Fərhad Urazbayeviç Ermanov (özb. Farxod Urazboyevich Ermanov, 30 aprel 1958, Amudərya vilayəti, Qaraqalpaq MSSR, Özbəkistan SSR, SSRİ) — Özbək siyasətçisi, senator, Qaraqalpaqstanın sabiq Kənd və Su Təsərrüfatı Naziri, Xalq Deputatları Beruni Rayon Kenqaşının deputatı, 21 aprel 2018-ci ildən Xarəzm vilayətinin hakimi.
| Fərhad Ermanov | |
|---|---|
| Farxod Urazboyevich Ermanov | |
Xarəzm vilayətinin hakimi | |
| Şəxsi məlumatlar | |
| Doğum tarixi | |
| Doğum yeri | Amudərya vilayəti, Qaraqalpaqıstan Muxtar Sovet Sosialist Respublikası, Özbəkistan SSR |
| Milliyyəti | özbək |
Fərhad Ermanov 30 aprel 1958-ci ildə Özbəkistan SSR-in Qaraqalpaq Muxtar Sovet Sosialist Respublikasına tabe olan Amudərya bölgəsində anadan olub. Ali təhsillidir. 1981-ci ildə Daşkənd Suvarma və Kənd Təsərrüfatının Mexanikləşdirmə Mühəndisləri İnstitutunu maşınqayırma ixtisası üzrə bitirmişdir. 1996-cı ildə Daşkənd Dövlət İqtisad Universitetindən iqtisadçı ixtisası üzrə məzun olmuşdur.
Ermanov bundan sonra karyerasına başlamışdır. 1975–1976-cı ildə Amu Dərya bölgəsi, Mangita şəhərinin profilaktik və dezinfeksiya şöbəsinin işçisi olmuşdur. 1981–1995-ci ildə avtomobil ustası, baş mühəndis, Amudarya vilayətinin "Mangit" iqtisadiyyat direktoru olmuşdur. 1995–1998-ci ildə Amudərya vilayətinin hakimi vəzifəsini icra etmişdir. 1998–2002-ci illərdə Amudarya rayonu "Manqit" fermasının sədri, 2002–2004-cü illərdə Amudarya Rayonu Hökumətinin Kənd Təsərrüfatı və Su Təsərrüfatı üzrə birinci müavini — Kənd Təsərrüfatı və Su Təsərrüfatı İdarəsinin müdiri olmuşdur. 2004–2007-ci illərdə — Qaraqalpaqstan Respublikası Kənd və Su Təsərrüfatı Naziri vəzifəsini icra etmişdir. 2007-ci ildə Turtqul mahalının hakimi olmuşdur. 2007–2010-cu ildə yenidən Qaraqalpaqstan Respublikası Kənd və Su Təsərrüfatı Naziri vəzifəsini icra etmişdir. 27 dekabr 2009-cu ildən Xalq Deputatları Beruni Rayon Kenqaşının deputatı olmuşdur. "Özbəkistan Respublikasının Əməkdar Kənd Təsərrüfatı İşçisi" fəxri adı Fərhad Ermanova 2008-ci ildə təqdim edilmişdir. Ermanov həmçinin, senatordur, Parlamentin Yuxarı Palatasının Qanunvericilik və Məhkəmə-Hüquq Məsələləri Komitəsinin üzvüdür.
Fərhad Ermanov 2018-ci ildən Xarəzm vilayətinin hakimi vəzifəsini icra edir[1].
Özbəkistan Respublikası Ali Məclisi Senatının saytında tərcümeyi-halı.