Dəyirmanburnu Təbiət Parkı
Dəyirmanburnu Təbiət Parkı (türk. Değirmenburnu Tabiat Parkı) ― Türkiyənin İstanbul ilində yerləşən təbiət parkı.
| Dəyirmanburnu Təbiət Parkı | |
|---|---|
| Sahəsi | 12,28 hektar |
| Yaradılma tarixi | 2011 |
| Yerləşməsi | |
| 40°53′08″ şm. e. 29°05′55″ ş. u. | |
| Ölkə |
 Türkiyə |
| Yerləşməsi | Heybəliada, Adalar, İstanbul ili |
|
|
|
 Vikianbarda əlaqəli mediafayllar | |
Təbiət parkı
[redaktə | mənbəni redaktə et]Dəyirmanburnu Təbiət Parkı İstanbul ilinin cənub-şərqindəki Adalar səmtindəki Heybəliadanın şimalında yerləşir. Heybəliada böyüklüyünə görə Mərmərə dənizindəki doqquz adadan ibarət Şahzadə adalarının ikincisidir. Adanın şimalındakı bu ərazi 2011-ci ildə Ətraf və Meşə Nazirliyi tərəfindən təbiət parkı elan edilmişdir. Park 12,28 hektarlıq ərazini əhatə edir.[1][2]
Təbiət parkı açıq havada gəzinti və üzgüçülük fəaliyyətləri ilə birlikdə gündəlik fayton sürmə və velosiped icarəsi də təklif edir.[1] Parkda açıq hava kofe evi fəaliyyət göstərir.[2]
Heybeliada sanatoriyası, Halki Şərqi Pravoslav Kilsəsi və İlahiyyat Məktəbi və dəyirman kimi tarixi binalar parkın ərazisini ziyarət etmək üçün maraqlı yerlərdir.[1]
İqlim
[redaktə | mənbəni redaktə et]Parkın iqliminə Aralıq dənizi iqlimi təsir göstərir. Bölgənin yayı isti və quru, qışı isə mülayim və yağışlı keçir. Gecə ilə gündüz arasındakı istilik fərqi azdır. Ərazidə hakim külək şimal-qərb küləyidir. Küləklər il ərzində təsirli olur və fevral və iyun aylarında şimal-qərb istiqamətində güclü küləklər əsir. Mövsümi olaraq müşahidə edilən ən aşağı temperatur fevral ayında 4.3 °C (39.7 °F), ən yüksək temperatur isə iyul ayında 31 °C (88 °F)-dir. İyun və ya iyul aylarında belə nisbi rütubət 70%-dən aşağı düşmür.[1]
Ekosisten
[redaktə | mənbəni redaktə et]Flora
[redaktə | mənbəni redaktə et]Təbiət parkının florası əsasən türk şamı (lat. Pinus brutia), İtaliya şamı (lat. Pinus pinea), sahil şamı (lat. Pinus pinaster), adi göyəm (lat. Prunus spinosa), nəcib dəfnə (lat. Laurus nobilis), həmişəyaşıl sərv (lat. Cupressus sempervirens), iriçiçək maqnoliya (lat. Magnolia grandiflora), atlas sidri (lat. Cedrus atlantica), yapon eriobotriyası (lat. Eriobotrya japonica), cənub dağdağanı (lat. Celtis australis), Cercis siliquastrum, Sistus creticus, qatırdırnağı (lat. Spartium junceum), adi daşsarmaşığı (lat. Hedera helix), Çin fotiniyası (lat. Photinia serratifolia) və Carpobrotus acinaciformis-dən ibarətdir.[2]
Fauna
[redaktə | mənbəni redaktə et]Təbiət parkında müşahidə olunan heyvanlara məməlilərdən dələ, kirpi, dovşan, köstəbək, quş növlərindən isə müxtəlif qarğa növləri daxildir.[2]
İstinadlar
[redaktə | mənbəni redaktə et]- ↑ 1 2 3 4 "Tabiat Parkları - Değirmenburnu Tabiat Parkı" (Turkish). Orman ve Su İşleri Bakanlığı-1. Bölge Müdürlüğü-İstanbul Şube Müdürlüğü. 2018-04-26 tarixində orijinalından arxivləşdirilib. İstifadə tarixi: 2017-05-09.
- ↑ 1 2 3 4 "Değirmenburnu Tabiat Parkı" (Turkish). İstanbul Tabiat Parkları. 2017-04-29 tarixində orijinalından arxivləşdirilib. İstifadə tarixi: 2017-05-09.