Aleksandr Trofimov
Aleksandr Mixayloviç Trofimov (rus. Александр Михайлович Трофимов; 11 sentyabr 1937, Bakı – 5 sentyabr 2002, Lipetsk) — yarımmüdafiəçi mövqeyində çıxış etmiş sovet futbolçusu. Məşqçi. SSRİ idman ustası (1966).
| Aleksandr Trofimov | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| Ümumi məlumatlar | ||||||||||||||||||||||||||||
| Doğum tarixi | 11 sentyabr 1937 | |||||||||||||||||||||||||||
| Doğum yeri | ||||||||||||||||||||||||||||
| Vəfat tarixi | 5 sentyabr 2002 (64 yaşında) | |||||||||||||||||||||||||||
| Vəfat yeri | ||||||||||||||||||||||||||||
| Dəfn yeri | Matırskoe qəbiristanlığı[1] | |||||||||||||||||||||||||||
| Vətəndaşlığı |
 SSRİ → Rusiya |
|||||||||||||||||||||||||||
| Mövqeyi | yarımmüdafiəçi | |||||||||||||||||||||||||||
| Karyerası | ||||||||||||||||||||||||||||
|
||||||||||||||||||||||||||||
| Təltif və medalları | ||||||||||||||||||||||||||||
 |
||||||||||||||||||||||||||||
|
||||||||||||||||||||||||||||
Klub karyerası
[redaktə | mənbəni redaktə et]Aleksandr Trofimov 11 sentyabr 1937-ci ildə Bakı şəhərində anadan olub.[2] 15 yaşında ikən Bakının "Trudovıye rezervı" klubunun gənclər komandasında oynamağa başlayıb.[3]
1956-cı ildə Azərbaycanın gənclərdən ibarət yığmasının heyətində Ümumittifaq Spartakiadasının finalında çıxış edərkən onu "Trudovıye rezervı" İdman Cəmiyyətinin Lipetsk rayon şurasının rəhbəri İvan Teymurazov bəyənərək komandalarına dəvət edib. 1957-ci ildən "Trudovıye rezervı" komandasında çıxış edən texniki cəhətdən bacarıqlı və güclü zərbələrə malik bakılı, ilk oyundan yerli azarkeşlərin sevimlisinə çevrilib.[3]
Lipetsk komandasında dörd mövsüm oynadıqdan sonra Bakıya qayıdan Trofimov, respublikanın əsas komandası olan "Neftyanik" komandasına cəlb edilib. 1970-ci ilə qədər burada çıxış edən futbolçu, klubun heyətində ümumilikdə 265 oyun keçirib, 9 qol vurub.[2][3]
Məşqçi karyerası
[redaktə | mənbəni redaktə et]1973-1974-cü illərdə "Neftçi" klubunda ikinci məşqçi kimi fəaliyyət göstərib.[3][4] 1978-ci ildə Stepanakertin "Qarabağ" komandasına baş məşqçi təyin olunub.[3]
Müxtəlif illərdə Mingəçevirin "Avtomobilist" komandasında məşqçi (1981), rəis (1985-1986) və baş məqşçi (1987) funksiyalarını yerinə yetirib.[3]
1992-ci ildə Azərbaycanın yüksək dəstə təmsilçisi — Salyanın "Plastik" komandasında baş məşqçi kimi çalışıb.[3][5]
1995-2002-ci illər aralığında Lipetsk vilayətinin futbol çempionatında çıxış edən "Spartak" klubunda baş məşqçi işləyib.[2] Komanda onun rəhbərliyi altında çempionatın qızıl (1995), gümüş (1997, 1999) və bürünc (1996) mükafatçısı olmuş, həmçinin regional Kuboku (1995, 1996) qazanmışdır.[3]
Şəxsi həyatı
[redaktə | mənbəni redaktə et]Aleksandr Trofimov peşəkar voleybolçu olmuş xanımla ailəli olub.[4] Bu evlilikdən Mixail adlı oğlu var. Mixail, atasının yolunu davam etdirərək, peşəkar futbolçu olmuşdur.[6][7]
İstinadlar
[redaktə | mənbəni redaktə et]- ↑ "Трофимов Александр Михайлович". Sport-strana.ru. 2021-01-27 tarixində arxivləşdirilib. İstifadə tarixi: 2024-07-15.
- ↑ 1 2 3 "Трофимов Александр Михайлович". Footballfacts.ru. 2024-07-13 tarixində arxivləşdirilib. İstifadə tarixi: 2024-07-13.
- ↑ 1 2 3 4 5 6 7 8 "Липецкий азербайджанец". Lpgzt.ru. 2021-01-17 tarixində arxivləşdirilib. İstifadə tarixi: 2024-07-13.
- ↑ 1 2 "Летучий азербайджанец". Lipetsknews.ru. 2013-04-17 tarixində arxivləşdirilib. İstifadə tarixi: 2024-07-15.
- ↑ "Arxiv / 1992". Pfl.az. 2023-10-01 tarixində arxivləşdirilib. İstifadə tarixi: 2024-07-15.
- ↑ "Михаил Трофимов: В китае меня приравнивали к двум бразильцам". Fh.nn.ru.ru. İstifadə tarixi: 2024-07-16.
- ↑ "Трофимов Михаил Александрович". Footballfacts.ru. 2022-12-05 tarixində arxivləşdirilib. İstifadə tarixi: 2024-07-16.