Donald Teylor Riçi (9 iyun 1926[1], Sidney – 13 may 2012[2], Sidney) — Avstraliya ordeni laureatı, bir çox intihar cəhdinə müdaxilə edən avstraliyalı. O, Sidneydə Boşluq (ing. The Gap) adındakı bir uçurumdan intihara cəhd edən ən azı 180 nəfəri rəsmi olaraq xilas edib.
Don Riçi | |
---|---|
ing. Don Ritchie | |
Doğum tarixi | 9 iyun 1926[1] |
Doğum yeri | |
Vəfat tarixi | 13 may 2012[2] (85 yaşında) |
Vəfat yeri | |
Vətəndaşlığı | |
Həyat yoldaşı | Moya Riçi |
Uşaqları | Yan, Donna və Syu |
Anası | Leyla Riçi |
Mükafatları |
Riçi Vaucluse Dövlət Məktəbinə gedib və Şotlandiya Kollecinə daxil olub.[3] Ritçi İkinci Dünya müharibəsi dönəmində 1944-cü il iyunun 30-da HMAS Hobart gəmisində matros kimi Kral Avstraliya Donanmasına daxil olmuş və 1945-ci il sentyabrın 2-də Tokio körfəzində Yaponiya İmperatorluq Qüvvələrinin qeyd-şərtsiz təslim olduğunun şahidi olmuş, sakit okeanda İkinci Dünya müharibəsini rəsmən başa çatdırmışdır. Müharibədən sonra o, həyat sığortası satıcısı idi.[4][5]
Rəsmi olaraq o, 2009-cu ilə qədər 45 il ərzində 180 nəfəri intihardan xilas edib, halbuki ailəsi bu rəqəmin 500-ə yaxın olduğunu iddia edir. Ritçi Avstraliyanın Sidney şəhərində yerləşən və bir çox intihar cəhdləri ilə tanınan "The Gap" adlı yerin yanında yaşayırdı.
Tanınmış və tərifləməyən təvazökar bir adam, cənab Ritçi evindən intihar etmək niyyətində olanları görür və yavaş-yavaş onlara tərəf gedirdi. Uçurumun kənarında o, sadəcə gülümsəyərək onlardan soruşardı: "Mən sizə hansısa şəkildə kömək edə bilərəmmi?". Çox vaxt sakit yanaşma işə yarasa da, bəzi hallarda daha qətiyyətli olanları son sıçrayışdan çəkindirərək öz həyatını riskə atardı.[6]
Bundan sonra Riçi onları bir fincan çay içmək və söhbət etmək üçün evinə dəvət edirdi. Onun kömək etdiyi insanlardan bəziləri illər sonra geri qayıdıb, onları qərarlarından döndərməkdə göstərdiyi səylərə görə ona təşəkkür edirdilər.
Riçi intihar cəhdlərinə müdaxiləsini belə izah edib: "Siz sadəcə orada oturub baxa bilməzsiniz".[4]
2006-cı ildə o, "intiharın qarşısının alınması proqramları vasitəsilə cəmiyyətə xidmət" Avstraliya ordeni ilə təltif edilmişdir.[7][8] Riçi və həyat yoldaşı Moya, Gapın yerli hökumət rəsmisi Vullahra Şurası tərəfindən 2010-cu il üzrə "İlin Vətəndaşları" seçilib.[9] O, 2011-ci ildə Avstraliya üçün Yerli Qəhrəman Mükafatı aldı. Milli Avstraliya Günü Şurası dedi: "Onun xoş sözləri və çətin anlarda evinə dəvət etməsi çox böyük fərq yaratdı. Belə sadə hərəkətlərlə Don qeyri-adi sayda insanı xilas etdi".[10]
Riçi 13 may 2012-ci ildə 86 yaşında vəfat etmişdir. Onun həyat yoldaşı Moya və üç qızı həyatdadır.[11]