Denpasar

Denpasar (ind. Kota Denpasar) — İndoneziyada şəhər. Balinin paytaxtı. Dünyanın ən çox turist cəlb edən yerlərindən biridir.

Denpasar
Denpasar
Bayraq Gerb
8°40′18″ c. e. 115°14′02″ ş. u.HGYO
Ölkə	İndoneziya[1][2][…]
Tarixi və coğrafiyası
Əsası qoyulub	27 fevral 1788
Sahəsi	123,98 km²
Mərkəzin hündürlüyü	4 ± 1 m, 34 m
Saat qurşağı	UTC+08:00
Əhalisi
Əhalisi	897.300 nəf. (2017)
Rəqəmsal identifikatorlar
Nəqliyyat kodu	DK
Digər
denpasarkota.go.id
Xəritəni göstər/gizlə Denpasar
Vikianbarda əlaqəli mediafayllar

Denpasar sözü bali dilində "den" (şimal) və "pasar" (bazar) sözlərindən götürülmüşdür. Bu da şəhərin mənşəyinin qədim vaxtlkardan ticarət şəhəri olduğunu göstərir. Şəhərin həmin qədim hissəsi indi Kumbasari Bazarı adı ilə tanınır.^[3]

Keppenin iqlimlər təsnifatına görə Anadır tropik səhra iqlimə malikdir. Burada hava isti və nəmdir. İl boyu temperatur dəyişikliyi çox azdır. Ortalama temperatur 28 °C-dir. İl iki mövsümə bölünür : nəm (noyabr-aprel ayları) və quru (may-oktyabr).

2010-cu il əhalinin siyahıyaalınması məlumatlarına görən Denpasarın 788 445 nəfər əhalisi olmuşdur. Buradakı əhali əsasən Hinduizm (68.4%) dininə sitayiş edir. Hinduizmi İslam, Xristianlıq, Buddizm və Konfutsiçilik izləyir.^[4]

Şəhərdən 13 km cənubda yerləşən Denpasar Beynəlxalq Hava Limanı İndoneziyanın ən işlək hava limanlarından biridir.

Bonea Limanı şəhərin dənizə çıxışını təmin edir. Liman şəhər mərkəzindən 10 km aralı yerləşir və 1924-cü ildən fəaliyyət göstərir.

Turzim və infrastrukturun inkişafı şəhər iqtisadiyyatının güclənməsinə səbəb oldu. İqtisadiyyatın böyük hissəsi ticarət, otellər və restoranların payına düşür. Həmçinin əl işləmələri sənəti də böyük əhəmiyyətə malikdir.

Denpasarda çoxsaylı beynəlxalq və milli idman tədbirləri keçirilir. Şəhər 2008-ci il Asiya Plyaj Oyunları və 2009-cu il Asiya Oxatma Çempionatına ev sahibliyi etmişdir. Həmçinin Perseden Denpasar futbol klubu şəhəri Nusantara Liqasında təmsil edir.

Denpasarda aşağıdakı təhsil ocaqları var :

• Udayana Universiteti
• Varmadeva Universiteti
• Milli Təhsil Universiteti
• Denpasar Mahasarasvati Universiteti
• İndoneziya İncəsənət İnsitutu, Denpasar

Denpasar aşağıdakı şəhərlərlə qardaş şəhər statusuna malikdir :

• Palembanq, İndoneziya
• Veracrus, Meksika
• Qran-Kanariya, İspaniya
• Pxuket, Tailand
• Haykou, Çin
• Corc Taun, Malayziya