Etibar Şirinov (şəhid)

Etibar Fazil oğlu Şirinov (27 avqust 1993, İvanovka, İsmayıllı rayonu – 9 noyabr 2020, Zəngilan rayonu) — Azərbaycan Respublikası Silahlı Qüvvələrinin kəşfiyyatçısı, İkinci Qarabağ müharibəsi şəhidi.

Etibar Şirinov
Şəxsi məlumatlar
Doğum tarixi	27 avqust 1993
Doğum yeri	İvanovka, İsmayıllı rayonu, Azərbaycan
Vəfat tarixi	9 noyabr 2020 (27 yaşında)
Vəfat yeri	Zəngilan rayonu, Azərbaycan
Vəfat səbəbi	Şəhid olmuşdur
Dəfn yeri	İvanovka
Vətəndaşlığı	Azərbaycan
Atası	Fazil Şirinov
Anası	Əfruz Şirinova
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Rütbəsi	Əsgər
Vəzifəsi	Kəşfiyyatçı
Döyüşlər	İkinci Qarabağ müharibəsi
Təltifləri	20202020

Etibar Şirinov 27 avqust 1993-cü ildə İsmayıllı rayonu, İvanovka kəndində doğulub. Orta təhsilini doğulduğu kənddə almışdır. Bundan əlavə Dini Hafizlik təhsili almışdır. Etibar 2020-ci ilin avqust ayında ailə həyatı qurmuşdu.

Etibar Azərbaycan Ordusunda müddətli hərbi xidməti zamanı kəşfiyyatçı olmuşdur. Atası Şirinov Fazil də birinci Qarabağ müharibəsinin qazisidir. Etibar İkinci Qarabağ müharibəsi başlayanda könüllü olaraq ordu sıralarına yazılır. Zəngilan rayonu ərazisində Ziyarətgah dağı uğrunda gedən döyüşlərdə yaralanır və yenidən döyüşlərə qatılır^[1]. Hadrut Füzuli, Cəbrayıl və Zəngilan uğrunda gedən döyüşlərdə qəhrəmancasına iştirak edir. Etibar 9 noyabr 2020-ci ildə Zəngilan rayonu ərazisində azad olunmuş kəndlərin birində öz döyüşçü yoldaşları ilə nəzarət işini təşkil edərkən, orada gizlənmiş mənfur düşmənin gülləsinə tuş gəlmişdir.

• (15.12.2020) — "Vətən uğrunda" medalı (ölümündən sonra)^[2]
• (18.12.2020) — "Cəsur döyüşçü" medalı (ölümündən sonra)^[3]
• (24.06.2021) — "Zəngilanın azad olunmasına görə" medalı (ölümündən sonra)^[4]