Albertus Piktor

Albertus Piktor (isv. Albertus Pictor, bukv. «Rəssam Albertus») və ya əsl adı ilə Albert İmmenhauzen (isv. Albertus Immenhusen; 1440-cı illər, İmmenhauzen^[d], Hessen – 1507 və ya 1509, İsveç) — son orta əsrlərdə yaşamış İsveç incəsənət xadimi. O, İsveçin mərkəzi və cənubunda yerləşən bir çox kilsədəki freskaların və a sekkoların müəllifi olmaqla tanınır.

Albertus Piktor
Doğum tarixi	1440-cı illər
Doğum yeri	İmmenhauzen[d], Kassel[d], Kassel inzibati dairəsi[d], Hessen, Almaniya Federativ Respublikası
Vəfat tarixi	1507 və ya 1509
Vəfat yeri	İsveç
Fəaliyyəti	rəssam
Vikianbarda əlaqəli mediafayllar

Albertus Piktor həyatı haqqında günümüzə çox az məlumat gəlib çatmışdır. Onun 1440–1450-ci illərdə indiki Almaniyanın Hessen vilayətində yerləşən İmmenhauzen şəhərində anadan olduğuna inanılır. Onun adı İsveçin tarixi sənədlərində ilk dəfə 1465-ci ildə, Arbuqa şəhərinin sakini kimi sadalanır. O, səkkiz il sonra Stokholm şəhərinə köçür, orada vəfat edən yerli bir sənətkarın dul arvadı ilə evlənir və onun incəsənət atelyesinin sahibinə çevrilir. Albertus təkcə rəssam deyil, həm də toxucu, orqan və qobelen istehsalçısı idi. Onun adı 1479-cu ildən 1508-ci ilədək müxtəlif mülki iş sənədlərində on dəfə çəkilir. 1507-ci ildə onun ağır xəstəlikdən əziyyətdə çəkdiyi və yatağa bağlanmış olduğu qeyd edilir. Buna baxmayaraq, onun ölüm tarixinin 1509-cu ilə – adının İsveçin tarixi sənədlərində axırıncı dəfə qeyd edildiyi tarixə təsadüf etdiyi güman olunur.

Albertus Piktorun bütün rəsm əsərlərinin ümumi sayı naməlumdur. Lakin o, İsveçin 37 kilsəsində bu günə kimi qorunub saxlanmış əsərlərin müəllifi hesab edilir. Rəsm əsərlərindən doqquzunun müəllif qismində ya Albertus adının müxtəlif variantları qeyd olunub, ya da ki müəllifin imzası məhv edilib.^[1] Onun ən məşhur əsərləri "Rəqs edən kəndlilər" və "Şahmat oynayan ölüm"dür.

• Melin, Pia, Fåfängans förgänglighet (Vanishing Vanity: Allegory as Speculum in Paintings by Albertus Pictor), 2007, ISBN 917031-178-1
• Hulth, Sonja (Illustrations: Fibben Hald), Albert Målare och sommaren i Härkeberga ("Albert the Painter and the summer in Härkeberga") Rabén&Sjögren, 1998, ISBN 9129645018

• Vikianbarda Albertus Piktor ilə əlaqəli mediafayllar var.
• Albertus Pictor Arxivləşdirilib 2020-10-01 at the Wayback Machine website