Alman əsirləri qəbiristanlığı (Sumqayıt)

Alman əsirləri qəbiristanlığı (bəzən "Alman əsgərlərinin məzarlığı kimi qeyd olunur) — Sumqayıt şəhərinin Yeni Kotej qəsəbəsində yerləşən Azərbaycanda alman əsirlərinin qəbiristanlığı.^[1] Qəbirstanlıqda 311 məzar var.^[2] Qəbiristanlıq ərazisində qara xaç şəklində bir xatirə abidəsi də yerləşir. Xatirə abidəsinin hündürlüyü 5,5 m təşkil edir. Məzarlığın sahəsi 2.700 m²-dir.^[3]

Qəbiristanlıq
Alman əsirləri qəbiristanlığı
Ölkə	Azərbaycan
Şəhər	Sumqayıt Sumqayıt
Əsası qoyulub	1946
Sonuncu dəfn	1949
Dəfn sayı	311
Sahəsi	0,027 km²
Dini tərkib	Xristianlıq
40°36′07″ şm. e. 49°39′07″ ş. u.
Alman əsirləri qəbiristanlığı

Azərbaycanda İkinci Dünya müharibəsi iştirakçıları olan əsirlərin dəfn olunduğu 11 məzarlıq və 2986 məzar var. Onlardan biridə Sumqayıt şəhərində yerləşir. Məzarlıqda dəfn olunan 311 girovdan 269-u alman əsilli olub, qalanları avstriyalı və macardır. Əsirlər Azərbaycan SSR-də gənclər şəhəri olan Sumayıtın salınmasında iştirak etmiş və müxtəlif səbəblərdən dünyasını dəyişərək burada dəfn olunmuşdur. Sonuncu əsir burada 1949-cu ildə dəfn olunmuşdur. 1949-cu ilin yanvar ayında məzarların birində iki hərbi əsir dəfn olunur. Torpağı don vurduğundan qazmaq olmur, ona görə hər iki meyiti bir məzarda basdırmağa qərar verilir.