Ceraldın oyunu (film, 2017)

Ceraldın oyunu (ing. Gerald's Game) — 2017-ci ildə rejissor Mayk Flanaqan tərəfindən çəkilmiş və Flanaqan ilə Ceff Hovard tərəfindən müştərək formada süjet xətti yazılmış psixoloji qorxu triller filmidir. Film Stiven Kinqin 1992-ci ildə qələmə aldığı eyniadlı romanı əsasında çəkilmişdir və uzun müddət bu filmin ekranlaşdırılması qeyri-mümkün hesab edilmişdir.^[1] Karla Qucino və Brus Qrinvud öz tətilləri üçün şəhərdən uzaqda olan gizli bir evə getmiş evli cütlüyü canlandırırlar.^[2] Əri qəfil infarktdan öldükdən sonra, yanında açarları olmayan və xilas olmaq ümidi az olan əli çarpayıya qandallanmış qadın daxilindəki şeytanlarla mübarizə apararaq sağ qalmağın yolunu tapmağa çalışır.

Ceraldın oyunu filminin dünya premyerası 19 sentyabr 2017-ci ildə BFI Southbank-da baş tutmuş və Netflix tərəfindən 29 sentyabr 2017-ci ildə yayımlanmışdır. Film Quqinonun performansını yüksək qiymətləndirən tənqidçilərdən çox müsbət rəylər almışdır. Flanaqanın rejissorluğu, filmin mövzuları və işlənmə dərəcəsi də xüsusilə seçilmişdir. Filmin Rusiyada premyerası 28 sentyabr 2017-ci ildə baş tutmuşdur.^[3]