2021 Budapeşt 73 kq
30.07.2024 tarixində yenilənib.

Həyatı

[redaktə | mənbəni redaktə et]

Adil Osmanov 2 iyul 2000-ci ildə Moskvada azərbaycanlı-moldovan ailəsində anadan olub. Atası Azərbaycandan (Xaçmaz rayonundan), anası isə Moldovadandır. Osmanovun Bakıda və Xaçmazda yaşayan qohumları var.[4][5]

Adil Osmanov 2017-ci ildə Moskvadan Kişinyova köçüb. O dövrdən Moldovanı təmsil etməyə başlayıb.[6]

Karyerası

[redaktə | mənbəni redaktə et]

2018-ci ilin avqustunda o, gənclər arasında Avropa kubokunun qalibi olub. 2019-cu ilin avqustunda yeniyetmələr arasında Avropa kubokunun gümüş mükafatını qazanıb. Həmin ilin sentyabrında yeniyetmələrin Avropa çempionatında ikinci yeri tutub.

2021-ci ilin oktyabrında böyüklər arasında Avropa kubokunun qalibi olub.[7] 2021-ci ilin noyabrında Budapeştdə və 2022-ci ilin oktyabrında Sarayevoda Osmanov 23 yaşa qədər cüdo üzrə Avropa çempionatında üçüncü yeri tutub.[8]

O, 2023-cü ildə Varşavada keçirilən Avropa Açıq çempionatında gümüş medal əldə edib.[9]

2023-cü ilin mayında Osmanov Linsdə keçirilən Qran Pridə bürünc medal qazanıb.[10] 2024-cü ilin martında o, finalda azərbaycanlı Rəşid Məmmədəliyevə qalib gələrək Linsdə Qran Prinin qalibi olub.[11][12] Ayın sonunda Osmanov Türkiyənin Antalya şəhərində keçirilən "Böyük Dəbilqə" turnirində finala yüksələ bilib və burada yenə Məmmədəliyevi məğlub edib və turnirin qızıl medalını qazanıb.[13] Bu, Osmanov üçün Böyük Dəbilqə yarışlarında ilk qızıl medal idi və Qran Pridəki ilk qızıl medalından bir neçə həftə sonra əldə edildi.[14]

2024-cü ildə Parisdə keçirilən Yay Olimpiya Oyunlarında Adil üçüncü yer uğrunda mübarizədə italyan idmançı Manuel Lombardonu məğlub edərək bürünc medal qazanıb.[15]

Adil Osmanov Moldova Azərbaycanlıları Konqresi Şurasının üzvüdür. Müxtəlif məsələlərdə azərbaycanlılara köməklik göstərir, Novruz bayramı kimi Azərbaycanın mədəni ənənələri ilə bağlı tədbirlər keçirir.[16]

İstinadlar

[redaktə | mənbəni redaktə et]
  1. ↑ 1 2 JudoInside.com (ing.). 2002.
  2. ↑ 1 2 OSMANOV Adil.
  3. ↑ Adil OSMANOV.
  4. ↑ Мамедалиев добыл серебро Большого шлема
  5. ↑ Blandescu, Dorina. "FOTO: Povestea emoționantă a judocanului Adil Osmanov: Pierderea tatălui, mutarea în Moldova și relația cu bunicul său". RealMedia (rumın). 2024-03-15. İstifadə tarixi: 2024-07-29.
  6. ↑ "Adil Osmanov". Judo Inside. İstifadə tarixi: 31 May 2024.
  7. ↑ "U23 EUROPEAN CHAMPIONSHIPS 2021". ijf.org. İstifadə tarixi: 29 July 2024.
  8. ↑ "Judoka Adil Osmanov wins bronze at European U23 Championships". ipn.md. 29 October 2022. İstifadə tarixi: 29 July 2024.
  9. ↑ "FRANCE DOUBLE UP ON GOLD TO LEAD IN THE MEDAL TABLE". eju.net. 25 February 2023. İstifadə tarixi: 29 July 2024.
  10. ↑ "Pelivan and Osmanov snatch bronze at Upper Austria Grand Prix". albasat.md. 28 May 2023. İstifadə tarixi: 29 July 2024.
  11. ↑ Messner, Nicola. "-73kg: Osmanov Raises the Moldovan Flag". ijf.org. 9 March 2024. İstifadə tarixi: 31 May 2024.
  12. ↑ "Esposito and Osmanov shine in Linz". Euronews. 9 March 2024. İstifadə tarixi: 31 May 2024.
  13. ↑ "ANTALYA OFFERS UP NEW TALENT ON THE PODIUM". eju.net. 30 March 2024. İstifadə tarixi: 31 May 2024.
  14. ↑ Messner, Nicolas. "-73kg: A Second Premiere for Osmanov". ijf.org. 30 March 2024. İstifadə tarixi: 31 May 2024.
  15. ↑ "One step away from a medal! Judoka Adil Osmanov qualified for the semi-finals at the Paris Olympics". moldova1.md. 29 July 2024. İstifadə tarixi: 29 July 2024.
  16. ↑ "Азербайджанский дзюдоист: Молдова способна произвести фурор на Олимпиаде". 2024-04-26 tarixində arxivləşdirilib. İstifadə tarixi: 2024-04-26.

Xarici keçidlər

[redaktə | mənbəni redaktə et]