Akif Xansultanlı (Akif Bəkir oğlu Xansultanlı; 7 noyabr 1974, Sadaxlı, Marneuli rayonu)— şair, publisist,jurnalist, Azərbaycan Yazıçılar Birliyinin üzvü, Qarapapaqlar jurnalının baş redaktorudur.[1]
| Akif Xansultanlı | |
|---|---|
| Doğum tarixi | 7 noyabr 1974 (48 yaş) |
| Doğum yeri | |
| Vətəndaşlığı | Gürcüstan |
| Milliyyəti | Azərbaycanlı |
| Təhsili | |
| İxtisası | Kulturologiya |
| Mükafatları | “Qızıl Qələm” |
Akif Bəkir oğlu Xansultanlı 1974-cü il noyabrın 7-də qədim Borçalı mahalında - indiki Gürcüstanın Marneuli rayonundakı Sadaxlı kəndində anadan olub. 1991-ci ildə 1 saylı Sadaxlı kənd orta məktəbini bitirib. 19921997-ci ildə isə Azərbaycan Dövlət Mədəniyyət və İncəsənət Universitetinda “Kulturologiya” fakültəsində ali təhsil alıb.
1999-cu ildən 2003-cü ilə kimi Azərbaycanın Mədəniyyət və Turizm Nazirliyinin Muzey İşi üzrə Respublika Elmi-Metodiki Mərkəzinin baş redaktoru vəzifəsində çalışıb.
2003-cü ildən 2007-ci ilə qədər AMEA-nın Nizami adına Ədəbiyyat İnstitutunda kiçik elmi işçi kimi fəaliyyətini davam etdirib.
2007-ci ildən etibarən, Tifl isdə nəşr olunan “Qarapapaqlar” aylıq elmi-kütləvi dərgisinin təsisçisi və baş redaktorudur.
AMEA-nın Beynəlxalq Münasibətlər İnstitutunun aspiranturasında davam etdirib. Elmi məqalə və şeirləri ilə mətbuatda vaxtaşırı çıxış edib. İlk dəfə Gürcüstandakı anadilli mətbuatımızın elektron versiyası və internet saytının qurulması da “Qarapapaqlar” jurnalının adi ilə tarixiləşib. Dərginin elmi status adını alması üçün lazım olan 13 rəqəmli beynəlxalq sertifi kat kodun (9771987676007) və İSSN ştrixin (19876769), həmçinin elmiliyini təsdiq edən ədəbiyyat, tarix, etnoqrafi ya və kulturologiya ixtisasları üzrə UDC/Q10 kodlarının (821.512.162+39(=512.162)+ 94(479.24)+008(=512.162)+1) alınması birbaşa Akif Xansultanlının adı ilə bağlıdır.
2006-ci ildə “Borçalı dastanı” adlı kitabı nəşr olunub.[2]