Elyar Əlimirzəyev
Əliyar Əlimirzə oğlu Əlimirzəyev (4 sentyabr 1961, Gilah, Qusar rayonu) — Azərbaycan Respublikasının xalq rəssamı (2021).
| Əliyar Əlimirzəyev | |
|---|---|
| Digər adları |
Elyar Əlimirzəyev Əlyar Alimirzəyev |
| Doğum tarixi | 4 sentyabr 1961 (63 yaş) |
| Doğum yeri | |
| Fəaliyyəti | rəssam |
| Təhsili | |
| Mükafatları |
  |
Həyatı
[redaktə | mənbəni redaktə et]Əliyar Əlimirzə oğlu Əlimirzəyev 1961-ci il sentyabrın 4-də Qusar rayonunun Gilah kəndində anadan olmuşdur. Bakıdakı 229 saylı məktəbi bitirmiş, 1977–1981-ci illərdə Əzim Əzimzadə adına Azərbaycan Dövlət Rəssamlıq Məktəbində təhsil almışdır. 1988-ci ildən SSRİ Rəssamlar İttifaqının üzvü olmuşdur.[1][2]
Yaradıcılığı
[redaktə | mənbəni redaktə et]Əliyar Əlimirzəyev ilk dəfə 1986-cı ildə "Azərbaycanın gənc rəssamları" adlı sərgidə iştirak etmiş, 1996, 2001, 2011 və 2015-ci illərdə Bakıda, 2001-ci ildə Dilidə (Şərqi Timor), 2014-cü ildə Mejevdə (Fransa), 2015-ci ildə Tbilisidə (Gürcüstan) fərdi sərgiləri keçirilmişdir. Onun əsərləri Rusiyanın Tretyakov qalereyasında, Avstriyanın Albertina qalereyasında, Danimarkanın Odense İncəsənət Muzeyində, eləcə də Rusiyanın Rusiya Rəssamlar İttifaqının, Rusiya Mədəniyyət Nazirliyinin qalereyalarında saxlanılır.[3]
2003-cü ildə Parisdə 200-ə yaxın ölkənin rəssamlarının iştirak etdiyi beynəlxalq sərgidə Əliyar Əlimirzəyevin "Fenikslər" əsəri "Qran-pri" mükafatına layiq görülmüşdür.[2] Eyni ildə o, Belqradda (Serbiya) keçirilən Beynəlxalq miniatür sərgisində 1-ci yerin sahibi olmuşdur.[3] Əliyar Əlimirzəyevə 29 dekabr 2006-cı ildə "Azərbaycan Respublikasının əməkdar rəssamı"[4], 16 oktyabr 2021-ci ildə isə "Azərbaycan Respublikasının xalq rəssamı" fəxri adı verilmişdir.[5]
İstinadlar
[redaktə | mənbəni redaktə et]- ↑ "Əliyar Əlimirzəyev". nar-gallery.com. 2023-08-30 tarixində arxivləşdirilib. İstifadə tarixi: 2023-08-30.
- ↑ 1 2 Sədaqət Kərimova. Qusar və qusarlılar (ensiklopedik toplu). Bakı: Ziya. 2011. ISBN 978-9952-34-579-7.
- ↑ 1 2 "Eliar Alimirzəyev". qgallery.net. 2023-08-30 tarixində arxivləşdirilib. İstifadə tarixi: 2023-08-30.
- ↑ "Azərbaycan rəssamlarına Azərbaycan Respublikasının fəxri adlarının verilməsi haqqında Azərbaycan Respublikası Prezidentinin Sərəncamı". e-qanun.az. 2006-12-29. 2020-02-18 tarixində arxivləşdirilib. İstifadə tarixi: 2023-08-30.
- ↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". president.az. 2021-10-16. 2021-10-19 tarixində arxivləşdirilib. İstifadə tarixi: 2023-08-30.