Aqşin Xəlilov
 | Bu məqalədə bəzi məlumatlarının mənbəsi göstərilməmişdir. |
Aqşin Ariz oğlu Xəlilov (16 iyun 1978, Dəvəçi) — azərbaycanlı idmançı, kikboksinqin semi-kontakt növü üzrə dünya çempionu (2006).[1]
| Aqşin Xəlilov | |
|---|---|
| Aqşin Ariz oglu Xəlilov | |
 | |
| Şəxsi məlumatlar | |
| Vətəndaşlığı |
 SSRİ→ Azərbaycan |
| Milliyəti | azərbaycanlı |
| Doğum tarixi | |
| Doğum yeri | Şabran, Azərbaycan SSR, SSRİ |
| Təhsili |
Bakı Dövlət Əmtəəşünaslıq və Kommersiya institutu, Azərbaycan Respublikasının Prezidenti Yanında Ali İdarəçilik Akademiyası |
| Rəsmi saytı | |
Həyatı və fəaliyyəti[redaktə | mənbəni redaktə et]
Aqşin Ariz oğlu Xəlilov 1978-ci il iyun ayının 16-da Şabran rayonunda anadan olmuşdur. 1985-1995-ci illərdə Bakı şəhəri 246 nömrəli məktəbdə təhsil almışdır. 1995-ci ildə Bakı Dövlət Əmtəəşünaslıq və Kommersiya İnstitutuda, "Əmtəə bazarında kommersiya fəaliyyəti" ixtisası üzrə ali təhsil almış və 1999-cu ildə məzun olmuşdur. 1999—2000-ci illərdə Ordu İdman Klubunda həqiqi hərbi xidmət keçmişdir. 2010-cu ildə Azərbaycan Respublikasının Prezidenti Yanında Ali İdarəçilik Akademiyasında ikinci ali təhsilini almağa başlamış, 2013-cü ildə təhsilini müvəffəqiyyətlə başa vurmuşdur.
Erkən yaşlarından karate-do idman növü ilə peşəkar səviyyədə məşğul olmuşdur. Dəfələrlə karate-do üzrə Azərbaycan çempionu, 2003-cü ildə şotokan karate-do üzrə Avropa çempionu, 2006-cı ildə isə kikboksinqin semi-kontakt növü üzrə dünya çempionu olmuşdur. Azərbaycan Respublikasının idman ustasıdır.
2008-2013 cü illərdə Qəbələ İdman Klubunda lisenziyalaşdırma məsələləri üzrə baş menecer vəzifəsində çalışmışdır. 2013-cü ildən etibarən Azərbaycan Futbol Federasiyaları Assosiyasıyasında Layihələrin Təminatı departamentinin rəhbəridir.
Ailəsi[redaktə | mənbəni redaktə et]
Ailəlidir, iki övladı var.
Nailiyyətləri[redaktə | mənbəni redaktə et]
- Daşkənd (2006), Kikboksinqin semi-kontakt növü üzrə dünya çempionatı – qızıl medal[2][1]
- Kiyev (2003), Şotokan Karate-Do üzrə Avropa çempionatı – qızıl medal[3]
- Bakı (2003), Karate-Do üzrə X Respublika Çempionatı – 1-ci yer[4]
- Bakı (2004), Karate-Do üzrə Ümumrespublika Çempionatı – 1-ci yer[4]
- Bakı (2005), Karate-Do üzrə XIII Respublika Çempionatı – 1-ci yer[4]
İstinadlar[redaktə | mənbəni redaktə et]
- ↑ 1 2 "İDMANÇILARIMIZ KİQBOKS ÜZRƏ DÜNYA ÇEMPİONATINDA BEŞ QIZIL MEDAL QAZANMIŞLAR". Azertag.az (az.). Azərbaycan Dövlət İnformasiya Agentliyi. 1 may 2006. Archived from the original on 27 December 2020. İstifadə tarixi: 27 dekabr 2020.
- ↑ "Azərbaycanın kikboksinq üzrə yığması dünya çempionatında uğurla çıxış edib". trend.az (az.). Trend İnformasiya Agentliyi. 2 may 2006. 27 dekabr 2020 tarixində arxivləşdirilib. İstifadə tarixi: 27 dekabr 2020.
- ↑ "4th European Championships". 2021-08-05 tarixində arxivləşdirilib. İstifadə tarixi: 2020-12-27.
- ↑ 1 2 3 "Şəxsi veb saytı". 2020-11-01 tarixində arxivləşdirilib. İstifadə tarixi: 2020-10-27.