Canan Tolon (türk. Canan Tolon) — türk rəssamı. Kalifornitanın Emerivill şəhərində yaşayır və işləyir[1]. O, Türkiyənin müasir təsviri incəsənətinin önəmli rəssamlarından biridir[2][3].
| Canan Tolon | |
|---|---|
| türk. Canan Tolon | |
| Doğum tarixi | 1955 |
| Doğum yeri | |
| Fəaliyyəti | incəsənət xadimi |
| Təhsili |
|
| canantolon.com | |
Onun əl işləri qravüra, rəngkarlıq, rəsm, heykəltəraşlıq və quraşdırma kimi sənət növlərini özündə birləşdirir[4]. Əsərləri Ankara, İstanbul, Kiyev, London, Los-Anceles, Nyu-York, Oklend və San-Fransiskoda keçirilən beynəlxalq sərgilərdə sərgilənib. Tolonun əsərləri müxtəlif milli və beynəlxalq kolleksiyalardadır və Türkiyə rəsm bazarında yüksək qiymətə alınır[5].
2010-cu ildə Canan Tolonun rəsmlərindən biri olan Qlyuk VI (2008) Türkiyədəki Sotbis hərracında xüsusilə seçilib[6]. 2012-ci ildə "Art + Auction" rəssamı əsərləri ən çox toplanan 50 rəssamdan biri adlandırılıb[7]. 2014-cü ildə Los Angeles Times icmalı qeyd edir ki, Tolonun rəsmləri "tanınan formalar axtarmağa meylimizi vurğulayır" və "həmçinin imicimizin pisləşən keyfiyyətinin şərhi ola bilər"[8].
Canan Tolon 1955-ci ildə İstanbulda anadan olub[9]. O, uşaqlığını poliomielit xəstəliyinə görə Fransada keçirib[10]. Canan Tolon “Keçmişsiz Gələcək” kitabında rəsmlərində və rəsmləri müşayiət edən məqalələrdə uşaqlığından və uzun illər müalicəsindən bəhs edib[11].
1975-ci ildə Ecole Française d'İstanbul Beynəlxalq Məktəbini bitirdikdən sonra dizayn və memarlıq üzrə Edinburqun Napier Universitetində (1976), Fachhochschule (1979), Middlesex Universitetində/Memarlıq Assosiasiyasında (1980) təhsili və UC Berklidə memarlıq dərəcəsi (1983) almışdır[12]. Tolon daha sonra Fransa və San-Fransiskoda memar işləyib.
Canan Tolonun ilk fərdi sərgisi 1984-cü ildə Berklidə açılıb. Daha sonra Ankara, İstanbul, Nyu-York, Paris, Çikaqo və San-Fransisko kimi bir çox mərkəzdə, o cümlədən Şarlottenborqda “Mən fərqliyəm”, Brüssel Şəhər İcra Hakimiyyətində “Plastik Dialoqlar”, Muzeydə “Mütəşəkkil Münaqişə” əsərlərini sərgilənir.
Berklidə sənət təhsilini davam etdirir. Müasir incəsənətin davamlılıq, sintez və birləşmə kimi anlayışları ilə maraqlanan rəssam o dövrdə divar instalyasiyaları və bioloji obyektlər əsasında əsərlər ərsəyə gətirirdi[13]. Tolon tamaşaçının bir fotoşəkili, quruluşu və ya hekayəsi olduğu illüziyası ilə əsərlər hazırlamağa qərar verir. Bu kətana pas ləkələri və qəhvə kimi xarici effektlər əlavə etməklə həyata keçirilmişdir[14][15].
Canan Tolonun işi aşağıdakı ictimai kolleksiyalarda saxlanılır:
İstanbul Müasir İncəsənət Muzeyi, İstanbul İKSV (İstanbul Mədəniyyət və İncəsənət Vəqfi).