Fərid Musabəyov

Fərid Zülfüqar oğlu Musabəyov — Azərbaycan-sovet dövlət xadimi, Azərbaycan SSR tikinti materialları sənayesi naziri (1970–1976).

Fərid Musabəyov
bayraq
Azərbaycan SSR tikinti materialları sənayesi naziri
bayraq2
5 fevral 1970 – 16 iyun 1976
ƏvvəlkiAğamehdi Ələkbərov
SonrakıNəriman İsayev
Şəxsi məlumatlar
Doğum tarixi 1926
Partiya
Təhsili

Həyatı

[redaktə | mənbəni redaktə et]

Fərid Zülfüqar oğlu Musabəyov 1926-cı ildə qulluqçu ailəsində anadan olmuşdur. M. Əzizbəyov adına Azərbaycan Sənaye İnstitutunu bitirmişdir.[1]

1949-cu ildən Bakı şəhərindəki tikinti-quraşdırma trestində usta, karxana rəisi, baş mühəndis olmuş, 1957–1960-cı illərdə hesablama mərkəzi tikintisinin direktoru, Azərbaycan SSR Elmlər Akademiyası əsaslı tikinti şöbəsinin rəisi, Bakı Baş Tikinti İdarəsi 9 nömrəli tikinti idarəsinin rəisi vəzifələrində işləmişdir. 1961-ci ildən Azərbaycan Kommunist Partiyası Mərkəzi Komitəsinin tikinti və şəhər təsərrüfatı şöbəsi müdirinin müavini, 1962-ci ildən isə həmin şöbənin müdiri olmuşdur.[2] 1970-ci ilin fevral ayında Azərbaycan SSR tikinti materialları sənayesi naziri təyin edilmiş və bu vəzifədə 1976-cı ilin iyun ayınadək işləmişdir.[3]

Fərid Musabəyov 1964-cü ildən Azərbaycan KP MK üzvlüyünə namizəd olmuş[4] və Azərbaycan SSR Ali Sovetinin deputatı (6–8-ci çağırış) seçilmişdir.[5]

İstinadlar

[redaktə | mənbəni redaktə et]
  1. ↑ Мусабәјов Фәрид Зүлфүгар оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 226.
  2. ↑ Мусабәјов Фәрид Зүлфүгар оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 251.
  3. ↑ Musabekov, Farid Sulfugar ogly // Who's Who in the Socialist Countries (ingilis). New York: Saur. 1978. səh. 421. ISBN 0-89664-011-6.
  4. ↑ Musabekov, Farid Zulfugarogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 425.
  5. ↑ Мусабәјов Фәрид Зүлфүгар оғлу // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 247.