Kim Possibl

Kim Possibl (ing. Kim Possible) — 2002-2007-ci illərdə istehsal olunmuş, Emmi mükafatına layiq görülmüş ABŞ animasiya serialı. Əslində 65 hissə olan seriala tamaşaçıların istəyi ilə daha 22 hissə əlavə olunmuş və epizodların sayı 87-ə çatmışdır. İlk dəfə 7 iyun 2002-ci il tarixində ABŞ-nin Disney Channel kanalında yayımlanmışdır.

Kim Possibl
ing. Kim Possible
Ssenarist	Mark MakKorkl[1]
Rolları səsləndirənlər	Kristi Karlson Romano[1], Con Di Macio[1], Ronald Li Ermey[1], Qari Koul[1], Felisiti Haffman[d][1], Melisa Makkarti[1], Petton Osvalt[d][1]
Ölkə	ABŞ[2]
Dil	ingilis dili[2]
Mövsümlərin sayı	4
Seriyaların sayı	87
Seriyanın müddəti	22 dəq.
Rəng	rəngli
Telekanal	Disney Channel
Nümayiş	bilinmir, 24 iyun 2003
IMDb	ID0278866
Rəsmi saytı

Serialda ABŞ-nin uydurulmuş Middlton şəhərində yaşayan Kim Possibl adında 13 yaşlı gənc bir qız, ən yaxın dostu Ron Stoppabl və Ueyd Load ilə birgə dünyanı pisliklərdən qurtarmalarından söhbət açılır. "Kim Possibl" sözü "Impossible" sözündən götürülmüşdür. Mənası İngiliscədən "Mümkün olmayan" deməkdir. Yəni Kim Possibl mümkün olmayan tapşırıqları məsuliyyətlə yerinə yetirir.

"Kim Possibl" animasiyasının prodüserləri olan Bob Şuli və Mark MakKorklun sözlərinə görə, animasiya haqqında informasiya ilk fikirlər, onların liftdə qalması zamanı yaranmışdır. Prodüserlərin fikrincə, bu elə qəhrəman olmalıdır ki, gördüyü işin əvəzində pul almasın. Həmçinin, qəhrəman qız olmalı idi. Prodüserləri liftdən azad edən zaman onların fikirlərində animasiya serialının mövzusu başa çatmışdır. İlk dəfə animasiya efirə ABŞ-nin Disney Channel kanalında 7 iyun 2002-ci ildə çıxmışdır. Efirə çıxan zaman animasiya yeniyetmə və yetkin tamaşaçılar sırasında böyük rəğbət qazanmışdır. Animasiyanın ilk seriyası «Dağılma» (ing. Crush) "İlin ən yaxşı animasiya seriyası"na görə Emmi mükafatına layiq görülmüşdür. Ümumilikdə isə animasiya serialı 5 nominasiyaya layiq görülmüş və onlardan birini qazanmışdır.

Kim Possibl dostları Ron Stoppabl, tüksüz köstəbək Rufus, kompüter ustası olan Ueyd Load və digərləri ilə birlikdə dünyanı xilas etməyə çalışan qəhrəman olmaqla yanaşı, məktəbdə oxuyan gənc bir qızdır. Seriyalarda yaxın dostu Ron danışan köstəbək Rufus ilə müşayiət olunur. Kim Possibl ABŞ-nin Middlton adlanan uydurulmuş şəhərində yaşayır.^[3] Burada onun ailəsi, yaxın dostları vardır. Oxuduğu məktəb də məhz burada yerləşir. Serialda Kim Possibl Ron Stoppabl, Rufus və Ueyd Load ilə birgə dünyanı pisliklərdən qurtarmalarından söhbət açılır. Onlar çox vaxtı əsas qəddarlardan biri olan Həkim Drakken və köməkçisi Şiqo ilə mübarizə aparırlar. Həkim Drakken həmişə dünyanı ələ keçirən zaman ona Kim Possibl mane olur. Serialın sonunda Kim Possibl və dostları bütün qəddar personajlara qalib gəlir.

Əsas məqalə: Kim Possibl animasiya serialının personajlar siyahısı

Kim Possibl - "Kim Possibl" serialının baş qəhrəmanıdır. Serialın başlanğıcında təxminən 13 yaşındadır və hər mövsüm yaşlanaraq dördüncü mövsümdə 17 yaşı tamam olar. Boş zamanlarında isə yoldaşı Ron ilə birgə Dünyanı qurtarar. Onun yaşıl gözləri və kürən uzun saçları vardır. Ümumiyyətlə, saçları bir gözünü bağlayır...

Ron Stoppabl - "Kim Possibl" serialının baş qəhrəmanlarından biridir. Ron sevimli və nəzakətli bir gəncdir. Vəzifəsini icra edərkən Kim Possiblın paltarına bənzər bir paltar geyər. Cibində Rufus adında tüksüz köstəbək gəzdirir. Bu ev heyvanının götürmə səbəbi, atasının heyvan tüklərinə qarşı allergiyası olmasıdır. Ronun sarışın dağınıq saçları və qəhvəyi rəngli gözləri vardır...

Rufus - "Kim Possibl" serialının baş qəhrəmanlarından biridir. Rufus tüksüz köstəbəkdir. Meqa Maqada yaşayırdı. Rufusun atası tüklərə qarşı allergiyası var idi.Bu səbəbdən Ron Rufusu özünə götürür. Rufus adi köstəbək deyildir. Rufusun beyni insanın beyninə çox yaxındır. İnsan kimi 2 ayaqları üzərində dayana bilir. Rufusun boyu 30 sm-dir. Çəkisi 1,8 kq-dır. Gözləri qaradır...

Monik - "Kim Possibl" serialının baş qəhrəmanlarından biridir.^{[4][5][6][7][8][9]} Kim Possiblın ən yaxşı qız dostudur. Demək olar ki, Monik personajına bütün seriyalarda rast gəlmək olar. İlk seriyada Monik Kim Possibl ilə görüşən zaman gözləri nisbətən balaca idi. Lakin sonrakı mövsümlərdə Monikin gözləri əvvəlki seriyalardakı gözlərinə nisbətən daha böyük və aydın idi. Kim Possibl, adətən, boş vaxtlarını Moniklə keçirir. Monik isə ona önəmli tövsiyələr verir. Monikin tövsiyələri Kim Possibla məktəbdə və şəxsi həyatında böyük rol oynayır. Monik "Banan Klubu"nda paltar dizayneri vəzifəsində çalışır...

Ueyd Load - "Kim Possibl" serialının baş qəhrəmanlarından biridir.^[10] Serialın başlanğıcında təxminən 10 yaşındadır və digər personajlar kimi sonrakı seriyalarda yaşlanır. Ueyd dahi və kompüter ustasıdır. Ueyd 8 ayda lisey və kolleci bitirmişdir. Onun boyu cəmi 112 sm-dir. Qara gözlüdür. Çəkisi 178 kq-dır. Afrika-Amerika qarışığıdır. Bəzi insanlara vəzifələrində çox köməkçi olar...

Həkim Drakken - "Kim Possibl" serialının düşmən personajlarından biridir. Dünyanı ələ keçərməyə çalışan dəlisov alimdir. Əsl adı Dryu Teodor P. Lipskidir. Kim Possiblın ən böyük düşmənidir. Eyni zamanda Kim Possiblın atası Ceyms T. Possiblın sinif yoldaşıdır. Lisey illərində düzəltdiyi "Bibi" adlı dərrakəli qadın robotlarını ən yaxşı yoldaşlarını Ceyms, Çen və Rameşə tanıdır. Lakin hazırladığı keyfiyyətsiz robotlar yoldaşlarına gülünc gəlir. Həmin müddətdən başlayaraq dünyanı ələ keçirməyə və irəlidə hazırlayacağı inkişaf etmiş robotlarla yoldaşlarına dərs verməyi planladı. Ardından "Bibi" robotlarının istehsalı başlayır...

Şiqo - "Kim Possibl" serialının düşmən personajlarından biridir. Dünyanı ələ keçərməyə çalışan personajlardan biridir. Həkim Drakkenin yaxın dostu olmasına baxmayaraq ondan dərrakəlidir. Zarafat etməyi çox sevir. Çox uzun və qara saçlı, yaşıl gözlüdür...

Meymun Yumruğu - "Kim Possibl" serialının düşmən personajlarından biridir. Əsl adı Montqomeri (qısaldılmış forması: Monti) Fiske-dir. Döyüş sənətləri ustasıdır. Ən qəti düşmənləri Ron Stoppabl və Kim Possibldır. Montqomeri Fiske əslən Britaniyadandır. Çəkisi 59 kq-dır. Montqomeri Fiske əvvəllər arxeoloq vəzifəsində çalışırdı. Nobel mükafatı laureatına layiq görülmüşdür. Əsas tədqiq sahələri meymunların artefaktları idi. Həmin artefaktlar başğa dünyanı idarə edəcəkdi. Lord Meymun Yumruğu, xüsusilə, Tai-Chin-Pek-Var və ya Meymun Kunq Fu stili ilə maraqlanırdı...

Daff Killiqan - "Kim Possibl" serialının düşmən personajlarından biridir. Ən qəzəbli şotlandiyalıdır. "Qolf üzrə təhlükəli oyunçu" ləqəbi ilə məşhurdur. Daff Killiqan əvvəllər məşhur peşəkar Qolfçu idi. Lakin oyunun qaydalarına riayət etmədiyinə görə, onu peşəkar Qolf yarışmasından qovlanmışdır. Killiqanı hətta mini-qolf meydançasında da oynamasına icazə verilmirdi. Daff Killiqan Kim Possiblın başqa rəqiblərindən nisbətən təhlükəlidir. Killiqan öz qəsrində qolf oynamağa başlayır. Onun əsas niyyəti dünyanı ələ keçirməkdir. Killiqan rəsmi kelt yubkası geyir. Başında Şotland papağı vardır. Killiqan dünyanı bir qolf meydançasına çevirmək istəyir. Bu səbəbdən Killiqan Həkim Drakken ilə əməkdaşılıq edir. Daff Killiqanın evi "Killiqan Adası" adı ilə məşhurdur. Daff Killiqanın ən təhlükəli silahı içi qumbara ilə doldurulmuş qolf topudur...

Professor Dementor - "Kim Possibl" serialının düşmən personajlarından biridir. Dementor məşhur alim və Həkim Drakkenin ən böyük düşmənidir. Dementor, Hench Co.-dan pulla aldığı xüsusi vəzifəliləri və dünyaya zərər vurmaq üçün tapdığı icadları sayəsində dünyanı ələ keçirməyə çalışır. Dementorun 40 yaşı vardır. Onun üzündə həmişə maska olur. Paltarı da bütün seriyalarda qırmızı olur. Dementorun soyadı Demenzdir...

Cill - "Kim Possibl" serialının düşmən personajlarından biridir. Cill əvvəllər Ron ilə bir məktəbdə oxuyurdu. Bir gün onlar "Vonnavip" (ing. Wannaweep) adlı düşərgəyə gəlirlər. Burada "Vonnavip" gölü vardır. Həmin göl çox zəhərlidir. Bu səbəbdən Ron orada üzmür. Lakin Cill ona əhəmiyyət verməyərək, orada üzməyə başlayır. Bu zaman Cill mutanta dönür. Mutanta döndükdən sonra Rondan qisas almağa başlayır...

Senyor Senyor böyük və Senyor Senyor kiçik - "Kim Possibl" serialının qəddar personajlardan biridirlər. Senyor Senyor böyük və Senyor Senyor kiçik (Cunior) pulla maraqlanan şəxslərdir. Yaşadıqları yer adadır. Senyor Senyor böyük əvvəllər "Milyonçular klubu"nun üzvü idi. Lakin sonralar klubdan xaric edilmişdir. Senyor Senyor böyük, oğluna qəddarların gizli məlumatlarını öyrədirdi ki, onun layiqli davamçısı olsun...

Aktyor/aktrisa	Rol	Qeydlər
Kristi Karlson Romano[11]	Kim Possibl	Cizgi filminin baş qəhrəmanı
Uill Fridl[12]	Ron Stoppabl	Kimin köməkçisi
Nensi Kartvrayt[13]	Rufus	Ronun köməkçisi
Taj Mouri	Ueyd Load	Dünyanı xilas etməyə çalışır
Qeri Koul[14]	Həkim Ceyms Timoti Possibl	Kimin atası
Cin Smart	Həkim Xanım Possibl	Kimin anası
Şon Fleminq	Cim Possibl	Kimin qardaşı
Spenser Foks	Tim Possibl	Kimin qardaşı
Con Di Macio	Həkim Drakken	Dünyanı ələ keçirməyə çalışır
Nikol Sallivan	Şiqo	Həkim Drakkenin köməkçisi
Raven Simone	Monik	Kimin dostu
Castin Börfield	Cill	Ronun düşməni
Patton Osvalt	Professor Dementor	Dünyanı ələ keçirməyə çalışır
Tom Keyn	Meymun Yumruğu	Dünyanı ələ keçirməyə çalışır
Brayn Corc	Daff Killiqan	Dünyanı ələ keçirməyə çalışır
Riçardo Montalban	Senyor Senyor Senyor	Dünyanı ələ keçirməyə çalışır
Nestor Karbonell[15]	Senyor Senyor Cunior
Keiko Agena	Yori
Felisiti Haffman	Həkim Direktor
Estel Harris	Xanım Lipski	Həkim Drakkenin anası
Kristofer MakDonald	Hiqo	Şiqonun qardaşı
Cer Berns	Miqo	Şiqonun qardaşı
Fred Savac	Viqo	Şiqonun qardaşı
Tara Stronq	Tara
Kirsten Stroms	Boni
Con Di Macio	Motor Ed
Dallas Fridey	Dallas Fridey
Ryan Niquist	Ryan Niquist
Bob Börnquist	Bob Börnquist
Rider Stronq	Brik Flaqq
Corc Takei	Sensey
Kerri Kenni	Bebe Roboter
Eşli Tisdeyl	Kamilie Leon
Brayn Poşehn	Kuzin Larri
Brayn Stepanek	Mathter

Ölkə	Yayım
ABŞ	Disney Channel, Toon Disney, ABC Family, Disney XD
Meksika	Azteca 7
Kuba	Telemundo
Braziliya	Rede Globo, Disney Channel Brasil
Venesuela	RCN Televisión
Kanada	Teletoon
İspaniya	TVE 2, Disney Channel España
Almaniya	RTL 2
İsveçrə	RTL 2
Avstriya	RTL 2
Böyük Britaniya	ITV1
Macarıstan	RTL klub
Niderland	Ketnet, Disney XD
Bolqarıstan	BNT Channel 1
Finlandiya	Nelonen, Disney Channel, Toon Disney, Disney XD
Rusiya	Pervıy Kanal, STS, Disney Channel Russia
İsrail	Arutz HaYeladim, Jetix
Yaponiya	Disney XD Japón
Hindistan	Toon Disney, Disney Channel, Disney Cinemagic
Çin	Disney Channel Asia
Çili	Canal 13
Səudiyyə Ərəbistanı	Disney Channel Oriente Medio
Türkiyə	TRT 1

Ölkə	Dil	Adı	Çıxış tarixi
Azərbaycan	Azərbaycan dili	Kim Possibl	Rəsmi çıxış tarixi yoxdur
ABŞ	İngilis dili	Disney's Kim Possible	7 iyun 2002
Argentina	İspan dili	Kim Possible	2 dekabr 2002
Fransa	Fransız dili	Les Griffes de la nuit	18 sentyabr 2002
Braziliya	Portuqal dili	Kim Possible	Rəsmi çıxış tarixi yoxdur
Polşa	Polyak dili	Kim Kolwiek	Rəsmi çıxış tarixi yoxdur
İtaliya	İtalyan dili	Kim Possible	Rəsmi çıxış tarixi yoxdur
Almaniya	Alman dili	Kim Possible	Rəsmi çıxış tarixi yoxdur
İspaniya	İspan dili	Kim Possible	Rəsmi çıxış tarixi yoxdur
Macarıstan	Macar dili	Kim Possible	Rəsmi çıxış tarixi yoxdur
Rusiya	Rus dili	Ким Пять-с-Плюсом	Rəsmi çıxış tarixi yoxdur
Türkiyə	Türk dili	Kim Possible	Rəsmi çıxış tarixi yoxdur
Yaponiya	Yapon dili	キム・ポッシブル	Rəsmi çıxış tarixi yoxdur
Kanada	Fransız dili	Kim Possible	25 avqust 2002
Tayvan	Çin dili	麻辣女孩	mart 2002
Yunanıstan	Yunan dili	I apithani Kim	Rəsmi çıxış tarixi yoxdur
Səudiyyə Ərəbistanı	Ərəb dili	دامو ستحيل	Rəsmi çıxış tarixi yoxdur
Norveç	Fransız dili	Kim Possible	3 mart 2002

İl	Mükafat	Kateqoriya	Ad	Nəticə
2008	"Emmi" mükafatının gündüz vaxtı[16]	Ən yaxşı animasiya filmi	"Kim Possible" animasiyası	Nominasiya
2005	"Emmi" mükafatının gündüz vaxtı	Görkəmli qarışıq səs - Canlı Hərəkət və Multiplikasiya[17]	Melissa Ellis və Fil Braun	Qələbə
		Ən yaxşı orijinal musiqi və kompozisiya	"Kim Possible" animasiyası	Nominasiya

Əsas məqalə: Kim Possibl animasiya serialının seriyalar siyahısı

Mövsüm sayı		Seriyaların sayı	Yayım tarixləri
			İlk çıxış tarixi	Son çıxış tarixi
	Mövsüm 1	21	7 iyun 2002	16 may 2003
	Mövsüm 2	30	18 iyul 2003	5 avqust 2004
	Mövsüm 4	14	25 sentyabr 2004	10 iyun 2006
	Mövsüm 4	22	10 fevral 2007	7 sentyabr 2007

Əsas məqalə: Kim Possibl (saundtrek)

2002-ci ildə Kim Possibl animasiya serialı çıxdıqdan sonra bu serialdakı mahnılar 22 iyul 2003-cü ildə Walt Disney Records tərəfindən "Kim Possibl (saundtrek)" adı altında buraxılmışdır. Orijinal versiyada 13 mahnı vardır. Albomun yeni versiyası 22 mart 2005-ci ildə Walt Disney Records tərəfindən "Kim-Proved" adı altında çıxarılmışdır. Yeni versiyada isə 14 mahnı vardır. "Kim Possibl (saundtrek)" albomu ABŞ "Billboard 200" hit-paradının albomlar bölməsində 125-ci pillədə yer tutmuşdur.^[18][19]

Əsas məqalə: Kim Possibl (video oyunların seriyaları)

Adı	Platforma	Çıxış tarixi (ABŞ-də)
Kim Possible: Revenge of Monkey Fist	Game Boy Advance	15 noyabr 2002
Kim Possible 2: Drakken's Demise	Game Boy Advance	22 sentyabr 2004
Kim Possible 3: Team Possible	Game Boy Advance	26 iyul 2005
Kim Possible: Kimmunicator	Nintendo DS	9 noyabr 2005
Kim Possible: What's the Switch?	PlayStation 2	19 oktyabr 2006
Kim Possible: Global Gemini	Nintendo DS	13 fevral 2007
Kim Possible: Legend of the Monkeys Eye	PC	2 avqust 2007

Kimpossible.com, "Kim Possibl" serialında adı çəkilən bir veb saytdır. Həmin sayt insanlara kömək üçün hazırlanmışdır. Saytının ilk versiyasında istifadə etdiyi şüar "Edə bilməyəcəyəim şey yoxdur!".^{[20][21][22][23]} Bu saytın sayəsində Cənab MakHenri və milyonç cənab Paisleydən gələn kömək çağırışı ilə ilk vəzifəsinə başladı. Saytın veb dizayneri Ueyd Load-dır.

Ron Stoppabl yeni bir məktəb ilinə hazırlanarkən, ailəsiylə birlikdə xanım Ogehsin bir iş təklifi səbəbiylə Norveçə gedəcəyini öyrənir. Bu müddətdə Meymun Gücü, Həkim Drakken, Şiqo və Daff Killiqan "Zaman Meymunu" adlı kiçik bütün iki parçasını tapmaq üçün əməkdaşlıq edirlər...

Kim Possibl və Ron Stoppabl kömək üçün ikinci dəfə oyuncaq fabriki Nakasumiyə çağırırlar. Həkim Drakken Şiqonu, Nakasumini zorla qaçırmaq üçün önləyir. Lakin Şiqo Nakasuminin ancaq pencəyini ala bilir. Drakken isə pəncəkdə Nakasumi oyuncaq şirkətinə aid yeni bir oyuncaq şəkli tapır...

• Nensi Kartrayt Rufusu səsləndirmək üçün ilk növbədə köstəbəkləri tədqiq edirdi.^[24][25]
• Mark MakKorkl və Bob Şuli lift ilə qalxan zaman Kim Possibl animasiyasının tamaşasını yaratdılar. Mark MakKorkl Bob Şuliyə baxıb dedi: Kim Possibl - o hər şeyi edə bilər. Bob Şuli isə Mark MakKorkla cavab verir: Ron Stopabl - o heç nəyi edə bilmir.^[26][27]
• "Kim Possibl" animasiya serialı 1 mükafata və 16 nominasiyaya layiq görülmüşdür.^[28][29]

• Kim Possibl — Internet Movie Database saytında

• Kim Possibl Globaljusticealliance.com saytında Arxivləşdirilib 2012-07-11 at the Wayback Machine
• Kim Possibl Kimpossible.wikia.com saytında
• Kim Possibl Bloggingbaby.com saytında Arxivləşdirilib 2007-03-13 at the Wayback Machine
• Kim Possibl News.toonzone.net saytında Arxivləşdirilib 2008-12-20 at the Wayback Machine
• Kim Possibl Savedisneyshows.org saytında Arxivləşdirilib 2007-07-20 at the Wayback Machine
• Kim Possibl Animationartconservation.com saytında Arxivləşdirilib 2012-04-06 at the Wayback Machine