Azərsun — ərzaq istehsalı, pərakəndə satış və kənd təsərrüfatı sektorlarında fəaliyyət göstərən Azərbaycan şirkətidir. Azərsun Azərbaycanda ən böyük qida istehsalçısı və ixracatçısıdır (28 qida markası istehsal olunur), həmçinin kağız və qablaşdırma ticarəti ilə məşğul olur.
| Azərsun Holdinq | |
|---|---|
| Ümumi məlumatlar | |
| Tipi | Holdinq |
| Sənaye |
Ticarət İstehsalat |
| Təsis tarixi | 1991-ci il |
| Baş qərargahın yeri | |
| İqtisadi göstəriciləri | |
| Ümumi gəliri | AZN 730 milyon Manat ($430 milyon USD) (2018) |
| Rəhbərlik | |
| Rəhbərlik | Abdulbari Gözəl |
| azersun.az | |
“Azərsun Holdinq” 1991-cü ildə, ilk dəfə olaraq, birbaşa xarici sərmayə ilə Bakıda fəaliyyətini dayandırmış çay fabriki və yağ zavodunu özəlləşdirdi, müasir avadanlıqlarla təchiz etdi, bununla da müstəqil Azərbaycanın ilk istehsal müəssisələrini istifadəyə verdi. Mərkəzi Logistika Departamenti “Azərsun Holdinq”in nəzdində 1997-ci ildən fəaliyyətə başlayıb.
Təhsilə töhfə verən SABIS® SUN Beynəlxalq Məktəbi (SABIS® SUN) 1 sentyabr 2015-ci il tarixində Azərsun tərəfindən qurulmuşdur. “Azərsun Holdinq”in nəzdində fəaliyyət göstərən "Təmizlik Vasitələri Fabriki" 01 aprel 2022-ci ildən istismara verildi.
2001-ci ildə Qarabağ futbol klubu'nda maliyyə problemləri yaranmışdır. "Azərsun" şirkətinin komandanı sponsorluğa götürməsindən sonra bu problem həll olundu. "Azərsun" Holdinq "Qarabağ"ın inkişafı üçün əməli işə girişdi. Şirkətin prezidenti Abdulbari Gözəlın bilavasitə şəxsi köməkliyi ilə komandanın maddi problemləri həll olundu. Hazırda Tahir Gözəl klubun prezidentidir. Azərsun Arena da şirkətin balansındadır.
“Azərsun Kənd Təsərrüfatı Məhsulları” 2007-ci ildə fəaliyyətə başlayıb. Ümumi sahəsi 4.761 hektar olan “Azərsun Kənd Təsərrüfatı Məhsulları”nın orta illik işçi sayı 565 nəfərdən ibarətdir.
Müəssisə kənd təsərrüfatı məhsulları əkib-becərməklə məşğuldur. Eyni zamanda müəssisədə ətlik istiqamətli xırda və iribuynuzlu heyvandarlıq kompleksləri fəaliyyət göstərir.
Müəssisədə istehsal olunan şəkər çuğunduru, nar, pomidor, xiyar, bibər, yaşıl noxud, yonca, pambıq, buğda, arpa, qarğıdalı və silosluq qarğıdalı orqanik məhsullardır.
Müəssisənin 290 hektar ərazisində nar bağı, 21 hektar ərazisində isə qarışıq meyvə bağları mövcuddur.
Qeyd edək ki, “Azərsun Kənd Təsərrüfatı Məhsulları” CERES (Certification of Environmental Standards – Ekoloji Standartların Sertifikatlaşdırılması) sertifikatına malikdir.
Müəssisə, 2021-ci ildə Azərbaycan Respublikasının Prezidenti cənab İlham Əliyevin iştirakı ilə istismara verilib.
Ümumi sahəsi 4.200 hektar, illik istehsal gücü 90 000 ton olan “Azərsun Şamaxı Aqropark”da 160 nəfər daimi işlə təmin olunub. Mövsümdə isə bu say 360 nəfərə çatır.
Müəssisədə şəkər çuğunduru, qarğıdalı, kartof, xiyar, yonca, arpa, buğda, yemlik və silosluq qarğıdalı, soya və pambıq məhsulları istehsal edilir. Eyni zamanda müəssisədə ümumi heyvan sayı 4300 olan iri buynuzlu heyvandarlıq kompleksləri də fəaliyyət göstərir.
Abşeron yarımadasında, hava limanına 5 dəqiqəlik, şəhərin mərkəzinə isə cəmi 23 dəqiqəlik məsafədə yerləşən “Dreamland Golf Villas & Residences”, 66 hektar qolf sahəsini əhatə edən 330 hektarlıq ərazidə inşa edilmiş şəhərcikdir.
“Dreamland Golf Villas & Residences” yüksək keyfiyyətli infrastruktura malik, ərazisində 234 villa və 382 mənzil, qolf akademiyası, qolf sahəsi, qolf hoteli, “Sabis Sun” beynəlxalq məktəbi, “Bazarstore” supermarketi, restoranlar, açıq hava və qapalı tədbir məkanları, idman zalı, tennis, futbol, voleybol, basketbol və uşaq meydançaları, yaşıl parklar və göllər olan premium şəhərcikdir.
Mərkəzi Logistika Departamenti “Azərsun Holdinq”in nəzdində 1997-ci ildən fəaliyyətə başlayıb.
Mərkəzi Logistika Departamenti “Azərsun Holdinq”in nəzdində fəaliyyət göstərən müəssisələrdə istehsal olunan, həmçinin 10-dan çox xarici ölkələrdən idxal olunan qida, içki, qeyri-qida, gigiyenik kağız və təmizlik məhsullarının qəbulu, mühafizəsi və daşınmasını, eləcə də Satış Direktorluğunun sifarişinə uyğun malların müştəriyə çatdırılması xidmətlərini həyata keçirir.
Anbarlarının ümumi sahəsi 43630 m2 olan Mərkəzi Logistika Departamenti 2000-dən çox topdan və pərakəndə müştərilərinə logistik və dağıtım xidmətlərini də göstərməkdədir.
Departamentin logistik anbarları, yüksəkixtisaslı mütəxəssislərin çalışdığı müasir avadanlıqlarla təchiz olunaraq ən yeni SAP və AXATAWMS, E-Nakliye, P-Carrier proqramları vasitəsilə logistik və çatdırma xidmətlərini həyata keçirir. Ölkənin 19 bölgəsində və Naxçıvan şəhərində yerləşən distributor anbarlarına sifarişə uyğun çatdırılma xidməti göstərilir, habelə 40-dan çox ölkəyə fabriklərdə istehsal edilən qida məhsulları ixrac olunur. Bununla yanaşı, departament bir çox xarici firmaların (“Ulker”, “Diversey, “Mofix”, “TOYBOX” və s.) logistik və müştərilərə çatdırılma xidmətinı gerçəkləşdirir.
Mərkəzi Logistika Departamenti tərəfindən, həmçinin “ALSHAYA” firmasının (“Starbucks”) Azərbaycan nümayəndəliyinin logistik və çatdırılma xidmətlərini göstərilir.
Hazırda tərkibində 1100 işçi çalışan Mərkəzi Logistika Departamenti 2014-cü ildən etibarən Türk Standartları İnstitutu tərəfindən İSO 9001-2015 Keyfiyyət İdarəetmə Sistemi Sertifikatına layiq görülüb.