Chai Khana media

Chai Khana media – Cənubi Qafqazda qadınlara, kənd icmalarına, münaqişə zonalarına istinad edən kreativ beynəlxalq media platforması.[1]

Chai Khana
Loqonun şəkli
Ümumi məlumatlar
Təsis tarixi fevral 2015
Rəhbərlik
Baş icraçı direktor Lika Antadze
chaikhana.media/en

Tarixi[redaktə | mənbəni redaktə et]

Chai Khana media ilk olaraq 2015-ci ilin fevralında fəaliyyətə başlamışdır. Media startapı Gürcüstanın paytaxtı Tbilisidə yerləşir və əsas diqqəti qadınlar, azlıqlar, kənd əhalisi və münaqişələrə yönəldir. Başlanğıcda platformada çalışanların təxminən 80%-i qadınlar olmuşdur. 2019-cu ilin yayında Lika Antadze 26 yaşında baş redaktor təyin edilmişdir.[2]

Chai Khana media Böyük Britaniya hökuməti tərəfindən maliyyələşdirilən, Norveçin ifadə azadlığı, ictimai müzakirələri, incəsənəti və mədəniyyəti təşviq etməyə çalışan özəl qeyri-kommersiya fondu olan "Fritt Ord", Norveç Helsinki Komitəsi, BMT-nin İnkişaf proqramı, Açıq Cəmiyyət Vəqfləri, İsrailin Gürcüstandakı Səfirliyi, Fridrix Ebert Fondu kimi nüfuzlu beynəlxalq təşkilat və səfirliklər tərəfindən dəstəklənir.[3]

Mükafatları[redaktə | mənbəni redaktə et]

Platforma 2018-ci ildə Frit Ord fondu və ZEIT-Stiftung tərəfindən təsis edilən "Free Media Awards" mükafatına layiq görülmüşdür. Platformanın namizədliyi Almaniyanın Gürcüstandakı səfirliyi tərəfindən verilib.[1][4]

16 dekabr 2023-cü ildə "Qadınlar ümumi gələcək naminə" (WECF) təşkilatının təşkil etdiyi "Media naminə bərabərlik 2023" media müsabiqəsində "Ən yaxşı vizual iş" kateqoriyasında qalib olub.[5]

Məzmununun plagiatlaşdırılması[redaktə | mənbəni redaktə et]

4 yanvar 2019-cu il tarixində Chai Khana media platformasının saytında Tsalka bələdiyyəsinin Qumbati kəndində işləyən müəllim barədə "Gün batımından olan qız" adlı süjet yayımlanıb. 27 yanvar 2019-cu il tarixində Gürcüstan ictimai yayımçısına məxsus Birinci Kanalda eyni şəxsdən bəhs edən "Gün batımı kəndindən olan qız" süjeti yayımlanıb. Chai Khana media rəhbərliyi kanalda yayımlanan süjetin müəlliflərinin Gürcüstanın Jurnalist Etikası Xartiyasının plagiatla bağlı 11-ci prinsipini pozduğunu iddia edərək kanalı xartiyaya şikayət edib.[6] Xartiya Şurası 15 may 2019-cu ildə verdiyi qərarla Birinci Kanalın məzmunu plagiatlaşdırdığını təsdiqləyib. Şura eyni mövzunun müxtəlif KİV-lərdə işıqlandırılmasını əsas məqsəd kimi qiymətləndirib, lakin 11-ci prinsipin pozulmasına bu qərarda göstərilən digər halların birləşməsinin səbəb olduğunu qeyd edib.[7][8]

İstinadlar[redaktə | mənbəni redaktə et]

  1. ↑ 1 2 "The Free Media Awards 2018 are awarded to Chai Khana, Fontanka and Belarus Partisan". The Belarusian Association of Journalists. 8 iyun 2018. 2024-04-16 tarixində arxivləşdirilib. İstifadə tarixi: 15 aprel 2024.
  2. ↑ "Media Start-up: Chai Khana in Georgia". Deutsche Welle (ingilis). 2023-08-28 tarixində arxivləşdirilib. İstifadə tarixi: 2023-08-28.
  3. ↑ "Haqqımızda". chaikhana (az.). 2023-08-28 tarixində arxivləşdirilib. İstifadə tarixi: 2023-08-28.
  4. ↑ "Georgian edition wins Free Media Award-2018". Caucasian Knot. 3 oktyabr 2018. 2024-01-12 tarixində arxivləşdirilib. İstifadə tarixi: 16 aprel 2024.
  5. ↑ "WECF-ის "მედია თანასწორობისთვის 2023"-ის კონკურსის გამარჯვებული გიორგი გირკელიძე გახდა". ipress.ge. 16 dekabr 2023.
  6. ↑ "საზოგადოებრივ მაუწყებელს „ჩაიხანა" პლაგიატში ადანაშაულებს". www.mediachecker.ge (gürcü). İstifadə tarixi: 16 aprel 2024.
  7. ↑ "საზოგადოებრივ მაუწყებელს პლაგიატი დაუდგინდა - ქარტიის საბჭოს პრეცედენტული გადაწყვეტილება". www.mediachecker.ge (gürcü). 15 may 2019. İstifadə tarixi: 16 aprel 2024.
  8. ↑ "ჟურნალისტური ეთიკის ქარტიამ ,,ჩაიხანასა" და პირველი არხის საქმეზე პლაგიატი დაადგინა". HeretiFM (gürcü). 15 may 2019. İstifadə tarixi: 16 aprel 2024.