Cill (personaj)

Cill və ya Cill Moss (ing. Gill) — "Kim Possibl" serialının düşmən personajlarından biridir. "Batmaq və ya üzmək" və "Vonnavipə qayıdış" epizodlarında görünmüşdür.

Cill əvvəllər Ron ilə bir məktəbdə oxuyurdu. Bir gün onlar "Vonnavip" (ing. Wannaweep) adlı düşərgəyə gəlirlər. Burada "Vonnavip" gölü vardır. Həmin göl çox zəhərlidir. Bu səbəbdən Ron orada üzmür. Lakin Cill ona əhəmiyyət verməyərək, orada üzməyə başlayır. Bu zaman Cill mutanta dönür. Mutanta döndükdən sonra Rondan qisas almağa başlayır.

Cillin bu qisas planı "Batmaq və ya üzmək" seriyasında baş tutur. Düşərgəyə gələn zaman Ronun yadına burada keçirdiyi vaxtlar düşür. Bütün düşərgə heyətləri Cillin tələsinə düşür. Onlardan yalnız Ron və Rufus xilas olur. Artıq gecə yaxınlaşır. Ron Cill üçün bir plan hazırlayır. Cill də Ronun tələsinə düşür. Bütün düşərgə heyətləri xilas olur. Seriyanın sonunda Cill diri balıq saxlamaq üçün çay gəmisində saxlanılaraq, laboratoriyaya göndərilir. Burada onun normal həyata dönməsini təmin edirlər. Cill söz verir ki, Rondan qisas alacaq.

Lakin "Vonnavipə qayıdış" seriyasında hamı Cillin sağaldığını zənn edir. Cill Ron ilə dostcasına davranır. Lakin Cill yenidən düşərgə heyətini tələyə salır. Bu dəfə düşərgə heyəti içində Kim Possibl da var. Kim Possibl və Bonni düşərgə heyətini xilas edərək Cillə qalib gəlir. Cill yenidən diri balıq saxlamaq üçün çay gəmisində saxlanılaraq, laboratoriyaya geri göndərilir. Həmçinin, Cill əvvəlki kimi Rondan qisas almağa söz verir.

• Cill Kimpossible.wikia.com