Eyvaz Əlləzoğlu

Eyvaz Əlləzoğlu (Həsənov Eyvaz Əlləz oğlu; 1956, Muğanlı^[d], Qardabani rayonu – 26 fevral 2011) — Azərbaycan yazıçısı.

Eyvaz Əlləzoğlu
Həsənov Eyvaz Əlləz oğlu
Doğum adı	Həsənov Eyvaz Əlləz oğlu
Doğum tarixi	1956
Doğum yeri	Muğanlı[d], Qardabani rayonu, Gürcüstan SSR, SSRİ
Vəfat tarixi	26 fevral 2011(2011-02-26)
Uşağı	Ayxan Ayvaz
Fəaliyyəti	yazıçı

Eyvaz Əlləzoğlu 1956-cı ildə Gürcüstan Respublikasının Qardabani (tarixi adı Qarayazı) rayonunun Muğanlı kəndində anadan olmuş, Tbilisi Pedaqoji İnistitutunun filologiya fakültəsini bitirmişdir. 1980-ci ildən dövrü mətbuatda hekayələri və publisisstik yazıları ilə çıxış edir.

26 fevral 2011-ci ildə vəfat edib.^[1]

Ali təhsilini başa vurduqdan sonra Kosalı kənd orta məktəbində gürcü dili müəllimi, "Samqor" qəzetində korrektor kimi fəaliyyət göstərmiş, "Gürcüstan", "Borçalının səsi", "Ekspress" və "Xəzər" mətbu orqanlarında əməkdaşlıq etmişdir.

Publisistik fəaliyyəti dönəmində "Olaylar", "Borçalının səsi", "Ekspress" və digər qəzetlərlə Gürcüstanın siyasi həyatı ilə bağlı analtik yazılar yazmışdır.

1993-1996-cı illər ərzində Prezident Aparatının Milli Siyasət şöbəsində məsləhətçi, 1996-1998-ci illərdə Azərbaycan Respublikasının Gürcüstandakı Səfirliyində ikinci katib kimi fəaliyyət göstərmişdir.

Ssenarisi əsasında "Ov" cizgi filmi ekranlaşdırılmışdır. Gürcü dilindən Qoderzi Çoxelinin, Revaz İnanişvilinin, Naira Gelaşvilinin və digər müasir gürcü yazıçılarının əsərlərini dilimizə çevirmişdir.

"Əli və Nino" kitab mağazasının təşkil etdiyi Milli Kitab Mükafatında xüsusi mükafatla təltif olunmuşdur.

• "Ölü yay", (hekayələr)1992;
• "Yatan dinozavrlar",(hekayələr) 1993;
• "Odunçu geri qayıdır" (roman) 2010;
• "Qaraçöllü Qəzənfər" (roman) 2012;Əlləzoğlunun yeni kitabından parça^{[ölü keçid]}
• "Hekayələr" (hekayələr) 2013 [1]
• "Qırıq telefon" (hekayələr) 2021 [2]^{[ölü keçid]}