Azər Süleymanlı

Azər Süleymanlı (tam adı: Azər Şərif oğlu Süleymanov; 10 dekabr 1986, İkinci Nügədi, Quba rayonu) — Azərbaycan teleaparıcısı. O, karyerası boyunca "Xəyal TV", "Regional TV", "Space TV", "Mədəniyyət" və "İctimai TV" (indiyə kimi) telekanallarında çalışmışdır. Azər Süleymanlı "Səs Azərbaycan" kimi bir çox verilişin aparıcısı, o cümlədən Avroviziya Mahnı Müsabiqəsinin şərhçisi olmuşdur.

Azər Süleymanlı
Doğum tarixi 10 dekabr 1986(1986-12-10) (38 yaş)
Doğum yeri
Vətəndaşlığı SSRİ SSRİ→
Azərbaycan Azərbaycan
Milliyyəti azərbaycanlı
Təhsili
Fəaliyyəti televiziya aparıcısı
Fəaliyyət illəri 1999–h.h.

Həyatı

[redaktə | mənbəni redaktə et]

Azər Şərif oğlu Süleymanov 10 dekabr 1986-cı ildə Azərbaycanın Quba rayonunda yerləşən İkinci Nügədi kəndində anadan olmuşdur. O, 1993-cü ildə İkinci Nügədi kənd Oktay Məmmədov adına 1 saylı orta məktəbinə qəbul olmuş, 2004-cü ildə həmin məktəbi başa vurmuş və növbəti il Azərbaycan Dövlət Mədəniyyət və İncəsənət Universitetinə qəbul olmuşdur. O, 2009-cu ildə həmin universiteti fərqlənmə diplomu ilə bitirmişdir.[1][2][3]

Fəaliyyəti

[redaktə | mənbəni redaktə et]

Azər Süleymanlı 1999-cu ildə hələ məktəbli ikən Quba rayonu ərazisində fəaliyyət göstərən "Xəyal TV"-də (indiki Qafqaz TV) aparıcılığa başlamışdır. 2007-ci ilə qədər orada "Bizim sinif", "Dünya uşaqların gözü ilə", "Hər bazar" adlı verilişlərin aparıcısı olmuşdur.[1] O, 2007-ci ildə təsis olunan "Regional TV"-nin (indiki ARB TV) ilk aparıcılarından biri kimi fəaliyyətinə orada davam etmişdir. 2016-cı ilə qədər həmin teleşirkətdə "Buralar", "Azərlə hər bazar", "AzərKeş", "ÖYRƏNirəm" adlı verilişlərin aparıcısı olmuşdur.[4] Azər Süleymanlı 2008–2010-cu illərdə "Space TV"-də çalışmışdır. O, "Mənim Sevimli Mahnım" (MSM) karaoke verilişinin, eləcə də sonuncu "Azəri Star" mahnı müsabiqəsinin aparıcılığını etmişdir.[2] Süleymanlı 2011-ci ildə elə həmin il yayıma başlayan "Mədəniyyət" kanalında "1001 sual" intellektual verilişinin aparıcısı olmuşdur. O, 2012-ci ildən fəaliyyətinə "Azad Azərbaycan TV" kanalında "Şərq ulduzları" uşaq mahnı müsabiqəsinin aparıcısı kimi davam etmişdir.[5]

Azər Süleymanlı 2013-cü ilin sentyabrından bu günə qədər İctimai Televiziya və Radio Yayımları Şirkətində aparıcı olaraq çalışır.[6] Bu müddət ərzində o, kanalın əvvəllər "Yeni gün", 2017-ci ildən isə "Sabahın xeyir, Azərbaycan" adlı səhər proqramının aparıcısıdır. 2021-ci ildə İctimai Televiziya və Radio Yayımları Şirkəti dünyaca məşhur "SƏS" layihəsinin lisenziyalı yayım hüququnu almış və layihənin aparıcılığı Azər Süleymanlıya həvalə edilmişdir.[7] O həmçinin, 3 dəfə ardıcıl olaraq – 2016,[8] 2017,[9][10] və 2018-ci illərdə[11] Avroviziya Mahnı Müsabiqəsinin azərbaycanca şərhçisi olmuşdur.

Azər Süleymanlı fəaliyyəti boyu bir çox dövlət tədbirlərinin, layihələrin aparıcısı kimi çıxış etmişdir. O, həmçinin ölkənin bir çox ali təhsil müəssisələrinin, gənclər təşkilatlarının dəvəti ilə aparıcılığa dair mövzularda seminarlar vermişdir.[12][13][14] Ötən illər ərzində müxtəlif dövlət qurumları, təşkilatlar, ictimai birliklər tərəfindən fəaliyyətinə görə diplom və mükafatlara layiq görülmüşdür.

Şəxsi həyatı

[redaktə | mənbəni redaktə et]

Azər Süleymanlı 13 sentyabr 2014-cü ildə ailə həyatı qurmuşdur.[15]

İstinadlar

[redaktə | mənbəni redaktə et]
  1. ↑ 1 2 "İTV-nin məşhur aparıcısı Azər Süleymanlı: "Aparıcı" ayrıdır, "veriliş aparan" ayrı". big.az (az.). 31 yanvar 2019. 2021-10-21 tarixində arxivləşdirilib. İstifadə tarixi: 20 oktyabr 2021.
  2. ↑ 1 2 "Azərbaycanlı teleaparıcı: "Kişinin bir gecəlik eşqbazlığını bağışlamaq olar" - FOTOSESSİYA". news.milli.az (az.). 19 mart 2013. 2021-10-22 tarixində arxivləşdirilib. İstifadə tarixi: 20 oktyabr 2021.
  3. ↑ ""Hətta o böyük gecəni-10 noyabrı işdə keçirmişəm, səhərin açılmasına bilsəniz necə tələsmişəm"". Moderator.az (az.). 12 yanvar 2021. 2021-10-21 tarixində arxivləşdirilib. İstifadə tarixi: 20 oktyabr 2021 – Azerforum.com vasitəsilə.
  4. ↑ "Azərbaycanlı aparıcı nişanlandı - FOTO". news.milli.az (az.). 21 yanvar 2014. 2021-10-20 tarixində arxivləşdirilib. İstifadə tarixi: 20 oktyabr 2021.
  5. ↑ "Tanınmış azərbaycanlı teleaparıcı kanal dəyişdirdi - FOTO". news.milli.az (az.). 1 oktyabr 2012. 2021-10-22 tarixində arxivləşdirilib. İstifadə tarixi: 20 oktyabr 2021.
  6. ↑ "İTV-nin məşhur aparıcısı Azər Süleymanlı: "Aparıcı" ayrıdır, "veriliş aparan" ayrı". Xanim.az (az.). 31 yanvar 2019. 2021-10-22 tarixində arxivləşdirilib. İstifadə tarixi: 20 oktyabr 2021.
  7. ↑ ""Səs Azərbaycan"ın aparıcısı bəlli oldu". Qafqazinfo.az (az.). 30 sentyabr 2021. 2021-10-19 tarixində arxivləşdirilib. İstifadə tarixi: 20 oktyabr 2021.
  8. ↑ Cavadsoy, Şahin. "Azərbaycan dilində "Eurovision"u o, şərh edəcək". PrimeTime (az.). 9 may 2016. 10 sentyabr 2016 tarixində orijinalından arxivləşdirilib. İstifadə tarixi: 20 oktyabr 2021.
  9. ↑ ""Eurovision" şərhçimiz o olacaq - Fotolar". Qafqazinfo.az (az.). 8 may 2017. 20 October 2021 tarixində arxivləşdirilib. İstifadə tarixi: 20 oktyabr 2021.
  10. ↑ ""Favoritimiz Azərbaycan təmsilçisi Diana Hacıyevadır" - Fotolar". Kaspi.az (az.). 9 may 2017. 20 October 2021 tarixində arxivləşdirilib. İstifadə tarixi: 20 oktyabr 2021.
  11. ↑ ""İstirahətimi işdə edirəm" - Fotolar". Kaspi.az (az.). 3 iyul 2018. 2021-10-26 tarixində arxivləşdirilib. İstifadə tarixi: 23 oktyabr 2021.
  12. ↑ "Dillər Universitetində Azər Süleymanlı ilə görüş keçirilib". Azərbaycan Dillər Universiteti (az.). 27 dekabr 2018. 2021-10-19 tarixində arxivləşdirilib. İstifadə tarixi: 20 oktyabr 2021.
  13. ↑ "Kimya fakültəsində jurnalistlə görüş". Bakı Dövlət Universiteti (az.). 27 aprel 2021. 2022-07-06 tarixində arxivləşdirilib. İstifadə tarixi: 23 oktyabr 2021.
  14. ↑ ""Oyuq" teatr-studiyası yetirmələr üçün növbəti ustad dərslərinə başlayır". Azərbaycan Dövlət İnformasiya Agentliyi (az.). 16 iyun 2021. 2021-10-21 tarixində arxivləşdirilib. İstifadə tarixi: 20 oktyabr 2021.
  15. ↑ "Tanınmış azərbaycanlı teleaparıcı evləndi - FOTOLAR". oxu.az (az.). 14 sentyabr 2014. 2021-10-21 tarixində arxivləşdirilib. İstifadə tarixi: 20 oktyabr 2021.