Aleksandr Çervyakov

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Aleksandr Çervyakov (d. 8 avqust 1957 - ö. 4 avqust 2017) — voleybol üzrə Azərbaycanlı məşqçi və mütəxəssis. Aleksandr Çervyakov, 2013-2015-ci illərdə voleybol üzrə qadınlardan ibarət Azərbaycan yığmasının baş məşqçisi olub.

Aleksandr Çervyakov
Aleksandr Çervyakov
Doğum tarixi	8 avqust 1957
Vəfat tarixi	4 avqust 2017 (59 yaşında)
Vətəndaşlığı	Azərbaycan

Aleksandr Çervyakov 8 avqust 1957-ci ildə anadan olub. Aleksandr Çervyakovun oğlu, Aleksey Çervyakov voleybolçudur və Azərbaycan yığmasının üzvüdür. O, 2017-ci ildə baş tutan IV İslam Həmrəyliyi Oyunlarında gümüş medal qazanıb.

Aleksandr Çervyakov, uzun illər voleybol üzrə qadınlardan ibarət Azərbaycan yığmasının baş məşqçisi Faiq Qarayevin yardımçısı olub.

2014-cü ildə isə Aleksandr Çervyakov, Azərbaycan yığmasının baş məşqçisi postuna gətirilib.

O, Azərbaycan yığması ilə birgə 2014-cü ildə İtaliyada baş tutan Dünya Çempionatında 15-ci yeri tutub.

2015-ci ildə isə Aleksandr Çervyakovun rəhbərliyi altında Azərbaycan yığması, I Avropa Oyunlarında 4-cü pilləni tutub.

2017-ci ildə Aleksandr Çervyakov, voleybol üzrə son İsrail çempionu olan "Makkabi" Hayfanın baş məşqçisi olub.

Aleksandr Çervyakov, 2017-ci il 4 avqustda, ömrünün 60-cı yaşına qədəm qoymağa 4 gün qalmış vəfat edib.