Azad bəy Qocamanbəyov
 | Bu, tənha məqalədir. Çünki hansısa məqalədən bu məqaləyə verilmiş keçid yoxdur. Lütfən, əlaqəli məqalələrdən bu səhifəyə keçid verməyə çalışın. |
Azad bəy Ağasadıq bəy oğlu Qocamanbəyov (1860, Şamaxı – 1920, Şamaxı) — Şamaxı qəzasının rəisi, polkovnik
| Azad bəy Qocamanbəyov | |
|---|---|
| Azad bəy Ağasadıq bəy oğlu Qocamanbəyov | |
 | |
Vəzifədədir | |
| 1919-cu ildən | |
| Əvvəlki | [[Azad bəy Qoca manbəyov]] |
| Sonrakı | Səlim bəy Ağakişibəyov |
| Şəxsi məlumatlar | |
| Doğum tarixi | 1860 |
| Doğum yeri | |
| Vəfat tarixi | 1920 |
| Vəfat yeri | |
Həyatı[redaktə | mənbəni redaktə et]
Azad bəy Ağasadıq bəy oğlu Qocamanbəyov 1860-cı ildə anadan olmuşdur. Atası Şamaxının məşhur mülkədarlarından idi. Onun mal-qarası, qoyun sürüləri, Şamaxıda mağazaları və böyük imarəti və Pirsaat çayının sahilində geniş əkin sahələri olmuşdur.
Hərbi məktəbi qurtarandan sonra Azad bəy Peterburq və Moskva şəhərlərində qulluq edir. O, 1905-1907-ci illərdə Rus-Yapon müharibəsində iştirak etmişdir. Müharibədə göstərdiyi igidliklərinə görə bir neçə orden və meddallarla təltif olunmuşdur. Müharibənin sonuna yaxın sağ ayağından yaralanmışdır. Bir müddət Moskvada xəstəxanada müalicə olunmuşdur. Sonra polkovnik rütbəsində Şamaxıya qayıdan Azad bəy bir müddət burada əvvəl məhkəmədə işləyir, sonra isə çinovnik köməkçisi, qarnizon komissarı olaraq çalışır. Azad bəy bir müddət Şamaxı qəza rəisi işləmişdir.
Azad bəy 1920-ci ilin fevral ayında Şamaxıda vəfat etmişdir. Məzarı Laləzar qəbristanlığındadır.
Ailəsi[redaktə | mənbəni redaktə et]
Azad bəyin ilk evliliyi Ruqiyyə xanımla olmuşdur. İlk evliliyindən yeganə qızı Rübabə xanım gənc yaşlarında vəfat edir. Bundan sonra isə cütlüyün uşaqları olmur. Bu səbəbdən Azad bəy həmkəndlisi Bəymirzə adlı bir oğlanı oğulluğa götürür. Bəymirzə 1918-ci ildə ermənilərə qarşı savaşmış, 1919-cu ildə isə tərəkəmələrlə olan savaşda yaralanmış və bir neçə gündən sonra ölmüşdür.
Azad bəy ikinci dəfə Məhəmməd bəyin qızı Gülara xanımla ailə qurmuşdur. Cütlüyün 1912-ci ildə bir oğlu olmuş və adı Seyfulla qoyulmuşdur. Seyfulla bəy Qocamanbəyov Azərbaycan Sənaye İnstitutunun (indiki Azərbaycan Dövlət Neft və Sənaye Universitetində (ADNSU) memarlıq fakültəsini bitirmiş və Azərbaycan Dövlət Layihə İnstitutunda memar kimi fəaliyyət göstərmişdi. 1941-45-ci illər Böyük Vətən Müharibəsində aldığı ağır yaralar nəticəsində 1952-ci ildə 39 yaşında vəfat etmişdir. Azad və Nijat adlı iki oğlu, Gülara və Elmira adlı iki qızı var idi.
Mənbə[redaktə | mənbəni redaktə et]
- Seyfəddin Qəniyev 1918-ci il Şamaxı Soyqırımı. Bakı. Nurlan 2002.