Fidan Əlizadə

Fidan Əlizadə (19 iyun 2005[1]) ― 57 kq çəki dərəcəsində yarışan azərbaycanlı cüdoçu.[2] 2022-ci ildə Yeniyetmələr arasında Avropa Çempionatında və 2024-cü ildə gənclər arasında Avropa çempionatında qızıl medalın sahibi olmuşdur.

Fidan Əlizadə
Şəxsi məlumatlar
Vətəndaşlığı
Doğum tarixi 19 iyun 2005(2005-06-19)[1] (19 yaş)
İdman növü cüdo
Komandası Neftçi İK
Medallar
16 noyabr 2024 tarixində yenilənib.

Karyera

[redaktə | mənbəni redaktə et]

2020-ci ildə Əlizadə İspaniyanın Fuenxirola şəhərində keçirilən yeniyetmələr arasında Avropa Kubokunda mübarizə aparmış, lakin yer tuta bilməmişdir.[3]

2022-ci ildə o, bir neçə yeniyetmələr arası Avropa Kubokunda mübarizə aparıb, Buxarestdə keçirilən turnirdə qızıl medal, Fuenxirolada keçirilən tirnirdə isə bürünc medal qazanıb. Əlizadə iyun ayında Xorvatiyanın Poreç şəhərində keçirilən 2022 yeniyetmələr arasında Avropa çempionatında iştirak edib. O, qadınlarda –57 kq çəki dərəcəsində qızıl,[4][5] qarışıq komandalar üzrə isə Azərbaycan komandasının tərkibində isə bürünc medal qazanıb.[6] Həmin il Əlizadə Banska-Bistritsada keçirilən Avropa Gənclər Yay Olimpiya Festivalında qızıl medal qazanıb.[7] Sarayevoda keçirilən 2022 yeniyetmələr arasında dünya çempionatında mübarizə aparıb.[8] Çempionatın yarımfinalında ayağından zədə alıb. Final oyununda püşkatmanın nəticəsinə görə mübarizə aparmalı olan Əlizadə zədəli olduğu üçün komanda oyunda iştirak etməyib. Nəticədə yarışın qalibi avtomatik olaraq digər komanda təyin edilib və Azərbaycanın komandası çempionatı gümüş medalla başa vurub.[9]

2023-cü ildə Berlində keçirilən gənclər arasında Avropa Kubokunda gümüş medal qazanıb.[10] Əlizadə 2023-cü ildə yeniyetmələr arasında Avropa çempionatında və gənclər arasında dünya çempionatında mübarizə aparıb. O, həmçinin 2023 cüdo üzrə qarışıq komandalar arasında Avropa çempionatında Azərbaycanı təmsil edib. Əlizadə 2023 Avropa Oyunlarında Azərbaycanı cüdoda təmsil edən komandanın tərkibində olub.[11]

Əlizadə 2024-cü ildə Berlində keçirilən gənclər arasında Avropa Kubokunda qızıl medal qazanıb. O, 5 sentyabr 2024-cü ildə Estoniyanın paytaxtı Tallində keçirilən gənclər arasında Avropa çempionatında qızıl medal qazanaraq ikinci dəfə dəfə Avropa çempionu olmuşdur.[12] Oktyabr ayında Tacikistanın paytaxtı Düşənbədə keçirilən gənclər arasında dünya çempionatında çıxış edərək 7-ci yeri tutub.[13] Eyni ilin noyabrında Polşanın Pila şəhərində keçirilən 23 yaşadək cüdoçular arasında Avropa çempionatında mübarizə aparan Əlizadə 57 kq çəki dərəcəsində qızıl medalın sahibi olub.[14]

İstinadlar

[redaktə | mənbəni redaktə et]
  1. ↑ 1 2 JudoInside.com (ing.). 2002.
  2. ↑ Azərbaycan Respublikası Milli Olimpiya Komitəsi. "Əlizadə Fidan". olympic.az (ingilis). 2024-05-23 tarixində arxivləşdirilib. İstifadə tarixi: 2024-09-05.
  3. ↑ International Judo Federation. "Judoka / Fuengirola Cadet European Cup 2020". ijf.org. 2024-06-04 tarixində arxivləşdirilib. İstifadə tarixi: 2024-09-05.
  4. ↑ International Judo Federation. "Results in Women -57 kg / European Judo Championships Cadets Porec 2022". ijf.org. İstifadə tarixi: 2024-09-05.
  5. ↑ "Cüdoçumuz Fidan Əlizadə Avropa çempionu olub – Neftçi İK İctimai Birliyi". neftchi.org (az.). 2024-04-22 tarixində arxivləşdirilib. İstifadə tarixi: 2024-09-05.
  6. ↑ International Judo Federation. "Results / European Judo Championships Cadet Mixed Team Porec 2022". ijf.org. 2023-07-11 tarixində arxivləşdirilib. İstifadə tarixi: 2024-09-05.
  7. ↑ "Azərbaycan Avropa Gənclər Olimpiya Festivalında ilk qızıl medalını qazanıb". Report İnformasiya Agentliyi (az.). 2022-07-27. 2022-08-26 tarixində arxivləşdirilib. İstifadə tarixi: 2024-09-05.
  8. ↑ International Judo Federation. "Judoka / Sarajevo World Championships Cadets 2022". ijf.org. 2023-03-29 tarixində arxivləşdirilib. İstifadə tarixi: 2024-09-05.
  9. ↑ "Dünya çempionatı: Azərbaycanın cüdo millisi gümüş medal qazanıb". Report İnformasiya Agentliyi (az.). 2022-08-28. 2022-09-21 tarixində arxivləşdirilib. İstifadə tarixi: 2024-09-05.
  10. ↑ International Judo Federation. "Fidan ALIZADA". ijf.org. İstifadə tarixi: 2024-09-05.
  11. ↑ International Judo Federation. "European Games (European Judo Championships Mixed Teams) 2023". ijf.org. 2023-11-30 tarixində arxivləşdirilib. İstifadə tarixi: 2024-09-05.
  12. ↑ "Avropa çempionatı: Azərbaycanın daha bir cüdoçusu qızıl medal qazanıb - YENİLƏNİB". Report İnformasiya Agentliyi (az.). 2024-09-05. 2024-09-06 tarixində arxivləşdirilib. İstifadə tarixi: 2024-09-05.
  13. ↑ "World Championships Junior Dushanbe - results". judoinside.com. İstifadə tarixi: 2024-10-27.
  14. ↑ "Azərbaycanın daha bir cüdoçusu Avropa çempionatında qızıl medal qazanıb". Report İnformasiya Agentliyi (az.). 2024-11-15. 2024-11-16 tarixində arxivləşdirilib. İstifadə tarixi: 2024-11-16.