Bahadur Fərman

Bahadur Fərman (azərb. Bahadur Fərman oğlu Abdullayev‎; 1939, Muşavak, Dəstəfur rayonu – 2016) — Azərbaycan Respublikasının Prezident təqaüdçüsü, Azərbaycan Yazıçılar Birliyinin üzvü^[1].

Bahadur Fərman
Bahadur Fərman oğlu Abdullayev
Təxəllüsü	Fərman
Doğum tarixi	1 sentyabr 1939
Doğum yeri	Muşavaq, Daşkəsən rayonu
Vəfat tarixi	4 dekabr 2016 (77 yaşında)
Dəfn yeri	Gəncə şəhəri, "İmamzadə Ziyarətgah" kompleksi
Vətəndaşlığı	Azərbaycan
Milliyyəti	azərbaycanlı
Təhsili	Gəncə Dövlət Universiteti
Fəaliyyəti	şair-yazıçı
facebook.com/fermanbahad…

Həyatı[redaktə | mənbəni redaktə et]

Bahadur Fərman oğlu Abdullayev 1939-cu ildə Daşkəsən rayonunun Muşavaq kəndində anadan olub.

Təhsili[redaktə | mənbəni redaktə et]

Orta təhsini Gəncə şəhəri 6 №li məktəbdə alıb. 1962- ci ildə H.Zərdabi adına Gəncə Dövlət Universiteti tarix-filologiya fakültəsinə qəbul olub, 1969-cu ildə həmin fakültəni bitirib. Təhsil aldığı müddətdə 3 il hərbi xidmətdə olub.

Fəaliyyəti[redaktə | mənbəni redaktə et]

Pedaqoji fəaliyyəti[redaktə | mənbəni redaktə et]

Daşkəsən rayonu, Kobalt qəsəbəsindəki internat məktəbdə müəllim (1969-1973), “Kirovabad kommunisti” qəzeti redaksiyasında şöbə müdiri (1973-1983), Gəncə şəhər Hacıkənd qəsəbəsindəki səkkizillik məktəbin (1977-1983), 5№li qiyabi orta məktəbin direktoru (1977-1983), Nizami rayon Təhsil şöbəsində metodkabinetin müdiri (1983-1988), 12 və 25 №li məktəblərdə direktor (1988-1998), sonra Gəncə şəhər Təhsil İdarəsində məktəb məsləhətçisi vəzifəsində çalışıb. Təhsil sahəsindəki uzunmüddətli səmərəli və qüsursuz fəaliyyətinə görə dəfələrlə müxtəlif mükafatlara layiq görülüb.

Yaradıcılıq fəaliyyəti[redaktə | mənbəni redaktə et]

Hələ gənc yaşlarından bədii yaradıcılığa maraq göstərib, respublikamızın müxtəlif qəzet, jurnallarında, ədəbi almanaxlarda şeirləri dərc olunub. “Anamın laylası” adlı ilk şeirlər kitabı 1966-cı ildə işıq üzü görüb və ədəbi ictimaiyyətin diqqətini cəlb edib. O, 1983-cü ildən Azərbaycan Yazıçılar Birliyinin üzvü olub, respublikadan kənarda keçirilən ədəbiyyat tədbirlərində Gəncə ədəbi mühitini ləyaqətlə təmsil edib, Gəncənin ictimai həyatında daim fəallıq göstərib.

İlk mətbu şeiri “Külək” 1961- ci ildə “Azərbaycan gəncləri” qəzetində dərc edilib. “Anamın laylası”(1971), ”Dörd cığır” (1978), “Durnalar köçür” (1985), “Mən indi bilmişəm” (1987), “Ömrün dolayları” (2000) “Gözlərinə tapşır məni” (2009), “Əmanətdir ürəyim” (2010), "Qəlbimi bükdüm payıza" (2012) adlı şeir kitabları nəşr olunub. Şairin şeirləri Rusiyada, Ukraynada, İranda, Türkiyədə və Gürcüstanda dərc olunub. 2015-ci ildə ədəbiyyat sahəsində xidmətlərinə görə Prezident təqaüdünə layiq görülüb^[1].

Bahadur Fərmanın "Anamdan ayrılarkən", "Bakının dəmiryol vağzalında", "Osvensim kədəri", "Saxlamışam", "Dörd cığır", "Şəhidlər", "Salam, ulu yurdum", "Deyil", "Mən şair deyiləm", "Müəllim" kimi şeirləri oxucular tərəfindən ən sevilən şeirlərdəndir.

Vəfatı[redaktə | mənbəni redaktə et]

Bahadur Abdullayev 2016-cı ildə vəfat etmişdir. Gəncə şəhərində "İmamzadə Ziyarətgah" kompleksində dəfn edilib.

İstinadlar[redaktə | mənbəni redaktə et]