Aslanbəyli məscidi

Aslanbəyli məscidi — Azərbaycan Respublikası Qazax rayonunun Aslanbəyli kəndində yerləşən məscid.[1][2] Dini Qurumlarla İş üzrə Dövlət Komitəsində qeydiyyatdan keçmişdir.[3]

Aslanbəyli Məscidi
Hacı Mahmud Əfəndi məscidi
Ölkə Azərbaycan Azərbaycan
Status Məscid
Şəhər Qazax rayonu
Yerləşir Aslanbəyli kəndi
Sifarişçi Həmid Əfəndi
Tikilmə tarixi

İnşası: 1909

Bərpası: 1990
Sahəsi

İç sahəsi- 150 kvadrat metr

Eyvanı- 30 kvadrat metr
Minarələri 1 ədəd (Hündürlüyü 18 metr)

Haqqında

[redaktə | mənbəni redaktə et]

Hacı Mahmud Əfəndinin xatirəsinə ucaldılan məscid onun adını daşıyır. Məsciddə yerli dindar və möminlər ibadət edirlər. Məscid yerli əhəmiyyətli abidələr siyahısına daxildir.[4]

Tarixi

[redaktə | mənbəni redaktə et]

Aslanbəyli kəndindəki məscid 1909-cu ildə kənd camaatı tərəfindən inşa edilib. Həmid Əfəndi tərəfindən tikilmişdir. Hacı Mahmud Əfəndi məscidi 1938-ci ildən 1985-ci ilədək klub kimi istifadə olunmuşdur. 1990-cı ildə yerli sakinlər tərəfindən məscidin təmir-bərpa işlərinə başlanmışdır. Qeyd etmək lazımdır ki, məscidin vaxtilə minarəsi olmuşdur. Taxtadan olan minarə sonralar sökülüb dağıdılmışdır. Məscidin yeni ucaldılan minarəsinin hündürlüyü 18 metrdir.[4]

Sovet dövründə bir çox başqa dini məbədlər kimi bu məscidin də fəaliyyəti dayandırılmışdır. Bina kənd klubuna çevrilmişdi və bərbad hala düşmüşdür. Yalnız Azərbaycanın müstəqilliyi dövründə kənd sakinlərinin hesabına məscid bərpa olundu və ibadət yeri kimi yenidən fəaliyyətə başladı.[4][5]

Memarlıq quruluşu

[redaktə | mənbəni redaktə et]

İç sahəsi 15x10 metrdir. Giriş qapısının ön tərəfində eyvan (sahəsi 30 m²) yerləşmişdir. Tavan taxtadan olub, düzbucaqlı formadadır. Minbər də taxtadandır və səkkizpilləlidir. Məscidin yeni ucaldılan minarəsinin hündürlüyü 18 metrdir. Binanın sağ küncündə yuxarıya doğru ensizləşən və son illərdə tikilmiş minarə vardır. Məscidin daxili hissəsi böyük ibadət zalından ibarətdir. O öz növbəsində tən ortadan sütuna söykənən qoşa tağla iki hissəyə bölünmüşdür.[4]

İstinadlar

[redaktə | mənbəni redaktə et]
  1. ↑ "Aslanbəyli kəndində maarifləndirici tədbir keçirilib". qazax-ih.gov.az. 2023-10-04 tarixində arxivləşdirilib. İstifadə tarixi: 2023-10-04.
  2. ↑ Azərbaycan Respublikası məscidlərinin ensiklopediyası. Bakı-2001.
  3. ↑ "Məscidlər və dini icmalar - Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti". irs.gov.az. 2023-06-09 tarixində arxivləşdirilib. İstifadə tarixi: 2023-10-04.
  4. ↑ 1 2 3 4 "Arxivlənmiş surət". 2023-01-28 tarixində arxivləşdirilib. İstifadə tarixi: 2023-10-04.
  5. ↑ "Qazax rayonunda məscid bərpa olunub". www.anl.az. 2023-10-04 tarixində arxivləşdirilib. İstifadə tarixi: 2023-10-04.