Cotoneaster multiflorus

Çoxçiçəkli dovşanalması (lat. Cotoneaster multiflorus) — bitkilər aləminin gülçiçəklilər dəstəsinin gülçiçəyikimilər fəsiləsinin dovşanalması cinsinə aid bitki növü.

Çoxçiçəkli dovşanalması
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Dovşanalması Növ: Çoxçiçəkli dovşanalması
Beynəlxalq elmi adı
Cotoneaster multiflorus Bunge, 1830[1]
Şəkil axtarışı ITIS   836613 NCBI   690326 EOL   2507904

Təbii halda Qafqaz, Orta Asiya, Qərbi Sibir və Qərbi Çində bitir.

Hündürlüyü 3 m olan koldur. Cavan budaqları nazik, tüklü olub, aşağıya doğru əyilir. Enli yumurtavari yarpaqlarının uzunluğu 5 sm-dir, yazda gümüşü-boz, yayda tünd yaşıl, payızda isə tünd qırmızı rəngdə olur. 6-20 ədəd iri ağ çiçəkləri qalxanşəkilli çiçək qrupuna yığılmışdır. Çiçəkləmə may ayında başlayır və 16-25 günə qədər davam edir. Bu dövr bitki çox gözəl görünür. Meyvələri avqustda yetişir. 5-6 yaşından başlayaraq meyvə verir.

Soyuğa və quraqlığa davamlıdır. Məhsuldar və əhənglə zəngin, rütubətlənmiş torpaqlarda yaxşı inkişaf edir.

Böyük və Kiçik Qafqaz, Talış və Naxçıvan MR-da təbii halda rast gəlinir.

Yaşıllaşdırmada bu növün ensiz, uzun yarpaqlı və bol meyvə verən dekorativ formasından da (f.calicarpa) istifadə edilir. Tək və qrup əkinləri üçün yararlıdır. Toxumla və kolun bölünməsi ilə çoxalır. Al qırmızı, bol, şarşəkilli meyvələri payızda bitkinin dekorativliyini artırır.