Afaqın məhəbbəti (film)

Afaqın məhəbbəti qısametrajlı televiziya tamaşası rejissor Ağakişi Kazımov tərəfindən ekranlaşdırılmışdır. Televiziya tamaşası Azərbaycan televiziyasında istehsal edilmişdir. Televiziya tamaşasının əsasında Nizami Gəncəviyə kəniz olaraq hədiyyə edilən Afaqın (Səidə Quliyeva) taleyi durur. Televiziya tamaşasında əsas rolları Məhluqə Sadıqova, Mirvari Novruzova, Muxtar Avşarov, İlham Əsgərovvə Səidə Quliyeva ifa edirlər.

Afaqın məhəbbəti
Afaqın məhəbbəti
Janr	dram
Rejissor	Ağakişi Kazımov
Əsərin müəllifi	Buta Sadıqov
Baş rollarda	Məhluqə Sadıqova Mirvari Novruzova Muxtar Avşarov İlham Əsgərov Səidə Quliyeva
Operator	Fərman Nəbiyev
Rəssam	Səmayə Hüseynova
İstehsalçı	Azərbaycan televiziyası
Filmin növü	qısametrajlı televiziya tamaşası
Müddət	38 dəq.
Ölkə	Azərbaycan SSR
Dil	azərbaycanca
Rəng	rəngli

Televiziya tamaşasının əsasında Nizami Gəncəviyə kəniz olaraq hədiyyə edilən Afaqın (Səidə Quliyeva) taleyi durur. Tamaşa Afaqın İlyasın evinə gətirilməsi ilə başlayır. İlk gündən İlyas (İlham Əsgərov) Afaqa kəniz gözüylə baxmadığını qeyd edir. O, Afaqın mərdliyinə, gözəlliyinə valeh olur. Afaq İlyasa gün keçdikcə daha da bağlanır və eşqini ilk dəfə İlyasın anasına (Məhluqə Sadıqova) etiraf edir. İlyas Afaqın taleyilə maraqlanır və Afaq ona başına gələnləri nəql edir. Başına olmazın müsibətlər gələn Afaqla İlyas nəticədə evlənmək qərarına gəlirlər.

Əsər müəllifi: Buta Sadıqov
Rejissor: Ağakişi Kazımov
Operator: Fərman Nəbiyev
Rəssam: Səmayə Hüseynova

Məhluqə Sadıqova — İlyasın anası
Mirvari Novruzova — vəzirin arvadı
Muxtar Avşarov — vəzir
İlham Əsgərov — İlyas^[1]
Səidə Quliyeva — Afaq^[2]
Şahin Cəbrayılov — qoçu
Rüstəm Əliyev — Afaqı gətirən

Azərbaycan filmlərinin siyahısı